#كحل_عرب
(الفوضى)
((( بقلم زينب ماجد )))
الحلقة_61
(إنزال)
ولو مو عادتي اشچيلك
انه الناي البچه اعله چفاك
والغنه بمواويلك !
لـِ عريان السيد||
كام من الفراش بالعجل ، كضيت ايده : وين رايح
- لازم اطلع بسرعة
- حمزة لا تروح عليك الله
- انزال الاء .. لازم اطلع
يحجي ويدور على ملابسه السود بالكنتور ، ظليت كاضة باديه وابجي : عفية لا تعوفني اخاف والله ، حمزة خليك هنانه ، والله شتريد سوي بس ظل . لتروح
اندار عليه كضني من راسي وكام يمسح على راسي وينزل بشعري : لتخافين والله ارجعلج
- لا تروح
ظلت دموعي تجري
بيت غريب ، وعروس من وحدة الخوف بكلبي مو انوب حظر و الدنيا تخوف ويطلع ويعوفني بهالوضع ، ظليت بس كاضة باديه ..
سحبني وظل يبوس بشفتي .. ابد محاولت امنعه ولا ادفع ، بس ردت اسحبه اليه حتى ميعوفني .. صار يسحبني اله بكل قوته ، وكعني على السرير فوك البطانيات والفرشة هوسة .. ظل ينزع بتيشيرته .. الخوف متملك كلبي من كل مكان .. ماكو صوت بس انفاسنا.
باسني بكصتي واندار على صفحة جر المخدة وحط راس وظل يجر الغطا من جوانا ويسحبني اله ويغطينا، حطني على ايدة : تأذيتي
- لا تروح
- اكو انزال بالمنطقة يعني الأمريكان جاي يداهمون البيوت بس يعرفوني بالمكتب ياخذوني فلازم اطلع ، بس ارجع والله وعد.
وعدتج يوم وما نفذت؟
- يعني ياخذوك
- اي ، الاريده منج تكومين تبدلين ثوب مستور بسرعة وتخلين الشال ، لو صارت مداهمة ودخلوا البيت ، لا تبقين بالغرفة وحدج نزلي ولبدي بنص اهلي خوش .
حجاها وكام سحب ملابسه ، بدل وطلع مستعجل .. ممنعته .. خفت لا اكضه وصدك يداهمونا ويكمشوه ، واخاف اخليه يطلع .. ظلت بس دموعي تجري وراه ..
حتى ما فهمت شي من ليلي على كثر الخوف الصابني ، لبست ثوب ، وفتحت الباب ، محد فوك .. ولا احد صعدلي شلون راح انزل ؟
لازم اسبح احس ممرتاحة ابد .
طلع ولد من غرفته ، بساع رجعت ، حجه : ها خوية محتاجة شي اني احمد اخو حمزة
- صيحلي يمه كواغد او وحدة من اهلي
- اي هسه تأمرين
نزل ركض على الدرج ، يمه كواغد جانت نايمة تعبانة بس هدوة والبنات كاعدات ، صعدتلي نوسة ومرت اخو حمزة كوثر ، حجن : ها بشري
- بس اريد اسبح
كوثر : خلصيتوا ؟
سكتت مرديت عليها ، نوسة حجت : بس دلينا الحمام خل اخذها
