Unicode Version
နောက်တစ်ရက်၌ ညီသုတအလုပ်သို့ရောက်သွားချိန်တွင် ရှင်းသန့်မောင်တို့ ဌာနတစ်ခုလုံး ပုံမှန်နှင့်မတူဘဲ ပျာယာခတ်နေကြသောကြောင့် ညီသုတမှာ ပြဿနာတစ်စုံတစ်ရာဖြစ်သည်အထင်နှင့် ကိုယ့်နေရာတွင်သာ အသာထိုင်ကာ ငြိမ်နေလိုက်သည်။
ခဏအကြာတွင် ဌာနထဲသို့ ရှင်းသန့်မောင်တစ်ယောက် အမောတကောရောက်ချလာသည်။ သူသည် ရေတစ်ခွက်ကို အားရပါးရမော့သောက်လိုက်ပြီး ညီသုတရှိရာနေရာသို့ လျှောက်လာသည်။ ထိုအခိုက်မှာပင် လှယမင်းသွယ်ကလည်း ဌာနထဲသို့ အပြေးအလွှားရောက်လာသည်။
ထောင့်နားရှိ ညီသုတတို့ကိုမြင်သွားသည်နှင့် သူ(မ)သည် သူတို့နားသို့ အမြန်ရောက်လာလေသည်။
"အစ်ကို ဌာနမှူးအသစ်က ဒီနေ့ရောက်လာမှာဆို"
သူ(မ)၏အမေးကြောင့် ညီသုတလည်း ရှင်းသန့်မောင်ထံမှ ပြန်ဖြေလာမည့်စကားကို စိတ်ဝင်တစားနားစွင့်မိသည်။
"ဟုတ်တယ်။ ရောက်တောင်ရောက်နေပြီ။ အခု စီအီးအိုရဲ့ရုံးခန်းထဲမှာ။ မကြာခင် ဌာနထဲကိုရောက်လာလိမ့်မယ်ထင်တယ်"
"ဌာနမှူးအသစ်က ဘယ်လိုနေလဲမသိဘူး"
"ငါတော့ စည်းကမ်းတင်းကြပ်လိမ့်မယ်ထင်တယ်"
ရှင်းသန့်မောင်၏စကားကြောင့် ဌာနထဲရှိလူတော်တော်များများသည် သိလိုစိတ်နှင့် အနားကိုရောက်လာကြသည်။
"ဘာလို့လဲ"
"ဘယ်လိုပြောရမလဲ။ သူ့ကိုမြင်လိုက်တာနဲ့ ပထမဆုံးခံစားမိတာက အေးခဲသွားတဲ့ခံစားချက်မျိုး"
ရှင်းသန့်မောင်၏စကားနှင့်ပင် ဌာနတစ်ခုလုံးအေးခဲသွားကြလေသည်။ အချို့လူများကတော့ ထိုစကားကို အကျယ်ချဲ့၍ပြောသည်ဟု ထင်မှတ်ကြသဖြင့် စိတ်ထဲသိပ်မထားကြချေ။
သို့သော် ဌာနထဲသို့ တစ်လှမ်းချင်းလျှောက်လှမ်းလာသော အမျိုးသားကိုမြင်ရလေသောအခါ အမျိုးသမီးငယ်များသည် ငေးခနဲဖြစ်သွားရပြီး အမျိုးသားများကတော့ အားကျနေရရုံသာတတ်နိုင်ပေသည်။ အကြောင်းမှာ ဌာနမှူးအသစ်သည် သူတို့ထင်ထားသလို သက်ကြီးပိုင်းထဲမှမဟုတ်ဘဲ လူငယ်အရွယ်မျှသာရှိသေးသည့်အပြင် ရုပ်ရည်အရလည်း လွန်စွာချောမောနေသောကြောင့် ဖြစ်ပေသည်။
CITEȘTI
Mr.Silent (Completed)
Dragosteသူ့တစ်ယောက်တည်းကို ကွက်ပြီး သစ်စိမ်းချိုး ချိုးနေတဲ့အချေကိုယ်တော်လေးကိုမှ ချစ်မိသွားတဲ့ညီသုတနဲ့.. ရှောင်ပြေးချင်ခဲ့တဲ့အချစ်မှာပဲ ကိုယ်တိုင်စိတ်လိုလက်ရဝင်တိုးမိခဲ့တဲ့ ကာရန်ရှင်းတို့နှစ်ယောက်ရဲ့ ကံကြမ္မာအပြောင်းအလဲတွေ ဆက်တိုက်ကြုံလာရတဲ့အခါ......... St...