- اي
- واني بحلم يخبل وطاير واتخيل بطة يمي وهيج وما اهيس الا الماي جواي .
- منين ؟
- من وحدة هاكداتها نامت بفراشي وشخت .
- هههههههههههههههههههه مأمون والله عيب
- شعيب غير ندهت بطة لحد ما متت بس ردتها تغسلج ماكو .. اني غسلتلج بيدي
- انوووب ، عزا والله فاضحيني اهلي .
- مو تكولين ابجي على ابوي ديلا هاج ، ابوج مسويه بيه هيج مثلي ؟ شالج على اجتافة مثلي ، اشترالج بكدي .
- لا وين من جنت صغيرة مذبوبة صرتي بغرفتكم .. مرات حتى اهلي ينسوني وابات عدكم .
- ااااها .. وتصيح ابوي لج بابا اني ابوج ، حاكم شتعب بيج ما تكليلي .. اسمج فراشج بصف اكبر ونايمة بغرفتنا .
تنهدت : تصور الدنحجي بيهم كلهم ميتين .
- الله يرحمهم
سكتت وهو صار يتنهد .. سمعت صوت جداحة ، حجيت : دا ادخن
جاوبني بسؤال: شو هدوء وين انت
- فوك
- الدنيا مكلوبة كلاب لا تجيج طلقة تايهة دنزلي
- صعدت مختنكة ردت شوية اتنفس .
- صاير شي
- لا بس احس ضايعة .. مؤيد لا يحل ولا يربط ، وعباس نذل شلون راح اعيش بنصهم ما ادري ، الي طموح وما اريد اندفن برجال وزواج مثل خواتي .
بس ما كدامي غير اخذ شاهين ..
شاهين يحبني بس اني ما عدي مشاعر وياه ومو بيدي ، وحتى لو اكول ورى الزواج ، ادري من اتزوج شهر شهرين ويكلي ما اتحمل جهال اختج ، وضايعة حيل ضايعة
- انت ليش شايلة هم الجهال ترا مو مسؤليتج بابا ، انت فكري بحياتج لا تحطينهم هم ..
- ما اكدر .. مو لإن جهال بطة لو هاي اني اتعودت عليهم ما امن ، مرات من اخليهم عد امي وكلبي ياكلني اعرفها تلتهي عنهم ..
- هسه عوفي الجهال ومسؤليتهم .. نانة اذا رايدة الزواج بس حتى تخلصين من عباس ، فالزواج مو حل .
- وشلون اكمل
- وتكملين ياهو المانعج
- مأمون انت اكثر واحد تعرف لو اموت وانط ما يخلوني اطب كلية ، خو كلمة انت تشبهين جمارة لازكة بحلوكهم كاموا كعدوا حجوها .. من كل عقلك يخلوني .
- واني وين رحت .
- شتكدر تسوي
- دنجبي لج عود كبرت وكامت تشيل هموم ، صيري حبابة واهتمي بدروسج ولا تحطين هالأمور ابالج .. هسه اني اني لازم ارجع للبيت ورصيدي راح يخلص من وراج بت الاوادم ، يلا محتاجة شي اجيبلج مشتهية شي .
البارت الثاني عشر
ابدأ من البداية
