#كحل_عرب
(بيت بيوت )((( بقلم زينب ماجد )))
الحلقة-10-
( تهديد خنجر )طالت والعمر كلما تلف بيه يطول
غم ذاك العمر من ينگضي تعلعل
لـِ عريان السيد خلف|🖤هدية : عدنا مروان من الجهال روحه بالطوبه ، يصبح ليما ينام و هو يا طاب يا طيب بالطوبه يلعب يو بالشارع يو بلايا علم ابوه يمش للساحة يلعب ، يو كلش كلش بالبيت .
من كعدوا مدرسة صكع روسنا بالطوبة ، ويجر بامون خاطر يلعب وياه ، بس مامون مو كلش يلعب شوي وكاله كافي ..
اذا طلع احمد راضي بالتلفزيون احسب مروان تسودن يروح يحب الشاشة ويحضن بيها ويصرخ حتى بجى يبجي وانا اصيحن : تسودن الولد .
سرحان كالي : انا اشوفن بيه لاعب
- لواعبيش ؟
: رايد ادخلنه نادي ما طوله خلص مدرسته وكاعد عطلة بدل ما يلعب بروسنا و مدوخنا .
صكد وياخذه ويروح على فريق محلي بمنطقتنا ، يدرب الصغار ويلعبون ويا مناطق ثانية ابغداد و هم هكو لعبه و دوري وجوائز ..
اختبروا مروان بلعب الطوبة شافو زغير لجنه لاعوب يراوغ على كولة سرحان .. كاله : تشتريله ادريز وحذاء مالت طوبة لابتين مدري شيسمونه ، هو هاذ .
سرحان هم ما قصر .. اخذ الولد لسوك مريدي واشتراله هديمات مالت طوبة حتى مطارية مالت ماي مثل اللواعيب جابلة ... يا فرحة مروان بيهن .. كضاهن ويركص بالبيت ( انا راح اصيرن مثل احمد راضي )
وياخذ البيت طول بعرض يتمركص وسرحان فرحان بيه .ليما انريد انام و جيب اهدومك و صفهن بفراشك حتى الغندرة احضنها ونام : خب الولد تسودن
سرحان : هههههه باجر اله اول يوم يلعب بفريقه هدي بفرحته .
- مكرود وعلي ، جا هي هسه طوبة نايلون وتركض زلم وجهال تراكض وراها شنهي ، عكولهم وين .
- ههههههههه الامر مو هجي يهدوة هاي العاب رياضية .
- والله مدري شكلك .
نمنا بامان الله .
جا غير صحينا اعلى خبر موت سلطان ، وسرحان كال : تحضروا ياله خلونا نمش للسماوةمروان تسودن شلون نمش ويهد الفريق ، بجى بجي مالت ام فاكدة ولدها و ينكز تنكز : ما اروحن انعل ابوهم والله ما اروحن
- ولك ياهو التنعل ابوهم امششش
- ما اروحن انا اريدن امشي للفريق رااااااح يلعبون
- عوينة ابيك لابو اصلهم البسسسسس
اجاني و الدموع تهمل ، لا يكدر يرد على ابو صار عصبي ولا يكدر يمش ويانا ، واجا بالغرفة مطنكر ما يرضى يلبس ، ومامون يفتر وراه .