#كحل_عرب
(بيت بيوت )
((( بقلم زينب ماجد )))
الحلقة -7-
(مداهمة )
تمنــيتك تجي بـ كد ماتمــنيت
لــِ عريان السيد||🤍
كشفت ستري و كسرت عدتي وانا اصارخ : يهل الرحم وين العدة غيرة يرحم بيه .
تهافتت الناس ودنك جاسم بساع و شال ستري و حطه اعلى راسي و نزع عبايته و لفها علي ، جراني سرحان منها و صرخ : طبي ليغااااد
جاسم : اطها الجهال يحمدان .
دفع الجهال و هي تتباجه و كال الهم: روحوا لامكم
سرحان : الله واكبر ولكم بويه و علي ملينا خايبينا جلينا بسكمممممم يا ال ثجيل مرة توه ميت رجلها تكسرونها بجهالها ولكم ما تخافون الله وما تستحون
صايرة دايرة بت الشيخ مطر تكسر عدتها و تذب سترها عد الما رحموا بحالها وااهي مرت اخيهم ... الله لا يطيك زناد يوم الرضيت تطي اخيتك لهناس ذول ... ولكم بوية سايم الله و محمد و علي عليكم فكونا
الناس عجت بالحجي و هي تهدي بالشيخ سرحان جاسم و حمدان لفوا جوالاتهم وداروا لاهلهم ، بس الناس ما خلت حجاية ما حجتها .
بت مكسورة اعلى زلمتها ما صاله اسبوع يسبونها و ياخذون جهالها ... البت شذنبها بالعداوة ؟
الزلمة انتحر من ثارات ال ثجيل و ضاحي وما وكفت بعينكم بعدكم ناس تهد اعلى ناس بسكم خل الوادم تأمن اعلى ارواحها .
دش ابو فاضل اعلى راديون و هو يصرخ : ولج جلبة ما استحيتي وانت بت الشيخ مطر اتذبين سترج جدام الوااااادم .
راديون : من شفت اخوي و عمامي و كل الشادة ظهري بيهم بايعيني و يتورجون اعلى ناري وانا احترك جدامهم ما فكرت بيهم ولا راح افكر .. جهالي ما اطيهم يو مو بت الشيخ مطر ويو رديتو وخذيتو جهالي مني اشهركم وعلي .
سرحان برا وعمها تولاها : ويطلعلج حس ، تحملينااااااج مرة ميت رجلها وما تنكسرين
كضاها من راسها وجراها ، و النسوان جلبن باديه ، وهي تصرخ ، دش سرحان اعلى صياح بيته، شاف عمه ، جر راديون من ايده و صرخ : شنهي انا مو بعينك و كاض اختي و تجتل بيها ابيتييييييي .
- يا بيت هاذ وهي حطت روس ال ضاحي بالطين ، ولج تتفرعين جدام الزلم يل ما تستحيييييين .
- حدك هنا عمييييي بسك ، وعلي ابن ابي طالب جلمة الاخرى لا انت عمي ولا انا اعرفك ... تعديت هواي وانا اعدي
راد يحجي صاح : بسكمممم ، الكل ما اريد اشوفنه جدامييييي يلاااا .
عمه طلع مغتاض .. ونسوانه و بناته طلعن زعلانات ويا ابوهن ، اجت فخرية : جا شنهي ابوي جاهل وتزمخ اعليه و ما تخليه يحجي .
