الحلقة الثالثة
#رواية_وسام_الفؤاد
بقلم: آيه السيد شاكر
جماعه متنسوش الڤوت ⭐ وكومنت برأيكم بعد القراءة
"مهما حصل مش هتتجوزي غيري يا وسام"
قالها سالم ضاغطًا على أسنانه بغيظ، ناظرًا لعيني وسام بإصرار وتحدي، ليقاطع نظراته وقوف فؤاد أمامه.
كان فؤاد يحدجه بعيون ملتهبه تشتعل بشرارة الغضب قائلًا بتهكم وهو يبتسم ساخرًا:
"دا إيه الثقه إلي بتتكلم بيها دي! مين بقا حضرتك؟"
عقد سالم ملامحه قائلًا بنبرة حادة:
"المفروض أنا إلي أسأل السؤال ده! مين إنت عشان تتدخل بيننا!"
هتف فؤاد مخاطبًا وسام بينما نظراته الحادة تجول بملامح سالم:
"روحي اركبي العربية يا وسام"
نظرت له بقلق ولم تحرك ساكنًا فكرر أمره رافعًا نبرة صوته قليلًا وضاغطًا على أحرف كلماته:
"قولت روحي اركبي العربيه!"
هزت وسام رأسها بنفي وقالت وهي تُطالع سالم برجاء:
"لو سمحت يا سالم أمشي أنا مش عايزه مشاكل"
على جانب أخر خرجت مريم مع نوح وتبعهما فرح ويوسف لجلسة التصوير "الفوتوسيشن"
تخطى سالم فؤاد ومد يده ليقبض على ذراعها بعنـ..ف قائلًا بحده:
-مش هتحرك من هنا ويلا معايا أوصلك على البيت
صرخت وهي تسحب يدها منه:
"إنت اتجننت سيب إيدي"
دفع فؤاد كتفي سالم بظهر يديه يبعده عنها صائحًا بنبرة مرتفعه وبحده:
"إنت ازاي تلمسها هاااااه!"
لم يصمد سالم ودفع فؤاد بقـ..وه هادرًا:
"إنت مالك بتتدخل بيننا بصفتك إيه؟!"
اشتعـ.لت حدة الجو، واشبـ..كا معًا فصـ.رخت وسام ودخلت بينهما لتبعدهما، فدفعها سالم بقـ.وه لترتطم بالأرض متأوه، وهنا تدخل أحمد ومحمود واتجهت هبه لوسام تربت على ظهرها وتطمئن عليها قائلًه بقلق:
"إنتِ كويسه؟!"
أومأت وسام رأسها وهي تنهض لتقف وتتابع باقي الشجـ.ار، كان فؤاد يمسك سالم من تلابيبه قائلًا بغضـ.ب عارم:
"حظك ونصيبك إن إحنا عندنا فرح وإلا كنت عرفتك إزاي تمد إيدك عليها"
هدأه محمود وسحبه بعيدًا عن هذا المتـ ـهور الذي سحبه أحمد للإتجاه الأخر، حاول فؤاد الإفلات من قبضة محمود فسحبه محمود مرة أخرى قائلًا:
-اهدى بقا يا فؤاد خلاص
ليصبح سالم بنبرة غاضبة:
-دا أنا سيدك ياض والضـ.ربه إلي ضـ.ربتهالي دي هردهالك وهعرفك إزاي تتدخل بيني وبينها
دفعه أحمد وهو يقول بحدة:
-امشي يا عم بقا غور
ابتعد سالم خطوتين ثم إلتفت مرة أخرى لينظر نحو وسام باشمئزاز قائلًا بتهكم وبنبرة مرتفعه سمعها الجميع:
"متفرحيش إن الشباب بيتخانقوا عليك إنتِ أصلًا متساويش جنيه في سوق النسوان وأنا الوحيد فيهم إلي عارف المستخبي"
ابتعد وهو يقهقه ضاحكًا بسخريه، ونظر الجميع لتعبيرات وجه وسام الجامدة والخالية من المعاني، اقترب منها فؤاد وسألها من خلف غضبه وهو يشير نحو سالم المنصرف:
-مين الواد ده؟
تنحنحت وسام واغتـ..صبت الكلمات لتخرج من فمها قائله:
-دا ابن مرات بابا!
هدأ من أنفاسه واصطكت أسنانه قائلًا:
-عايش معاكم في نفس البيت؟
تنهدت بحسره قائلة:
-لأ هو أصلًا متجوز
قطب حاجبيه قائلًا باستفهام:
-منين متجوز ومنين عايز يتجوزك؟!
عقبت بأعين منكسره وبها كثيرًا من الألغاز المحيرة:
-عايزني زوجه تانيه!
لم يستطيع فؤاد السيطره على غضبه وقال بنبرة حاده:
-دا لما يشوف النجوم في عز الظهر يبقا يتجوزك
قاطعهما صوت محمود قائلًا بتلعثم:
-يـ.. يلا يا فؤش مش وقت الكلام ده خالص
نفخ فؤاد بحنـ.ق واتجه نحو سيارته وهو بقمة غضبه دون أن ينبس بكلمة أخرى، وتبعه احمد ومحمود وهبه، أما هي فوقفت قليلًا تُحدق بالفراغ قائله بهمس وانكسار:
-يارب ارحمني بقا أنا تعبت
ليخرجها من شرودها فؤاد الذي نظر لها من نافذة السياره هاتفًا بنبرة حادة أرجفت جدران قلبها:
-وسام.... يلا اركبي
تنفست بعمق واتجهت تركب جواره لينطلقوا إلي مكان العروسين...
_____________________________________
دخلا فرح ويوسف لقاعة التصوير برفقة نوح ومريم اللذان يبتسمان بسعاده وبدأت تصورهما بأوضاع مختلفه، فهمس يوسف لها:
-أنا حاسس إننا محتاجين نعيد فرحنا من الأول
ابتسمت وهي تنظر نحوه قائله:
-فعلًا إنت ضحكت عليا أصلًا
ليكرر كلمتها بتعجب مصطنع:
-أصلًا!
ابتسمت له وتحركت نحو العروسين لتصورهم لكن تعرقلت فجأه فسندها يوسف بين ذراعيه، ابتسمت ونظرت بعينيه وبادلها الإبتسامة أخذ يتعمق بالغوص في بحور عينيها، متناسيًا المكان والزمان...
أخرجهما من شرودهما صوت نوح الذي وقف أمامهما عاقدًا ذراعيه معًا حول صدره وقائلًا:
-يا حبايبي ابعت أجيبلكم إتنين ليمون
تنحنح يوسف بإحراج وهو يعدل من وقفته ووقفت فرح قائله بمرح:
-شكلك فاهم يا نصه ياريت اتنين ليمون في السريع
رفعت سباتها تهزها بوجهه مردفةً:
-وعلى فكره الفوتوسيشن ده ب الف بس عشان إنت أخويا هعملك خصم فهيكون بألف ونص
نظر لها نوح ساخرًا وهو يقول:
-يا بت دا إنت السبب في الأكل الي باظ امبارح والخسارة إلي خسرناها
هزت كتفيها لأعلى قائلة:
-وأنا مالي يخويا دا وسام وفؤاد
قاطعهما يوسف وهو يبدل نظره بينهما قائلًا:
-مش فاهم حصل إيه؟
هم نوح أن يشرح له لكن قاطعهما صوت مريم:
-يا نوح!
اسبل عينيه وهو ينظر لها قائلًا بنعومه:
-قلب نوح
ابتسم يوسف قائلًا:
-إيه يا حبيبي أبعت أجيبلك اتنين ليمون
ابتسم نوح وهو يغلق عينيه ويزدرد لعابه قائلًا:
-ياريت
اتجه نوح نحو مريم، ونظر يوسف لفرح قائلًا:
-إيه حكاية الأكل إلي باظ ده
ربتت على كتفه قائله بمرح:
-في الصباحيه هبقا أقولك
رفع إحدى حاجبيه قائلًا:
-مش عارف ليه حاسس كدا إنك وقعتِ في الأكل امبارح وبهدلتي الدنيا احكيلي بسرعه
-طيب بجد هحكيلك بعد الفرح إوعى بقا عشان إنت معطلني
ابتسم قائلًا:
-ماشي يا فراولتي
انشغلت فرح بالتصوير كان هاتفها مع يوسف صدعت رنة هاتفها، طالع شاشته وابتسم مرددًا الأسم:
"الست دي أمي"
ضحك بخفوت ثم أجاب:
-أيوه يا حماتي العزيزة
-أيوه يا حبيبي إنتوا فين؟ وهتيجوا امته؟
-لسه قدامنا ساعه كدا
-طيب يا يوسف أمانه عليك تخلي بالك من فرح ومتخليهاش تنط زي الأرانب كدا عشان إلي في بطنها
حك مقدمة رأسه قائلًا باستفهام:
-حماتي معلش هو إيه إلي في بطنها؟
لتجيبه بسخرية:
-يعني هيكون دكر بط يعني عشان الجنين يابني
كرر كلمتها متعجبًا من تلك السيدة:
-جنين! هو إنتِ لسه مصممه إنها حامل؟
عقبت شاهيناز بتصميم:
-إسكت إنت متعرفش حاجه في الموضوع ده
أومأ رأسه ساخرًا وهو يقول:
-طبعًا أنا مالي أصلًا عشان أتدخل
لتأكد عليه قائله:
-المهم خلي بالك من البت والي في بطنها
-من عنيا يا حبيبتي دا إنت تأمري
-الأمر لله يلا تيجوا بالسلامه
أغلق يوسف الهاتف وهو يقول بسخرية:
-إيه ده! لا بجد إيه ده!!
________________________________
جلس وحيد بجوار زوجته يتناولان طعام العشاء فقالت متخابثة:
-سالم اتقدم لوسام تاني الواد شاريها وبيحبها يا وحيد أنا مش عارفه هي رفضاه ليه؟
ليعقب وحيد بتهكم:
-بت وش فقر مش غاويه نعمة
عقبت عبير بمكر:
-إنت عارف أنا بحب وسام أد إيه وبعاملها زي بنتي وأكتر انا خايفه عليها كنا بنقول مين هيرضى بيها بعد الي حصلها وأهو جه إلي رضي بيها
عقب وحيد بتحدي:
-اصبري عليا بس أنا إلي هجوزهاله بالعافيه
وبنظرة انتصار قالت:
-صح إنت لازم تجبرها تتجوز سالم وأهي هتعيش معانا هنا مؤقت وبعد كدا هيجيبلها شقة باسمها وهنروح نعيش معاهم هناك
اتسعت حدقتيه قائلًا بتعجب:
-ما شاء الله دا إبنك ربنا فتحها عليه بالقوي يا عبير
عقبت بفخر:
-أومال إيه سافر واتمرمط... دا بقاله كام سنه بيعافر عشان يكَون نفسه
قاطعهما طرقات عنيـ..فة على باب المنزل يتبعها رنات متتاليه لجرس الباب فقام وحيد ليفتح وهو يقول بتبرم وبنبرة مرتفعه:
-مين؟ شيل إيدك من على الجرس مستعجل على إيه الصبر طيب!
فتح الباب ليدخل سالم للبيت بعيون تشتعل غضبًا هتف بدون سلام:
-إيه يا عمي وحيد سايب وسام دايره على حل شعرها!
انقبضت ملامح وحيد قائلًا:
-إحترم نفسك يا سالم!
عقب سالم متهكمًا:
-والله انا محترم الدور والباقي على إلي مش لاقيه حد يلمها
هدر به وحيد:
-ســـالم!!!
حاولت عبير التدخل لتهدئة الجو قائله:
-اهدى بس يا وحيد....
نظرت لسالم قائله:
-حصل ايه يا بني
زم سالم شفتيه قائلًا:
-أنا شوفت وسام راكبه العربيه مع تلاته شباب قولتلها تعالي أوصلك البيت رفضت ولمت عليا الشارع وخلت الشباب ضـ..ربوني!
وضعت عبير إحدى يدها حول خصرها وهتفت بتهكم:
-شايف يا وحيد بنتك وعمايلها
نفخ وحيد وقد إرتخت ملامحه قليلًا قائلًا:
-معلش يا سالم امسحها فيا وأنا هشوف بنت الك*** دي
ليعقب سالم:
-البت دي عايزه تتربي من أول وجديد قولتلك جوزهالي
-عليا الطلا***ق من أمك ليكون كتب كتابك عليها الخميس الجاي
ابتسم سالم بانتصار ونهض واقفًا وهو يقول:
- ماشي يا عمي الخميس الجاي هجيب المأذون وأجي
ابتسمت عبير وأطلقت زغروده عالية وهي تقول:
-ألف مبروك يا حبيبي
تبادلا عبير وسالم النظرات الخبيثة وأومأ سالم رأسه بارتياح...
________________________________
وفي السياره كان نوح ينظر نحوها بكثير من التردد يخاف من رد فعلها على كلامه:
-مريم!
التفتت له قائله: نعم!
تنحنح قائلًا:
-عايز أقولك حاجه ومتردد من الصبح
قطبت حاجبيها قائله:
-خير عايز تقول إيه؟
ابتسم ببرود وهو يقول:
-جدك صمم يعمل سهره وأنا مقدرتش أعارضه
جحظت عينيها من الصدمه فحاول طمئنتها قائلًا:
-بس متقلقيش أنا إلي اختارت الأغاني وكلها إسلاميه
رفعت مريم إحدى حاجبيها قائله بنزق مشوب بالعتاب:
-لسه جاي تقولي يا نوح وإحنا خلاص دخلنا البلد
ابتسم قائلًا:
-يا بت أنا مظبط كل حاجه هتنبهري من الأغاني إلي مختارها هتتفاجئي بجد...
وبعد دقائق وصلا للحفل وارتجلا من السياره كان يمسك يدها ويحيه الجميع، كان مبتسمًا بسعادة وزهو وهو يسمع أسماء الله الحسنى يصدع صوتها عاليًا، مال نحو أذنها وقال:
-سامعه مش قولتلك أنا إلي مختار الأغاني
كانت بقمة إحراجها من ذلك الحشد الكبير من النساء والأطفال فتقريبًا البلد برمتها ستحضر الحفل، همس في أذنها مردفًا:
- قولتلك أنا مظبط الدنيا
أخذت نفسًا عميقًا قائله:
-ربنا يستر يا نوح أنا قلقانه
وبمجرد انتهاء أسماء الله الحسنى صدع بعدها صوت أغنيه رومانسيه مع الموسيقى، فنظرت له مريم بشر وهي تردد جملته بتهكم:
-هتنبهري من الأغاني إلي مختارها هتتفاجئي بجد!
ليبتسم نوح ببرود قائلًا:
-يلا يا حبيبتي نرقص سلو أبوس إيدك متفضحيناش
__________________________________
تركت فرح الجميع وأخذت يوسف بيدها لتأكل فهي جائعة أو هي دائمًا هكذا لا تفكر بغير الأكل، وقف يوسف ينظر لها وهي تأكل بنهم شديد مبتسمًا نظرت له ومدت يدها نحو فمه قائله:
-خد بدل ما تبصلي في الأكل زي البت وسام وبطني توجعني تاني
إلتهمها من يدها وأخذ يمصمص أصابعها باستمتاع لتدخل شاهيناز المطبخ قائله:
-يا حبايبي إنتوا جعانين!
حمحم يوسف وابتعد عن فرح وهو يمسح شعره بحرج، وعقبت فرح بتلعثم:
-أوي أوي يا ماما
وضعت شاهيناز اللحم أمامهما فصاحت فرح:
-هرجع بجد شيلي اللحمة دي من قدامي أنا كرهتها فجأة
ابتسمت شاهيناز ورفعت زغرودة عالية فنظرت فرح ليوسف قائله بهمس:
-هي ماما شكلها كانت بتعزم عزومه مراكبيه وفرحت إني مأخدتش اللحمه ولا إيه!
قهقه يوسف ضاحكًا وهو ينظر ل شاهيناز المبتسمه وقال:
-باين كدا يا بت يا فرح دا إحنا معدناش ناكل عندهم خالص
وأخيرًا وضحت شاهيناز سر فرحتها وهي تقول:
-جالك كلامي يا يوسف مش قولتلك إنها حامل
وهنا انفـ..جرت فرح صائحة:
-تاني يا شاهيناز طيب والله لأوريكِ
قذفت طبقًا ليرن بالأرض فقال يوسف محذرًا:
-لأ يا فرح مش وقت جنانك خالص
لتعقب شاهيناز بقلق:
-أيوه يا بني قولها
عقبت فرح بنزق:
-ماما... روحي ارقصي مع ابنك عشان أنا بجد متعصبه
هرولت شاهيناز للخارج وهي تتمتم:
-مجنونه بنت مجنونه
ربت يوسف على ظهرها قائلًا:
-خلاص بقا يا فروحه خدي اشربي بيبسي وروقي
-إسكت يا يوسف عشان زمان العيله كلها فاكراني حامل
-إيه المشكله يبنتي هو إنتِ جيباه من الحرام ولا حاجه
غمز لها قائلًا بمكر:
-وبعدين مسيرك هتبقي حامل يعني وتجيبيلي مجانين صغيرين يشبهوكِ
ابتسمت فرح قائله:
-هات يا عم البيبسي خليني أبلع
"مسيطره همشيك مسطره..."
كانت تلك هي كلمات الأغنيه التي صدعت عاليًا تذكر يوسف كيف كانت ترقص عليها ممسكة بالسـ.كين فابتسم يوسف قائلًا:
-ها أجيبلك سكينه!
حاولت كبح ضحكتها والبيبسي بفمها وفجأة بصقته على وجهه، بادلها الضحك وهو يمسح وجهه قائلًا:
-والله لو حد تاني عمل الحركه دي كنت نفـ.خته
ضمها بحب مردفًا:
-بحبك أوي يا فراولتي
شددت في ضمه محاوطة ظهره بكلتا يديها وقالت:
-وأنا بحبك... بحبـــك
"يالهوووي في المطبخ يا منى"
قالتها وهيبة بعد صرخة مدوية وشهقة عالية، خرجت فرح من بين ذراعيه وطالعتها قائلة:
-وحدي الله دا جوزي والله
خرجت وهيبه تضرب كفًا بالأخر وهي تقول:
-ختى لو جوزك... رحمتك يارب
نظرا يوسف وفرح لبعضهما ومط يوسف فمه متعجبًا...
___________________________________
على جانب أخر يقف فؤاد بوجه متجهم جوار وسام التي لا تقل ملامحها تجهمًا عنه زفر فؤاد بقـ.وة ونظر لوسام ثم اقترب منها لتستطيع سماع صوته وقال بأمر:
-تعالي ورايا عايزك ضروري
لم ينتظر ردها وسار أمامها لداخل البيت وتبعته بخطوات ثقيله فهي ليست حمل أي كلام الآن وإن جادلها سينفـ.جر شلال الدموع التي جاهدت لحبسها بعينيها وخينها يستطيع أحد إيقافه، وقف ينتظرها حتى دخلت ووقفت أمامه بتوجس وهتف بنبرة حانية أدفئت زمهرير قلبها:
-وسام إنت عارفه غلاتك عندي زمان كانت إزاي! وغلاوتك دي مقلتش أبدًا ببعدك عني ٧ سنين بل زادت...
عقد حاجبيه وقطب جبينه قائلًا بقلق بدا بنبرة صوته وظهر على ملامحه:
-وسام هو فيه إيه؟ إيه إلي حصل في السبع سنين دول؟.. إنتِ فيه حاجه مخبياها؟!
لا تريد البوح لا تريد الكلام ولا تريد شفقة أحد، غصةٌ كبيرة وقفت في حلقها كحجر كبير سد طريقها لمتابعة السير فحاولت إزاحته بكثير من الجهد ولم تفلح، تنهد فؤاد بقـ.وة وأردف:
-زمان كنتِ بتحكيلي كل حاجه... وأي حاجه... احكيلي يا وسام متخافيش... صدقيني محدش هيخاف عليكِ قدي
إغتصـ..ت الكلمات لتخرج من فمها متلعثمة:
-م...محصلش حاجه
هز رأسه مستنكرًا ثم نظر لها وقال بجدية شديدة:
-لأ حصل والظاهر إن حصل حاجه كبيرة..
حدق بها وكأنه يريد الغوص بداخل أعماق قلبها استكشاف ما يحويه، كان وجهه مليء بعلامات الإستفهام حاول أن يستجوبها بحنو:
-عشان خاطري احكيلي وطمنيني
أغلقت عينيها وعادت بذكرياتها لخمسة أعوام وهي سحينة تلك الغرفة المظلمة حين جذبها أحدهم للفراش و... نفضت الأفكار من جعبتها لا تريد التعمق لداخل ذكرياتها فتحت عينيها وهي تلهث وكأنها سافرت عبر الزمن وعادت ركضًا هزت رأسها بعنـ..ف وهي تصيح بنبره مرتفعة:
-لا أنا مش عايزه أفتكر مش عايزه أحكي ومش عايزه أفتكر أرجوك
انتفض على رد فعلها واقترب منها قائلًا بقلق ولهفة:
-إهدي أنا مش عايز أعرف حاجه خلاص إهدي
جلست على الأريكه تتصبب عرقًا ازدردت ريقها وحاولت تهدئة أنفاسها الاهثه بلا فائدة جلس جوارها على الأريكه، لكنه مكتوف الأيدي يريد ضمها لكن لا يجوز فهو يعرف حدوده جيدًا نظر أرضًا فحتى نظره بوجهها محرم عليه، لايدري ما يفعل سوى أنه راقبها بكثير من الترقب، أما هي فالآن تريد أن تخرج من تلك الحالة ليس هناك مجال للدخول في تلك الحاله النفسيةمجددًا على الأقل الآن! بدأت بتمارين التنفس تناست وجوده وأغلقت عينيها تريد تشتيت تفكيرها بأي شيء أخر كي لا تدخل في تلك البؤرة مجددًا، لكن قبل تخيل أي شيء أخرجها صوته:
-وسام متقلقنيش عليكِ إنتِ كويسه؟
فتحت عينيها وهبت واقفه وهي تقول بيأس:
-أنا تعبت.. تعبت والله تعبت
لتدخل وهيبه في تلك اللحظه وتضـ.رب صدرها قائلة بدهشة:
-تعبتِ من إيه يا منى!
تناست وسام حالتها ونظرت لوهيبه بذهول قائلة بحيرة:
-منى مين يا تيته؟
اقتربت منها وهيبه وهي تنظر لها من أعلى لأسفل بإشمئزاز ودفعتها لتسقط بين يدي فؤاد فسندها كي لا تقع، ثم شهقت وهيبه مطلقة صر.خه دوت بأرجاء البيت هرول على أثرها يوسف وفرح ثم لطمت وجهها وهي تصيح:
-كل واحد واخدلي واحده وواقف في مكان صبرنا وعوض علينا يارب
بدلت فرح نظرها بين فؤاد ووسام والجده وهيبه وسألت مستفهمه:
-فيه إيه؟
نظرت وهيبه ليوسف قائله بوجه عابس:
-انا قفشتهم في وضع مخل اقتـ.لهم وإغسل عارك يا ماجد
عقب يوسف متلعثمًا:
-م..ماجد مين؟ انا يوسف يا تيته
جحظت عيني فرح وسألتهم:
-إنتوا عملتوا إيه؟
برر فؤاد بسرعه:
-والله ما عملنا حاجه إحنا كنا بنتكلم
ربتت وهيبه على كتف يوسف قائله:
-برد نـ.ارك وخد طـ.ارك واغسل عارك يا ولدي
اومأ يوسف رأسه قائلًا:
-ماشي يا تيته لما أروح هستحمى وأغسله
تجهم وجه فؤاد وخرج من الغرفة وهو يصيح بنزق:
-حرام عليكِ يا تيته والله!
تبعه يوسف ووقفت فرح جوار وسام:
-إيه الحوار؟
ردت وسام بتبرير:
-والله ما فيه حاجه
غمزت فرح بعينيها قائله:
-بتعملي إيه هنا مع فؤش؟
أجابت وسام:
-كان بيسألني على حاجه بس والله
أردفت وسام بنبرة حاده لتنهي ذالك الجدل بداخل فرح:
-فرح فؤاد أخويا الكبير وبس ياريت تفهمي كدا كويس!
نفخت وسام بحنق وغادرت الغرفه فهي تشتعل غضبًا لا تريد سماع كلمة أخرى من أي مخلوق...
________________________________
خرج يوسف خلف فؤاد قائلًا:
-اهدى يا بني ما إحنا عارفين جدتك علطول بتتخيل حاجات دي لسه قفشاني أنا وفرح في المطبخ
عقب فؤاد قائلًا:
-أنا مش زعلان من تيته يا يوسف أنا مضايق من موضوع تاني
زفر بقـ.وة فربت يوسف على كتفه قائلًا:
-طيب لو حابب احكيلي يمكن أساعدك
-إدعيلي بس يا يوسف مش طالب منك غير الدعاء
-ربنا يفرج همك يارب يا حبيبي
ليقاطعهما هبه التي اقتربت من فؤاد قائله:
-كنت فين يا فؤش دورت عليك عشان ترقصني سلو
-يا ستي ملحوقه في أخر الفرح نرقص سلو
تعلقت بذراعه واتجها لساحة الرقص، نظرت لهما وسام بغيظ من تلك التي تمسك يديه ويضحكان معًا لا تدري لمَ شعرت بالغيرة، ظلت تتابعهما طوال الفرح وتغبطهما على تلك السعاده التي تشع من وجههما، ارتفع صوت أغنية شعبيه وبدأ الجميع بالرقص حاولت شاهيناز سحب وسام لترقص معهم لكنها أبت أن تبرح مكانها، انتهى الفرح بعد أن لاحظ الجميع تلك الغيوم التي على وشك الإنفـ.جار، نزل العروسين لدخول شقتهما فوقفت مريم أمام البيت ونظرت لنوح قائله بابتسامه:
-شيلني
نظر نوح يمينًا ويسارًا خلفه وللأعلى قائلًا:
-بتكلميني أنا!
أومأت رأسها بالإيجاب وبنفس الإبتسامه وهي تقول:
-والله ما أنا طالعه إلا لما تشيلني
فتح فمه ببلاهه قائلًا بتعجب:
-لأ والله وأنا أشيك إزاي بالفستان ده
وضعت يدها حول خصرها قائله:
-مليش دعوه لازم تشيلني
وليتهي فؤاد الجدال قال:
-هشيلك أنا يا مريم
هتفت بإصرار:
-لأ نوح إلي يشيلني
بدأ الجو بالمطر فقالت وهيبه:
-يلا يا عريس شيلها
هز سبابته يمينًا ويسارًا وقال بابتسامه صفراء:
-مش هينفع يا تيته
هتف الجد قائلًا:
-يلا بقا يا نوح الجو بيمطر شيلها وخلصنا
هتف نوح قائلًا بتبرير:
-يا جماعه هطلع بيها السلم إزاي؟
ليعقب هشام:
-يلا يبني واحده واحده على مهلك طيب دا أنا شيلت أمك للدور الثالث
-كذاب يا بابا لأن أمي كانت متجوزه في الدور الأرضي
ليتجهم وجه وهيبه قائله:
-كذاب! إنت بتشتم أبوك يا كل**ب يا ابن الكل**ب
لينفًـ..جر هشام بالضحك قائلًا:
-كتر الف خيرك يا عمتي
هتفت مريم بنزق:
-يلا بقا يا نوح أنا بردانه
عقب نوح قائلًا برجاء:
-طيب اطلعي وأنا أشيلك قدام باب الشقه
هزت رأسها نافيه وقالت:
-هتشيلني من هنا
أخذ نفسًا عميقًا قائلًا:
-يا مقوي على المهالك يارب
حملها بين يديه وصعد بها وهو يقول:
-ربنا على الظالم والمفتري
نظرت فرح ليوسف قائله:
-خلي بالك إنت مشلتنيش
ابتسم يوسف قائلًا:
-فكريني أبقا أشيلك
لوت فمها قائله بسخريه:
-ما خلاص بقا هو بعد العيد بيتفت الكحك
غمز لها معقبًا:
-أيوه عادي خالص بعد العيد وفي أي وقت في السنه
قاطعهما تدحرج نوح عن الدرج بعد أن وصل للطبقة الأولى ووقوعه وفوقه مريم وهو يصرخ قائلًا:
-اااااه ظهري الحقوني
وهنا انقطع الضوء واتسعت الحدقتين بحثًا عن أي شعاع ضوء، وازداد تساقط الأمطار، وعلى أضواء المصابيح أسند الشباب نوح ووأسندت الفتيات مريم التي وقفت تقول بنزق:
-مش عارف تشيلني من أول يوم أومال بعد كدا هتعمل إيه؟
ليرد عليها بنبره مرتفعة ساخرًا:
-وأنا هشيلك بعد كدا ليه هو إنتِ ناويه تتكسحي
وقف نوح يمسك ظهره والجميع منفـ.جر بالضحك عليهما وأخيرًا صعدت مريم لحالها على الدرج وهي تتأفف بحنق والجميع يتبعها بالمصابيح وسبقتها شاهيناز ووالدتها لتضيء المصابيح والشموع بالشقه وانفض الحفل ليعود كلٌ لبيته...
_______________________________
في تمام الواحدة صباحًا وقف فؤاد ينظر من نافذة الغرفه فسيقيم مع والدته ببيت جده لأيام قد تمتد لأسبوع، رآها تقف في الشرفة فبحث عن جوال والدته متمنيًا أن يجد رقم هاتفها في دليل الهاتف، ابتسم حين رأى إسم "وسام وجدان" وسجل الرقم بهاتفه، رقد على سريره ينظر لرقمها ليقاطعه صوت هبه:
-كنت عارفه إنك صاحي
اعتدل في جلسته قائلًا:
-إنتِ مروحتيش مع إخواتك ليه يا بت
غمزت بعينيها وهي تجلس جواره:
-عشان أطمن عليك... إنت مش عاجبني
هو يعلم أنها تعرفه جيدًا سألها مبتسمًا:
-ليه؟!
ضيقت عينيها وسألته:
-إيه حكاية وسام؟
حك أرنبة أنفه قائلًا:
-ما إنتِ عارفه
عقبت:
-معرفش إلا إنها بنت خالتك إلي مربيها من وهي صغيره بس الظاهر إن فيه حاجات إنت مخبيها عني
قطب جبينه ليسالها:
-حاجات زي إيه؟
تنحنحت وسألته:
-بتحبها يا فؤش
مسح على شعره وابتسم ولم يعقب فأردفت هبه بتأكيد:
-والله بتحبها باين عليك أصلًا
هز رأسه قائلًا:
-لأ يا هبه أنا مبحبهاش الحب ده كلمه قليله أوي توصف إلي أنا بحسه ناحيتها... بس هي....
أومأت رأسها قائله:
-بتحبك صدقني إنت مأخدتش بالك كانت غيرانه إزاي وأنا ماشيه جنبك وماسكه إيدك ميعرفش البنت إلا البنت إلي زيها
تهلل وجه فؤاد مبتسمًا ليقول:
-طيب قومي نامي ونكمل كلامنا بعدين
-ماشي يا فؤش هقوم أنام تصبح على خير
_______________________________
بحث عنها بأرجاء الشقه وهو يهتف:
-فرولتي بتعملي ايه؟
وضعت سبابتها على فمها تشير له ليصمت فهي تتحدث عبر هاتفها جلس جوارها ليسمعها تقول:
-يا زين ما اختارتي يا حبيبتي يديكِ النصيحه بصي بقا ركزي معايا كدا.... أول حاجه مش هتعرفي تخلعي الفستان لوحدك خليه يساعدك ويفك معاكِ الطرحه وبعدين إلبسي بيجامه حلوه ومغريه يا بت ركزي معايا كويس وتحطي روج حلو وبعدين تنامي إنتِ بقالك إسبوع تعبانه من الفرح والجري ومحتاجه تريحي
عقبت مريم قائله:
-تصدقي معاكِ حق شكرًا على النصيحة يا فروحه
-تصبحي على خير يا حبيبتي ولو إحتاجتِ أي حاجه في أي وقت كلميني علطول
أغلقت الهاتف ونظرت ليوسف الذي انفجـ..ر ضاحكًا وهو يقول:
-إنتِ شكلك بتوجبي مع أخوكي بالقوي
ضحكت ونهضت واقفه وهي تقول:
-قوم يلا ننام إحنا كمان الواحد هلكان
قال بتثائب:
-يلا يحببتي أنا همـ.وت وأنام أصلًا
_______________________________
وفي اليوم التالي الساعه الثالثة ظهرًا صدع جرس الباب ففتحت وهيبه لتنظر لوحيد من أعلى لأسفل بسخريه قائله:
-أهلًا وسهلًا اتفضل يا أفندي
هتفت شاهيناز تسالها وهي بالمطبخ:
-مين يا حجه؟
مصمصت وهيبه بشفتيها قائله بتقزز:
-دا الراجل أبو بنطالون سايب
ضحكت شاهيناز وهي تنظر نحو وحيد الذي يقف على الباب وقالت:
-اتفضل يا أستاذ وحيد هناديلك عمي حالًا
جلس وحيد بغرفة الضيوف بدون أن ينبس بكلمه فقط ينظر لوهيبه بنزق، لوت وهيبه شفتيها لأسفل وتركته لتذهب لوسام وقفت أمامها قائله:
-إلحقي خطيبك تحت
سألتها وسام:
-خطيبي مين؟
-خطيبك أبو بنطالون سايب
نظرت وسام من شرفة غرفتها وجحظت عيناها بصدمة حين رأت سيارة والدها أمام البيت، نظرت وسام لوهيبه قائلة:
-يا تيته دا أبويا مش خطيبي
ارتدت وسام حجابها مسرعة وصعدت لفؤاد لا تعلم لمَ لكنها تريد الشعور بالأمان...
_______________________________
استلقت هبه على الأريكه وأسندت رأسها على فخذه فمسد على شعرها بحنو قائلًا:
-يا بت بقا عندك ٢٧سنه وكبرتِ على كده
-إسكت بقا عشان أنام شوية
صمت وبدا يعبث بهاتفه دقائق وذهبت هبه في سبات عميق، خرجت والدته من المطبخ قائله:
-هي نامت
قالتها والدته وهي تنظر لهبه التي غفت عينيها وذهبت في سبات عميق، عقب فؤاد وهو ينظر لتلك الناعسه قائلًا بخفوت:
-ايوه
سألته والدته باستفهام:
-طيب وإنت مش هتقوم تريحلك شويه قبل الشغل؟
هز رأسه بالنفي قائلًا:
-لا مش مهم
قاطعهما صدوع جرس الباب فقامت والدته لتفتح وتركته يمسح على شعر هبه بحنو وهناك ابتسامة عذبه ترتسم على شفتيه، فقد تخيلها وسام حين كانت طفلة صغيرة ترقد على فخذيه دائمًا، وتأوى إليه كلما أزعجها أي شيء، أخرجه من شروده صوت والدته التي تشير لوسام قائله:
-اتفضلي يا وسام تعالي يا حبيبتي اقعدي
نظرت والدته إليه قائله:
-علفكره وسام جاتلك مره قبل كدا
اعتدل في جلسته وتنحنح حين لاحظ تجهم وجه وسام وانقباض ملامحها وهي تبدل نظراتها الثاقبه بينه وبين هبه التي تتخذ من فخذه وساده، ودت وسام لو تستطيع سحبها من شعرها، وقف عقلها على كلمة شعرها لحظه فهي تترك شعرها منسدلًا أمام فؤاد! ما هذه الجراءه لا ليست جراءه إنها منعدمة الأخلاق؟ ألا تلتزم بتعاليم الدين! تلك ال...
ليخرجها من شرودها صوت فؤاد وهو يهز هبه قائلًا بنبرة حانيه:
-قومي يا حبيبيتي نامي جوه
حدجته وسام بنظرة حـ.ارقه، حبيبتي! هل قال حبيبتي لتوه؟ التهبت أعينها من شدة الغضـ.ب، تنفست بعمق وزفرت بقـ.وة محدثة نفسها أن حسنًا هو فقط بمثابة أخ أكبر ليس هناك مجال للغيره أو ما شابهه! رفعت هبه رأسها لتنظر لفؤاد قائله بصوت ناعس:
-بتصحيني ليه ما كنت تشيلني تدخلني جوه زي كل مره
ككل مره أليس كذالك! يا الله أي لهما تجارب سابقه! لقد سقط من نظرها! استدارت وسام للإتجاه الأخر وهي تحدث حالها حسنًا لن ابكي سأصمد حتى أختفي عن الأنظار وانفجر بالبكاء لاحقًا، تنحنح فؤاد قائلًا بجديه:
-قومي يا هبه نامي جوه
لتعقب خالتها:
-طيب هعملكم حاجه تشربوها
أومأت هبه رأسها وهي تفتح عينيها بصعوبه، نظرت لوسام التي تقف أمامها وقالت:
-الله وسام إنتِ بتعملي إيه هنا؟
ابتسمت وسام باستفزاز وقالت بتهكم:
-أنا المفروض أكون هنا لكن إنتِ إلي بتعملي إيه هنا؟
عقدت هبه ملامحها قائله:
-تقصدي إيه ببعمل إيه هنا!
أشارت لفؤاد مردفة:
-أنا قاعده مع جوزي
عقدت وسام حاجبيها بصدمه قائلة:
-جوزك! إنتوا متجوزين!!!!! امته ده؟!
أومأت هبه رأسه ببرود قائله بخبث:
-مكتوب كتابنا من خمس سنين كدا
غصة كبره تصدرت حلقها يبدو أن دموعها ستخونها الأن وتنهمر على وجنتيها وتفضحها أمامهم، تظاهرت بالامبالاه وهي تبدل نظرها بينهما وتبتسم بتصنع ليخرج صوتها المتحشرج قائله بتلعثم:
-م...م... مكنتش أعرف ربنا يسعدكم
لينفـ..جر فؤاد بالضحك قائلًا:
-بطلي هزار بقا يا هبه مفيش الكلام ده يا وسام أنا أعزب والله وسنجل بائس
لتضحك هبه هي الأخرى وتقرب من أذنها قائله بهمس:
-متخافيش الدار أمان يا شابه ادخلي برجلك اليمين
كادت هبه أن تغادر فمدت وسام إحدى قدميها لتتعرقل هبه بها وتسقط مفترشه الأرض فابتسمت وسام قائلة بمكر:
-لا مؤاخذه
نهضت هبه قائله:
-عجبك كدا يا فؤش أنا هسكت بس عشان خاطرك
دخلت هبه الغرفه ووقفت وسام تقلد صوتها وتقول ساخرة:
-هسكت بس عشان خاطرك
نظرت وسام لفؤاد قائله بحده:
-مين السمجه دي؟ وإزاي تقعد قدامك بشعرها كدا وتنام على رجلك وإنت عادي خالص إيه قلة الأدب دي مكنتش أعرف إن إنت كدا
ليعقب فؤاد قائلًا:
-احترمي نفسك.. دي هبه بنت عمي
-وإيه يعني بنت عمك مش مبرر برده تقعد معاك كدا؟!
عقب فؤاد بمكر:
-هبه تقعد براحتها لأنها أختي في الرضاعة
أردف بجدية:
-خير كنتِ عايزه إيه؟
عقبت بنزق:
-مش عايزه منك حاجه هعوز إيه؟!
ابتسم بمكر قائلًا:
-أومال سألتِ عليا ليه وحشتك ولا إيه!
-لأ... أنا ك...كان ضرسي واجعني وعايزاك تشوفه
اقترب منها قائلًا بجديه:
-افتحي بوقك
رجعت للخلف قائله:
-لأ خلاص وقت تاني
ركضت للأسفل وتركته ينظر لأثرها مبتسمًا، فتح فؤاد الواتساب وكتب لها رساله محتواها:
" لم أعطي لأنثى غيرك ذلك المفتاح لباب قلبي، عزيزتي! أما آن الآوان!"
تردد كثيرًا ليرسلها بل حذفها عدة مرات وبأخر مره كتبها وأغلق عينه وهو يرسلها قائلًا:
-ربنا يستر
على جانب أخر صدعت تلك الرساله بهاتفها وهي تجلس بغرفتها، تجمدت الدماء بعروقها وازدادت خفقات قلبها حين نظرت لرسالته فهي تعرف رقم هاتفه بل تحفظه جيدًا نظرت لصورته الشخصيه وقالت:
-فؤاد!!
#يتبع
#روايات_آيه_شاكر
#كتابات_آيه_السيد_Aiah_Elsayed