#كحل_عرب
(بيت بيوت )
((( بقلم زينب ماجد )))
الحلقة_34
(مقايضة )
ما انه من ارد اسولف واكشف المغلوگ
يغدي الحگ صبر وحجايتي اتزعل
لـ عريان السيد||🖤
مروان : ظليت افتر بالبيت وهي اختفت عن عيني ما اعرف وين راحت .. جنت اظن بس صدام حسين كاعد بهيج قصور طلعوا هواي ناس عايشة هيج .. ظلت عيني شاهكة على تصاميم البيت .
نزلت و هي لابسه ثوب اسود دلع ستن بلا ردن بس الخيط شايله .. و طوله لجعب رجلها ، لازك بجسمها مطلع كل مفاتنها .
ظليت اباوع عيوني ما زاغن منها مو جسم يشك شك ، كعدت على التخم و مددت رجليها و رفعت الثوب لركبها ونومت رجل على رجل . و كالت : لويش واكف ، اكعد دنسولف .
- عايشة وحدج ؟
- لما يروح بابا للسفر ابقى وحدي
-ما يخاف عليج
- من شنو لازم يخاف ؟
- الحرامية هواي .
- مراح احد يكدر يتجرا يتعدى البيت
- ليش ؟
- شو استلمتني اسألة مجوعان .. شرأيك نكوم نسوي اكل .
تعرفين اتطبخين
- ليغرك الشكل .. اعجبك
كمزت من مكانها و ظلت تتمايل و تمشي كدامي ، احتركت حرك ، تبعتها .. دنكت للثلاجة ادور شكو بيها ، تقربت عليها وانا احط ايدي على خصرها ، شالت راسها تباوعلي .. ابتسمت .
جرت تفاحة من الثلاجة واتقربت مني بطريقة مغرية : شنو ابالك اسويلك .
- كلشي يعجبج .
- متأكد
حجتها و اكلت من التفاحة بهدوء .. تقربت منها : احد كايلج انا حجارة .
ضحكت وهي تتغنج .. كضيتها ، دفعتني للطاولة تجتني ووكفت ويا طولي و حطت اديها على اجتافاتي ..
لفيت اديه على خصرها ... وجريتها الي.
مر اليوم و اليومين
و الأسبوع و الأسبوعين ..
ومروان ما راد لبيت اهله ولا معروف عنه شيء.
دك التليفون ، مشى مأمون شال السماعة : الو
-سرحان : ها بويه شلونكم
- هلا بيك يابه
- بشر ما لكيت خبر عنه هالهتلي ؟
- والله بويه دورت لحد ما مليت مروان ماكو .. حتى صحبانه سألتهم وهم ماكو ، حتى ابلاغ بمركز الشرطة سجلت مفقود من اسبوعبن .
-جا وين راح
- انا خايف لا صاير بيه شي .. مروان طايش
- انا باجر عدكم لاون نعرف هالولد وين راح .
