#تفسير_غلاف_الرواية
الشجرة هي شجرة عائلتهم و ترابطهم عائلة باللخ بيت حاكم و بيت سرحان و منها تفرعن البيوت
رسم ٣بنات.. من جسد واحد
وهذه بمعنى خوات و اللي ارتكزت عليهم الرواية(بطة و ألاء ونانة)
بطة الوجه اللي اختفت ملامحها
و ألاء اللي متوشحة بالسواد بسبب موت زوجها و نانة الوجه اللي واكف بملامح صامدة.. و فوك راسها حمل اختها.. متفرع منها ٣ وردات، وردة وكعت و اللي هو اكبر.. و بقت وردتين سالمات اللي هم اطفال بطة(نرجس وحيدر)
الدخان الأسود هو الحريق اللي تعرضتله بطة..واللي بقى متمركز براس نانة مطلع من راسها هالموقف و بقت حبيسته.
الرجل مأمون.. ممزوج بوجه أسد و هذا رمز للخلف من بعد أبوه
.. و متوشح وجهه نار.. و هذه نار اللي شبت بعائلته و حركت روحه وظل متشوه روحيا بسبب الصار بعائلته.
بالدخان الفوك كان اكو رسم لرجل غامض و دخان أسود.. وهو حمزة و غموضه لا هو شخصية ايجابية و لا هو سلبي تصرفاته بين التناقض و الغموض..
و اني نفسي مفهمت شخصية حمزة شنو.. الدخان هي حادثة التسليب التعرضلها و راح سببها.
و هذا كان كل التفسير
و كالعادة تبدع اعراف العاني بتصميم غلاف روايتي.
متى ارجع و اكمل ما اعرف
اني صارحتكم بحياتي و ظروفي و كلت الكم محتاجة العمل ولازم اشتغل، وان شاء الله هذا الاسبوع ابلش شغل، يبقى لازم ارتب وضعي واشوف شلون تصفى امور حتى على هالاساس اخلي نظام و اكمل الكم الموسم الرابع من كحل عرب واللي فصلها راح يكون(احضان باردة)