كُحل عرب

البارت التاسع

-١٧ سنة

- بس هالسنة وتدخل كلية

- اسكتي من هسه مشيب راسي ، يريد يروح لبغداد غاد يدرس .

- يا عليش عمة شعدك غاد

ياسر : لما ادخل جامعة عود الله كريم
صاح على اخته فايزة ودخلوا جوا ، انا ظليت كاعدة وياهن جبت سيرة الزواج وشو كلهن كبن بوجهي عليش تعارضين و شرايدة و ليمتها تظلين هاذ حالج واخلصي .

كتلهن : انتن بعكلجن لو طاكجن شي ، انا انسى جسام و اكابل غير يمن كون يطمني يو سويتها

ظلن يحجن وياي وانا طاك براسي ، عرس مستحيل ارضى اعرس ... لو مو سنه يو بعد الدهر كله ، انا الذاك الزلمه الحبيته من كل كلبي لغيره ما اطي روحي .

.....

حاكم : ياله يا كواغد همي روحج.

- اي كضيت شمالك وياي ؟

لبست وطلعت انا  وياه لبيت الكال عليه سرحان بفرعهم ، مرينا على هديوة ، ابنها عليوي مصخن ومحتارة بزمانها ، كعدنا يمها شواي ورحنا شفنا البيت .

كواغد : واسع وطابقين اذا بعنا البيتين الطتها الحكومة لجهال ستار يجيب هاذ البيت ..

حاكم : يجيب بس انا ما رايد اكل حكهم

- حكيش الناكله اذا اعلى لويلة كالتلي عمه محوللة وموهبه اعلى البيت اشتصرفين انا وياج عسى ما اكعد وياج بصريفة ، وبنيات ستير بذمتنا ، نحطلهن غريفة بدل ما ظالات هيج بلايا حجرة .

- والله بت اخوج اصيلة المثلها وعدها هالولد تاخذ كلشي وتروح تعرس  

- جا غير انا عمتها .. خلصيت عمري وزماني وياك ما حاظيه بيك لا جزت ولا چزيت ، ولهساه انا وياك

- باريتني الذمة يكواغد

- يا جا عليش ما اباريك الذمة شعدي وياك

- انا شما اصفن اتضايك عبن كصريت وياج ويا عيالي منج هواي

- جلمتك هاي كافية جا احنا شنريد غير نشوفك سالم واذا اعلى مجابلك للمتيريسة انا ما الومنك ، تهد وحيدة بكد بزرك تارسها ها كداتها وادير عليه انا الوجهي يابس من الشمس  

- اصيلة يبت شمخي والنعم من الرباج

- اليحج وياي هيج اتدوده وما اعرف بعد ، اييي يحاكم امشينا  

....

للظهر صارت كعدت ال ضاحي وال ثجيل واجا جاسم كعد ويا سرحان وكدام الزلام كالة نريد ننهي هالعداوة البيناتنا واحنا طالت طلايبنه وموتانا كثروا ما زادوا وانا جيت خاطر هنا اكضيها  

سرحان كابله : من الزينات وياهو الما يريد الامان لاهله وناس لجنه الحجي كبل كاللنا ننهي و ما نهاها