- ابعدي من جدامي لا و الخلق محمد اكضج هنا ادفنج ، ابعدييييييي
مشت عنه مغتاضة لمت غراضها وطلعت من البيت .
راديون كاعدة بالكاع تبجي بهداي ولامه جهالها حدر عبايتها و حاضنتهم ، و ملوك تعبانة صحتها كاعدة اعلى الكرويته يم بتها .
سرحان كاعد ما تطلعت منه كلمه ، بس مدنك و وكاض راسه ، حجت راديون : ويردون ياخذونهم .
- واليرحم اهلج جفيني ... ال ثجيل وسيرة ال ثجيل جفوني شرها .
- ويو ردو
- هذا اختيارج انت ، تضكرين شكثر حذريتج و كتلج خوية الزلمه ما يفيدج هدي ... رديتي اله بأرادتج بعد ما طلكاج وجاية هسه ادورين مني حل
اخوج الكوا**** وينه من اطاج و فلت و عافج و عاف نسوانه و جهالة بركبتي ... انا ياهو اتحمله ومنين اتلكاها من ضيم العشيرة و طلايب الوادم يو من عايلتي غاد يو منج و من ال ثجيل كلولي شلون فهموني .
سكتت عنه و ما حجت ... هده شوي ، رد استغفر الله و حجه : اسمعي خوية .. جدامج طريكين مالهن ثالث
يا تطين جهالج وهاي الما تريدينها
يا تروحي تكعدين عدهم وادارين جهالج غادي ...
ملوك : و يو راحت عدهم ما يحسبنها هي السبب بجتلت نعمة و جسام ؟
سرحان : اليريد شي يعوف شي والدنيا مظالم مامش وحيد بيها مرتاح ولاجل عين الف عين تكرمون و هي تريد جهالها لجن انا اروح اعلى زلام خيرة من غير عشيرة واخليهم يدشون طباب خير ويمشون يحجون وياهم وياخذون منهم تعهد المرة ما تنضر عدهم و يو انضرت اهم كفالها .
راديون : اذا ما جان الي غير حل انا راضية اردن ليهم واتحمل اليجرالي منهم بس كون جهالي ما يفاركوني ، بس ذول الضلو الي من عكب عينه اموتن يو فاركني وحيد بيهم .
سرحان : جا خوش ... امش انا اعلى ال مطشر واحجي الزلمة الخيرة تتوسط بالسالفة .
حجه وكام للتليفون خابر على البيت مامش غير خنجر رد عليه و كاله : حاكم خذاهم غاد و بس انا بالبيت .
رد خابر اعلى بيت حاكم ، ردت ايمان : الو
- هلا خوية ام مؤيد ، ام علي وينها ؟ .
- هلا بيك خوية هسه اصيحلها .
راحت شوي واجت هدوة : الو
- ها يبعد اهلي شلون صرتي
- شلون حالي وانا بنيتي مامش ، شلون خليتهم ياخذونها
- جا بيش احكنهم وابن عمها مالج اعليها ، بس طيحت حظهم جدام العشاير اعلى سوايتهم هاي .
- وانا بيش يفيدني طياح حظهم ، يسرحان انا اريدن بتي .
- ذيج تصيح جهالي .. وانت تصيحين بتي يطلابة ال ثجيل الما تفض ، نعلعلا لشتك زناد بهاذ اليوم .
البارت السابع
Start from the beginning
