كُحل عرب

البارت السادس عشر

- جا اروحلها

- تريكي بالاول

- لا ظهرها يوجعها ما تكدر تندج هواية تظل مالومة اروح اعاوننها و عود من يخف الشغل عليها اجي اكل لكمة هسه ما اشتهي .
تحجي وهي تلبس بحجابها على راسها ، وتلف العباية على خصرها تتوزر بيها

ضحك حاكم : جدو هنا مو مثل غاد بالديرة ، البسيلج شي واسع واوكفي ويا جدتج لا تتوزرين جنج طالعة تحوشين بالبستان

ضحكت : تعودت بعد جدي
طلعت للمحل لكيت حبوبتي توزن للمرة ، كربت ليها : ها جده

- جابج الله حطيلها شكر ٦ كيلوات

- صار

كمت اشتغل وياها ، مرت امي لابسة عبايتها و طالعة ، وكفت عد المحل : ها اصباح الخير

حبوبتي ما ردت تحجي ويا المرة  وانا كلت : هلا يمه صباح النور

- جا يمه من الصبح كاعدة بالمحل شعدج

- جا اهد حبوبتي لوحيدها

- تريكتي ؟

- لا ما اشتهي

- يمه وجهج يابس الما اشتهي شنهي

- وين رايحة انت ؟

-ابو مامون نايم كلت اروح اجيبله جبن كيري من ام حيدر وكيمر عرب .

عاينت عليها حبوبتي : ومري ليجاي امس سويت مربى مالت تفاح تخبل ضميت حصتج

- يبعد اهلي

ضحكت ومشت ، شويه لاخ وردت امي شايلة صينية مسويتلنا ريوك انا وحبوبتي ، المحل فارغ ، جريت الجرجف وفرشت وخذت من ايد امي ، حجت حبوبتي : اي والله يطيج العافية يمه خرطت روحي من الجوع .

- عمت عيني كون

جاي تحجي امي طلع جدي حاكم ، حب امي براسها ، حجيت ويا حبوبتي : جدة شو جدي بس امي من يسلم عليها يحبها براسها عليش .

رد هو من يمه : هديوة هاي كل ضناي بكتر و هديوة بكتر اخر  .

هدية : يبعد الراحو والاجو ابوي عزيز كلبي
ردت حضنته و هي مدمعه

كواغد : جثير نوبات اهيسنك تحبها ازود من كل جهالك

حاكم : كلهم احبنهم بس ظناي الاجوني منج الهم معزة بكلبي غير عن الكل

رديته انا : ليش جدي

- يذكروني باصلي جلماتهم ملحتهم حنيتهم ما اعرف بس اهيس انا قصرت وياهم هواي وذبيت حملهم على كواغد وداريت بزري من ايمان ، لهيج من اشوف جمارة وهديوة شما اسويلهن احسن انا مقصر وياهن عبن ما داريتهن وهن زغار .

هدية : يا بوية وعلي هالامر ما يفرك عدي انت والهوى الاشمنه معزتك بكلبي

كواغد : يخليك سالم الهن وخيمة فوك روسهن