#كحل_عرب
(الفوضى )
((( بقلم زينب ماجد )))
الحلقة_62
(الامانة)
وين نروح
يا روحي لوين نروح
والصفنه وجع ياكل بلب الروح
لـِ عريان السيد||
حمزة :خفتي واني ما موجود ؟
- حيل ، خفت لا ما ترجعلي ما تدري شصار بينا البارحة .
- ادري دخلوا الامريكان وفتشوا .. والله ما يهنالنا بال وهم بكاعنا هالرعنان .
- هم هواي وعدهم اسلحة بيها ضوا .. حمزة عوف هذا للطريق بعد لخاطري
- ما اكدر .. صحباني ماتوا واني اهد .. ما يصير البديت بيه اوصل بيه للمنية .
- واني ؟
دا احجي ، رن الجهاز اندار هو وسحب التليفون : مأمون ؟ شعده يخابرج ؟
- مو اني خابرته على مود بطة ، ردتها تخابرني
حجيت واني اخذ الجهاز من ايدع وارد ، طلعت بطة ، سلمت عليها وباركتلي وسالتني ( حمزة ما اجه ) كتلها ( لا هذا يمي اجا ) بساع كالت ( ها لعد اخذوا راحتكم حبيبتي ومن تحتاجيني خابري مأمون واني ارجع اخابرلج )
- ماشي .
احجي و حمزة نزل من السرير ، لبس ملابسه : راح ترجع ؟
- لا بس صعدتلج واني ما مسلم عليهم كبل اجيتج ، خل اسلم على امي و اسبح واجي .
نزل، واني طلعت هدوم اليه ونزلت وراه ، لكيته يحجي ويا امه ، وهي تسولفله على الصار البارحة وشلون جفتوا علينا وفتشوا البيت ، وكفت اني : لعد بعدك ما سابح
-ها وشنهي غثتج كعدته وياي وسوالفة ورايدته يكوم
حجه هو : ها يمه هاااا ، كلش بعد وكت على هالعركات ، البنية سألت سؤال على كيفج
- عبن سؤالها ما بيه خير ، هي تشوفك كاعد عليش تكلك بعدك ما سبحت غير تريدك تكوم .
سكتت و عفته هو يرد .. ومشيت للحمام علكت ملابسي ، هسه جاي انزع هدومي اندكت الباب، فزيت ... معرفت شسوي استحي ارد خاف ابوهم لو واحد من الولد ، تقرب للباب وحجه : للو فتحي الباب
من سمعته حمزة ، تقربت من الباب بسرعة حتى افتح السركي: ها حمزة
- افتحي الباب
فتحته : ها
-دميلي خل افوت
- تفوت وين لا عليك الله لا .. روح
- شروح دفكي الباب شو
- لا فدوة والله استحي حمزة
ابتسم : ولج لطلعين صوتي اهلي منا شو دميلي، فتح الباب ، سحبت ثوبي ولفيته عليه : اطلع بس ابدل وانت اسبح
- تبدلين شكو ولج مو اني رجلج ملفلفه مني ليش ، شو تعاي
- عيب والله ، روووح
