#كحل_عرب
(بيت بيوت )
((( بقلم زينب ماجد )))
الحلقة_21
(مأمون يتولى الامر )
في ابيات عتاب كواغد لأبنتها تقول :
ردي .. ردي
ياضعن شت اعن هله ، وحدّاي
غربه .. البيه يحدي
ردّي .. مليت الصبر .. وامكَاطر
الدمعة .. اعلّه خدي
لا تهيجين الجروح .. اجروحي من تنلجم
... تدّي
وانه .. خلاني الوكت .. ناعور
بس اترس .. وابدي
جورت ليل الصبر . واعجزت منه ..
وهذا حدّي
بلجي من يغفه الجفن .. ما جلمة
التنكَال بعدي
ردي .. ردي
مالي حيل امعاتبج .. وانه العليج
اديت جهدي
غلّست .. عن الكَلت والكَال ..
كَمت اسمع .. واعدي ..
و صابرت صبر الطفل .. شربي الطفل
والحزن مهدي
واحملت ليل العطش .. وانه العيون
السود .. وردي
اوساهرت .. طول البعد لمّن
عشكَت اليال .. سهدي
والله جا مل او جزع .. لو قصتي ..
اعله ايوب تسدي
ردي ..وانه .. مو طبعي العتب
عالما حلاله .. ايصون عهدي
يا رخص ذاك الجدم . كون اعله ياهو
الجان .. يبدي
او يامناحه ذلتي .. اوليل الكَضيته
ادموع وحدي
وانه .. من دم .. ولحم .. مو من
صخر جبدة العندي
ردي ردي ...
(للشاعر الكبير عريان السيد خلف )
لحظة اللي جلال حجه الحقيقة لحاكم ...
حاكم انجن رسمي ، جانت علامات الصدمة و التفاجئ كلها مرسومة بملامحه تبعته ملامح غضب تنرسم بصورة واضحة والاهل يترقبون كل كلمه و لمحة منه حتى يعرفون بتهم وين ؟!
صرخ ويا صرخته ركع سماعة التليفون بالكاع ، وكض براس كواغد : انتم شنهو الضامينه عني ، بتج شعاااااااااملة
- دخيلك ربي البت شمالها
- بتج معرسة وحبلى وانتم ممشين الماي حدرررررررري
ويا ما حجاها واصفك كواغد وذبهاا للكاع بكل قوتك
وهو يصرخ : تضمين علي وتكفكفين اعلى بتج الكح**** اليوم اذبحج عنهااااا
تراكضت الها هدوة و لالة ومؤيد و مأمون ، يجرون بيه و هو وين اليجي كدامه يطكه و يبعده عنه و يصيح : انت الوصليتيها ليجااااااي انت الخليتيها ادك ادرووووووب نعلة الله اعلى الساعة العرفتج بيها ، اليوم ادفنج بصف شمخي بت *****
ظلو يرجون بيه كام يشك بقميصه و بفالينته الداخلية و يدك اعلى راسه و يصيح : انفضحت بوية ، اشتهرت يالعباااااااس اشتهرررررررت ، نعلة الله اعلى اليجيب بنية ، نعلة ااااااااااااااالله ..
وهد على بناته ٤ واكفات على كتر يعاينن كض الصونده و يصرخ : اليوم اذبحجن اليوم ما اخلي بت عدي بعدددددددددد
كواغد تلطم اعلى راسها وتبجي وتصرخ ، وايمان ركضت لبناتها ، صارت كبالهن ولنه يصفهن وياهن ويتولاهن بالصوندة
ايمان و بطة و نهاد والاء و صبا
وهن يتصرخن بكل علاة حسهن ، مأمون وهدوة يريدون يجرونه .
