اندكت الباب، صاحت امي: لا اطلعين ، مؤييييييد
كام فراشه بالاستقبال و راح فتح الباب واني اغسل ، بس خفت لا يطلع هو ، شو ما ينحزر يجفت جفتات مو عل البال.
ظليت كاضة الماسحة ، واستمع من ورا الباب ، كالتله : اني رويدا اخت الشيخ سرحان .
ما عرفتها ، هو سرحان عده اخت اسمها رويدا ؟
فتح الها الباب مؤيد وهو يكلها : اهلا وسهلا تفضلي
بس هم مبين عليه ما عرفها ، ويصيح : يمممممه ، يممممه .اباوع المرة جبيرة ولابسة بنطرون وعليه قميص طويل ، احنا هنا من كبل حتى لو سافرات البنطرون ممنوع محد يرضى بيه عدنا ، استغربتها صدك محجبة بس مبينه مو منا .
طلعت الحجية كواغد : هلا خالة تفضلي .
ابتسمت هي : انت عمتي كواغد موووو
- يااااع ياهي انت ؟
تقربت منها وعيونها دمعت وتكلها : عمة اني راديون
ثغبت يمه كواغد : ياااااا يمممممه ، خايبة شطلعاج يمكرووودة ياااااااا .
حضنت يمه كواغد وكامت تبجي ، وعمتي حضنتها ، طلعت امي مستغربة جيتها و تسلم عليها فرحانة ، وعمتي لالة .. مشت كواغد تحب بالوياه ، كضت الزغير وكالتلها ( خايبة هاذ ابنمن )
ابتسمت وهي تكولي : ابني علي .
- ياااع خلفتي من جويسممم
- السالفة طويلة يعمة .. طبوا ماما احمد هدى سلموا .
احمد وكف يسلم عليهم ، وهدى بصوت ناصي سلمت وواكفة ورى امها ، ظل مؤيد يعاين عليها .. حجت كواغد : مت عين الدنيا خايبة وليدج نسخة ابيه يعمه ، تفضلوا جوا تفضلوا
دخلت للدوانية وهي تكلها : هاذ الكاتلني يعمه ، شما كبر اشوف جسام بملامحة
كواغد : حباية ومفشوكة ، بس البت لالة اعلى ذويل امها معدلة .
ظلوا يسولفون وامي ودتني على مي ، ومؤيد ويا ابنها احمد برا، كضتني نانة : تعرفينها هاي ؟
- لا بس شو كلهم يعرفونها، ما اتذكر عد سرحان هيج اخت .
خذيت سراحية المي ورحت اسكيهن ، قدمت الها ، حجت : هاي بتج أيمان ؟
ايمان : اي هاي الاء
- شكد صار عدج؟
- ٧ مؤيد و عباس ولدي و بناتي خمسة هند و نهاد والاء وصبا وزهراء .
- الله يحفظهم ، حليوات البنيات
حجت كواغد : هدي الحجي هاذ واحجي وياي ، وينج كل عالسنين .. تعرفين جاسم سوا وشعمل غاد وكت الرد .. المسيجين سرحان طاح بيها وردهم .. الا جا تناوشون اولاد ثجيل
البارت العاشر
Start from the beginning