كُحل عرب

البارت السادس

- جا هو يو يعرف شبي يظل بالنا اكلك طاح وخذوه

حط التليفون على اذنه .. خابر علي ما رد
رد اتصل بابوه هم ماكو رد
غير يردون دخيل الكعبة يعني هسه وين الكاهم وشلون اروحلهم .

رد اتصل بعلي : دردددددد نعلعلا غيرتك رد

صفت سيارة تكسي نزل منها علاء : ها السلام عليكم

مروان : هلا خوية وعليكم السلام ورحمة الله

- شني اكو شي

- ابو الاكبر يكولون طايح وشايلينه للمستشفى

- لاااااااا، مو خوش خبر والله ، وهسه وينهم

- ما اعرف كفيلك العباس عالدايخ وراسي مفتر غير اريد واحد بيهم يرد حتى امشيلهم .

اندار شاف الاء واكفة ودموعها بعينها على جهالها ، تقرب منها واطاها الجهال : ها الله يساعدج خوية

ماردت وهي تاخذ جهالها من اديه بفرح ، علي كضاها يبجي .. حضنته وسألته : شلونهم كاموا يبجون عليه هواي مو

- خبصوا الدنيا احتارينا بيهم بالله

مروان : اتفضل خوية جوا ، اعذرني دايخ والعباس

- لا دام فضلك ، مستعجل والله

- دكعد اشرب جايك

- لا يمعود هي مال جاي وانتم بهالحال ، بس شوف ابو الاكبر وين خاطر نمشيله

- ماكو جاي اخابر ما يردون خرب ب**** ما يردون

علاء: هاج خوية هذا مصرفهم .. ديربي بالج عليهم وان شالله جم يوم المؤجر يفرغ البيت وننتقل بيه

- البيت ! اليش عمتي رضت تطيني البيت

- ليش ما سولفلج الشيخ ؟

- لا والله بعدنا ما شفنا طاح مامون

- عود يحجولج وتفتهمين منهم ، اني اروحن مستعجل عدي شغلة اكضيها ديري بالج على الجهال زين وظلي ابيت الشيخ لا تروحين لهلج .

- الى متى اظل هنا

- الى ان افرغ البيت

- واخوتي يرضون اكعد

- مالج غرض بخوتج .. ظلي هنا على ما افرغ البيت

- يلا طبي ومن تحتاجين شي خابريني بالعجل

- الله يطيك ان شاءالله .

طلع مشى واني اخذت جهالي وطبيت جوا احضن بيهم وفرحانة .. هم زين ربي ردلياهم .. بس شلون اكعد بالبيت عباس هالنذذل يخليني .. لا ما يزوهرني .. ما ادري شلون ترهم بس اني بعد ذابتها على الله وابو الحسن علي .

سووا الفحوصات المأمون وخلصوا .. وتبين بالفعل عند داء السكري المزمن .. تسودن سرحان وكام يلوم عليه : شجنيت من حزنك كلي رديت وليدك ، ردت مرتك من سويت هيج وخسرت صحتك يا بوية ، عليش عملت بحالك هجي .