#كحل_عرب
(الفوضى)((( بقلم زينب ماجد )))
الحلقة_68
( وعيد حمزة )مروان : جاي اخابر وخارج نطاق التغطية يا اااااااالله .
هدية : شوف ربي سوف الوادم تجتلت ... يا يممممماي
مروان : خل اطلع اشوفهن .
كض سيارته وطلع ، واحنا فرفحنا بالباب يامن يجيبلنا خبر منهن .. شوي ورد مأمون .. كلش متايق كال: صارت فاجعة كلش جبير على جسر للأىمة الناس غركت
تلكته امي هدية وهي تكله : اني ونوسة مشن والاء حامل كلي شلون باله يمه
مأكون: صدك تحجين
- اي والله يمه اتلاحكلهن ما نعرف شي عنهن
كان ولحكهن .. للمغرب وهم ما مبينين وامي وبتي وبت اخوي واختي مامش خبر منهن ، نخابر على الاء نريد ماكو .
ليش ما احمزة صف سيارته وكت غروب .. صفصفت ايمان شتكله ، دك الباب ، طلعتله : هله بيك عمه
- هلا بيج عمه ، بس الاء خابرتها ما ترد
- ما ترد ؟
- لا خارج نطاق التغطية
- والله يا امي ما ادري شكلك بس الاء مو هنا
- مو هنا شنو جا وينها ؟
ظلت تباوع منا ومنا ، ردت حجت : طب اكعد وارتاح ، مو ع الباب
- خالة مستعجل الاء وين شني مو هنا وين رايحة
- من البارحة هي متأذية لإن تهمتها ببوكة الفلوس واليوم راحت للإمام مشي تريد قضاء حاجتها ..... بعدها جاي تحجي ....قاطعها
- راحت للإمام شني قضاء حاجتها شني ، تطلع بدون علمي ؟ مسودنه هاي ، شلووووووون
- خالة هسه عوف علمك ، الناس ماتت على الجسر وهن ما جاي يردن ، نخابر ونرد ليورا ومحد يطلع .
تسودن هو دار منها وصعد سيارته ، طلع بيها كبل للزيارة ، وصل غاد ، لكا الجثث بالشوارع .. والنسوان مكشفة والزلم تنزع بقمصانها و تغطي بالنسوان الطلعوهن من النهر ميتات .
التهى يدور ، عليهن بين الجثث ويتفقد .. يخابر ماكو
ومروان ومأمون نفس الحالة يدورون ...لحكهم حاكم و عباس يدورون .. لليل والناس نكلبت كلاب ، الكل هج يدور على اهله بين الجثث .
بالليل االساعة ١٠ ونص ولن الحجية كواغد و البنات طابات للبيت ، تلكتهن ايمان : هاااا
كواغد.: خايبة صار بينا دهر متنا من التعب
- يا تعب غير طاحت كلوبنا ، الولد كلها راحوا يدورونجن بين الجثث
كواغد: ياااا وينه وين الجثث ، الحادث صار واحنا بعدنا تونا واصلين جامع النداء .. سمعنا بيه وغيرت الدرب ما رحنا من جسر الأيمه ، مشينا من ذاك الصوب وزرنا بس شني طاحت رجلينا تفركسن و الدنيا مكلوبة كلاب على الحادث الصار مت عيني