- انا ما اتحمل اظل كاعد جني مرة ما بيدي شي اسوي خل نروح للامن نسالهم .
- ننتظر للصبح ونشوف شيصير امشي
خذوه و ظلوا كاعدين بفرعهم ما ناموا .. لهناك سمعوا اشتباك بين الامن وافراد متهجمين على المركز ، الناس دخلت انذار تريد تعرف الحقيقة .
اضطر الامن يواجه باطلاق النار حتى يفرق لتجمعات ... هالامر الزاد بغيض الناس من الامن .
سرحان جان كاعد بغرفته منتظر مروان يرد حتى يتاكد من رجعته ويقفل الباب ... سمع صوت اشتباكات : صوت رمي هاذ ؟
اهدية : اي يس يمكنه بعيد
- شكو ؟
- خاف احد مات او شوف شكو .. دنام يا حجي البت ناطرة رجلها عود من يرد تصعده لغريفتها
- لا كلبي ما مطمن ، اروح اشوفنه واجيبنه بيدي
- منين تجيبه
- ربعه كالو نسهر بحديقة الامة ، خل امش .
توا طلع ، سمع صوت رمي زاد :ياربي سترك وعفوك .طلع ولن علي واكف كدامه : ها بويه شعدك كاعد لهسه امش نام الجو بارد يكتل .
- اي بويه هسه
- هدية اندهي مأمون خل يمش وياي نعاين اخيه وينه
راحت هدية دكت الباب ، فز مامون وبطة كدامه ، لزمت بيه : ما اريد احد يشوفني .
دفعها ليورا و صاح : منو ؟
هدية : يمه ابوك يكول خل يمش وياي نشوف مريوان وينه .
- اي يمه هسه بس ابدل .
فتح الضوا ، هي صافه ويا الحايط ليغاد : شلون راح اطلع ؟
- مصل ما سلتي روحج و طلعتي من بيتكم ، طلعي منا .
- كلهم نايمين و كلت احجي وياك بس اخاف لا ابوك يشوفنا عيب .
- ديري وجهج خل ابدل
اندارت ليغاد ، وحجت : يعني شنو ارجع هيج .
لبس بطرونه و هو يعاين عليها ، ردت باوعتله : انت متصور على كيفك تتركني وتاخذ غيري .
- مستعجل ، ارجعي
- لو مو مستعجل اني جاية لهنانه حتى انهيها
- اعتبريها منهيه
- تنهيها بشنو
- باللي يعجبج .
يحجي ويدكم بالقميص ، و لبس القمصله فوك هدومه ، تقرب عليه : مأمون كافي تعبت .تقرب حيل عليه ، تصورته جاي عليه ، دنك جر حذائة من وراي و سحب الجواريب ، يعني طلعتي هاي كلها هيج ؟
باوع عليه ورد يلبس بحذائه ، كام مستعجل وكفت كدام الباب : متطلع
- انت مخبله وخري ابوي منتظرني
البارت الأخير
Start from the beginning