Khael Moon: Ang Prinsipe ng mga Aswang Season 1

Ang Pagsilang

~~o~~o~~o~~o~~

Ang Pagsilang sa Tagapagmana

Isang taon ang matuling lumipas sa buhay ni Karry, na magpahanggang sa ngayon ay nangungulila pa din sa pagkawala ng kanilang mga magulang

Punong puno ng kalungkutan at paghihinagpis ang nasa puso niya dahil sa maagang pagkawala ng mga ito sa kanilang piling

Kahit na nalulungkot ay tiniis pa din ni Karry para mapangalagaan ang kanilang nasasakupan dahil may mga ibang lahi ng mga kampon ng kadiliman na gusto silang puksain

Ito ang lahi ng mga taong lobo, na kumakain din ng karne ng tao, mga bampira at ang mga halimaw na walang mukha kundi bunganga lang ang nakakabit sa ulo nito at ang tainga, pero malakas ang pang amoy ng mga ito

Ginagamit nila ang kanilang pang amoy para sa kanilang pag kain at ang pandinig para madinig ang malakas na paghinga at pag tibok ng puso ng kanilang bibiktimahin

Pero hindi pumayag si Haring Karry na mapuksa at mapabilang sa mga ito ang kanilang lahi kahit na ipinagpipilitan pa iyon ng kanyang kuya, kaya lalo itong nag ngitngit sa galit sa kanya

May pamilya na din ang kuya Serafino niya at buntis na ang asawa nito na isang mataas na uri ng aswang na nakilala nito sa bayan

Masaya siya para sa kanyang nakatatandang kapatid kahit alam niyang hindi ito masaya sa kanyang pamumuno at sa pagiging Hari ng kanilang mga kalahi

Pero hindi na niya iyon binigyan pa ng pansin, dahil nakatuon ang kanyang buong atensiyon sa kanilang kaharian

Isang umaga, bumaba sa bayan si Karry para bisitahin ang ilang kalahi na nakapangasawa ng mortal, kinamusta niya ang mga iyon bago nag ikot ikot sa bayan

Isang babae naman ang nakapukaw ng kanyang pansin at interes,

Isang napakagandang babae, naglalakad kasama ang tatlong babaing alalay nito, pinapayungan ang magandang dalaga habang namimili

Maputi ito, balingkinitan ang katawan, mahaba ang buhok na kasing itim ng gabi, napaka ganda ng buhok nito na nangingintab kapag natatamaan ng sikat ng araw

Napapangiti siya kapag nakikita niya itong napapangiti din dahil sa mga biruan ng mga kasama nito

Nang iwanan ito ng tatlong kasamang babae ay nakakuha siya ng pagkakataon na lapitan ito at makipagkilala sa dalagang bumihag sa kanyang puso sa kauna unahang pagkakataon

"Magandang araw, binibini," magalang niyang bati kahit na isa siyang hari, yumuko pa siya bilang pag galang sa kaharap niya

Tinignan muna siya nito mula ulo hanggang paa dahil sa napaka simple niyang pananamit na kung titignan ay para lang siyang isang ordinaryong mamamayan doon at hindi isang Hari

"Magandang araw naman, Ginoo," nakangiti nitong sagot sa kanya matapos siyang pasadahan ng tingin,"Ano ang maipaglilingkod ko sa iyo?,"

"Nais ko lang sana makipagkilala sa isang katulad mo," pahayag niya,"Ako nga pala si Karry, ikaw ano ang iyong pangalan?," sabay lahad ng kanyang kamay sa harapan nito

"Ako si Mayumi," nakangiti nitong turan sabay abot ng kamay sa kaharap, na nakangiti pa," Karry? Ikaw ba iyong Hari ng mga aswang sa kabilang Nayon?," tanong sa kanyan ng kaharap