- اني خلاف ابوي وعمي ما ادخل بيه ، هم اخوه اني شكو مسود وجهي بيناتهم ، لا من صالح ابوي ولا من صالح عمي زناد يتكاومون بس مدري شبيهم .
- شنو قليل السواه زناد
- يابة اذا انظل حاقدين على سوالف صارلهن عمر ما نفلح .. سوالف ولت ومشت واحنا ولد اليوم ، بس ابائنا من يحقدون يستعزون بحقدهم ، مو مثلنا هالجيل نحقد الصبح ننسى العصر .
- هسه دعوفني من ابوك وعمك ، كلي شنو الجايبة
- هااا هيج ههههه ، بابا علي روح جيبلي العلاكة البيها كارتونه ع الطبلة بساع .
- شنو ؟
- هسه تشوفين
ركض اكبر جاب العلاكه واجه ، طلعها واطاها : تليفون فراشة ملون نسائي جبته الج
- يااااااا ، حبيبي
خذيته من اديه واني اتفحص بيه ، وهو يحجي : حطيتلج بيه سيمكارت وسجلت بيه رقمي ورقم ابوي ومروان وامي هدوة ، بعد انت شتسجلين سجلي .
-رقم الاء عندك
- اي موجود
كمت بساع اخذت تليفون مأمون ادور ع الرقم ، هو راح غسل ، ورجع جر المخدة ومدد وحط نرجوسه بحضنه ينومها : صدك بطة نسيت اكلح ، باجر عندي وفد لميناء ام قصر ، اروح اسبوع وارجع شلون تروحين لاهلي لو يجي علي يبات عدج
- ما ادري بكيفك
احجي واني ادك رقم الاء ، اتصلت ٣ مرات وما تجاوب : شكو مو عوايدها الاء ما ترد .. تليفونها قريب منها دائما ، رجعت خابرت على يمه كواغد .. هم ما ترد .. يا ستار شصاير بأهلي ؟
...
نانة : ضربته بكل حيلي بنص صلعيته .. كض راسه والدم ينضح من اديه ... نار بكلبي واني اشوف اختي محترك كلبها من ورا هالنذل واهله ..
اندار عليه بكل حيله يريد يجرني ،وجرتني امي ، ويمه كواغد ضربتني على ضهري : عزا العزاج خايبة اطكيييين الزلمة يمدهووووورة طبييييي عوينة ابو اصلج .
حمزة : اني اطكني مرة وتفيض دمي ، ولج الاء اني اهلج يسوووووون بيه هجي
كواغد : ياهو مالتها البت ، اختها غلطت وطكتك من حلاة روحها وقهرها اعلى خيتها ، امسحها بوجهي وانا بحسبة امك
تحجي كواغد و ايمان تكله : والله مو متقصدة نانة طايشة وتسرعت ابني
وهو يكض براسه والدم ينز ، ويدفر برجليه ويدور شي بس يحطه على راسه ويصيح ( خرب بصدام اذا ما ندمتكم ، انا زلمه وانتن نسوان وشوفن شسوي بيجن ، يا للاء وعلي الا احرك كلبج )
الاء :طبيت جوا من طكته نانة وامي وكواغد سدن الباب علينا وظلن يتعذرن منه من طكت نانة ، اني دموعي نشفن بعيني على دمه الجرى ، ظليت كاضة كلبي واباوع ، ونانة تصيح : كلع صوجج والله انت الءبيتي روحج بهيج واحد زايعته الكاع .
البارت الثلاثون
ابدأ من البداية
