Episode 80 : ចាប់ថើប.!
Jungkookបន្ទាប់ពីដោះស្រាយជាមួយប៉ូលីសរួចរាល់ នាយក៏រហ័សរត់ចេញទៅតាមថេយ៉ុងដូចគ្នា មកដល់កន្លែងដាក់ឡានក៏បានឃើញថេយ៉ុងកំពុងតែពរហ្គូៗនៅខាងមុខឡានជាមួយនឹងការ៉េមម្នាក់មួយដើមក្នុងដៃ។
« ហេតុអ្វីក៏យូរយ៉ាងនេះ? ខ្ញុំចាំសឹងតែបាក់ជើងទៅហើយ »Taehyungសួរជុងហ្គុកទាំងមុខក្រញូវមួលម៉ៅមិនទាន់បាត់ ដោយសារតែសោរឡាននៅជុងហ្គុកទើបនាយត្រូវមកឈរចាំបែបនេះ។
« បងជាប់ដោះស្រាយជាមួយប៉ូលីសហ្នឹងណា៎.! »Jungkookនិយាយបណ្តើររត់ទៅបើកទ្វាអោយប្រពន្ធនិងកូនបណ្តើរ ខណៈនោះថេយ៉ុងក៏សម្លក់មុខជុងហ្គុកបន្តិចមុននឹងយកហ្គូៗអោយអង្គុយនៅខាងក្រោយបន្ទាប់មកនាយក៏ចូលទៅអង្គុយកៅអីខាងមុខជាមួយនឹងជុងហ្គុក។
« កុំសម្លក់ប្តីបែបនេះអី.! ប្តីមិនដឹងអ្វីទេ »Jungkookនិយាយបន្ទាប់ពីឃើញថេយ៉ុងគិតតែពីអង្គុយសម្លក់គេមិនឈប់ ខឹងSallyមិនគ្រប់គ្រាន់នៅមកខឹងដោយទាំងប្តីដែលមិនដឹងអីនេះទៀត។
« ហ៊ឹស.! លោកមិនគួរចាប់ខ្ញុំនោះទេព្រោះខ្ញុំវាយមិនទាន់ឆ្អែត »Taehyungអោបដៃនិយាយទាំងមុខមាំងាកមុខចេញពីជុងហ្គុក តាមពិតទៅនាយខឹងជុងហ្គុកចាប់នាយមិនអោយវៃSallyបានសោះ។
« ពុទ្ធោអូនសម្លាញ់.! តើអូនចង់ជាប់ខ្នោះដូចជានាងដែរឬទើបអូនទៅវាយនាងនៅមុខប៉ូលីសបែបនេះ? »Jungkookស្រាប់តែសើចនឹងថេយ៉ុងទាំងហួសចិត្ត ទៅវាយគេមុខប៉ូលីសបែបនេះគិតថាខ្លួនត្រូវឬប្រពន្ធសម្លាញ់.! ទោះនាងជាអ្នកខុសក៏មិនត្រូវប្រើអំពើហិង្សាមុខប៉ូលីសបែបនេះដែរ។
« ខ្លាចខ្ញុំជាប់ខ្នោះឬក៏ខ្លាចស្រីលោកឈឺអោយប្រាកដ? »Taehyungបន្តសួរទាំងមុខមិនពេញចិត្តដដែល ថ្ងៃនេះថេយ៉ុងក្រោកឡើងមួលម៉ៅទាំងព្រឹកតែម្តងធ្វើអ្វីក៏មិនត្រូវចិត្តគេដែរ មុខក្រញូវជាប់។
« បើសិនជាមានតែនាង បងនិងអូន.! នោះបងនឹងអោយអូនវាយដោយសេរីហើយថែមទាំងឈរមើលផ្លូវអោយទៀត.! ប៉ុន្តែមុននេះជាប៉ុស្តិ៍ប៉ូលីសណាប្រពន្ធសម្លាញ់.! វាជាប៉ុស្តិ៍ប៉ូលីស »Jungkookនិយាយបញ្ជាក់ច្បាស់ៗថាជាប៉ុស្តិ៍ប៉ូលីសមិនអាចវាយបានទេ បើសិនជាទីនោះជាកន្លែងស្ងាត់វិញគេក៏មិនឃាត់ដែរព្រោះក្នុងចិត្តស្អប់ស្រីពិសពុលនោះដូចគ្នា។
« ហា៎.! ប៉ាៗ អាប់ប៉ានិយាយគ្នាយូរទៀតទេនៀក? ហ្គូៗងងុយណាស់ »Guguលើកដៃញីភ្នែកខ្លួនឯងតិចៗបន្ទាប់ពីអង្គុយញ៊ាំការ៉េមអស់ អ្នកខាងមុខគិតតែពីប្រកែកគ្នារកតែគេសង្ងំគេងមិនបាន។
« អាប់ប៉ាឈប់និយាយហើយកូនគេងចុះណា៎.! លោកក៏ដូចគ្នាល្មមចេញឡានទៅបានឬនៅ? »Taehyungងាកមកមើលកូនឃើញថាគេងងុយខ្លាំងហើយទើបលែងហ៊ាននិយាយ ខណៈនោះជុងហ្គុកក៏បានបើកឡានត្រឡប់ទៅភូមិគ្រិះវិញ។
« អាប់ប៉ា.!...ហិកៗ កូនគេងមិនលក់ទេ »Guguគេងខាងក្រោយម្នាក់ឯងសុខៗស្រាប់តែយំហើយនិយាយថាគេងមិនលក់ទើបថេយ៉ុងរហ័សងាកទៅមើល។
« ម៉ោះ.! ចាំអាប់ប៉ាអោប »Taehyungឈោងទៅយកហ្គូៗពីកៅអីខាងក្រោមមកអោយអង្គុយលើភ្លៅរបស់គេវិញ គ្រាន់តែមកដល់លើភ្លៅរបស់ថេយ៉ុងភ្លាមហ្គូៗក៏ស្រវ៉ាលើកដៃទាំងទ្វេរទៅអោបចង្កេះថេយ៉ុងជាប់។
« ហេតុអ្វីក៏យំ? អាកូនកំហូច »Jungkookនិយាយតែមាត់ប៉ុណ្ណោះប៉ុន្តែភ្នែករបស់នាយកំពុងតែផ្តោតលើផ្លូវរីឯដៃរបស់នាយវិញម្ខាងកាន់ចង្កូតហើយម្ខាងទៀតលូកទៅអង្អែលក្បាលកូនប្រុស។
« កុំសួរគេអី.! គេកំពុងតែសង្ងំគេងហើយ »Taehyungនិយាយប្រាប់ជុងហ្គុកតិចៗស្របជាមួយដៃកំពុងតែទះលើគូថរបស់ហ្គូៗតិចៗដើម្បីអោយគេគេង រីឯហ្គូៗវិញគេគិតតែពីឆ្ងុបមុនសង្ងំគេងក្នុងរង្វង់ដៃដ៏សែនកក់ក្តៅរបស់ថេយ៉ុង។
បន្ទាប់ពីស្ងាត់រាងខ្លួនមួយសន្ទុះធំពួកគេក៏បានមកដល់ភូមិគ្រិះវិញ នូវពេលដែលជុងហ្គុកងាកទៅមើលម្តាយកូនទាំងពីរនាយក៏ស្រាប់តែលេចស្នាមញញឹមចេញមកព្រោះពេលនេះថេយ៉ុងក៏លង់លក់ដូចជាហ្គូៗដែរហើយថែមទាំងគេងអោបគ្នាយ៉ាងស្អិតរមួតថែមទៀត មើលទៅពិតជាគួរអោយស្រឡាញ់ខ្លាំងណាស់ ដោយទ្រាំមិនបានជុងហ្គុកក៏បានទាញទូរស័ព្ទយកមកថតពីរ_បីសន្លឹកទុកជាអនុស្សាវី។
« ហ៊ឹសៗ ចំមែន.! »Jungkookអង្គុយសើចម្នាក់ឯងព្រោះពេលនេះមិនទាន់ថ្ងៃត្រង់ផងពីរអ្នកម្តាយកូននេះក៏គេងម្តងទៀតទៅហើយ ទាំងដែលពួកគេទើបតែងើបបានប៉ុន្មានម៉ោងមិនសោះ។
បន្ទាប់មកជុងហ្គុកក៏បានហៅអ្នកបំរើអោយបីហ្គូៗយកទៅបន្ទប់របស់គេ រីឯថេយ៉ុងវិញនាយជាអ្នកបីយកទៅខាងលើបន្ទប់ផ្ទាល់ដៃតែម្តង មកដល់ក្នុងបន្ទប់ ជុងហ្គុកទម្លាក់កាយតូចទៅលើពូកដោយថ្នមដៃជាទីបំផុតព្រោះខ្លាចរំខានថេយ៉ុង សូម្បីតែបីឡើងមកខាងលើមុននេះក៏នាយវេទនាមិនស្ទើរដែរដើរដូចអណ្តើកហេតុតែខ្លាចថេយ៉ុងភ្ញាក់។
« ហឹម.! »ទីបំផុតការតស៊ូខំប្រឹងរបស់ជុងហ្គុកត្រូវរលាយដូចផេះបន្ទាប់ពីជ្រុលដៃប៉ះថេយ៉ុងរាងខ្លាំងរហូតធ្វើអោយគេភ្ញាក់មួយរំពេច។
« ដល់ផ្ទះហើយមែនទេ? ហេតុអ្វីក៏មិនដាស់ខ្ញុំ? »Taehyungពុទខ្លួនចុះឡើងមុននឹងសួរទៅកាន់ជុងហ្គុកដែលកំពុងតែឈរថ្មឹងមុខប្រពន្ធនោះ។
« អ៎.! គឺមកពីបងឃើញអូនគេងលក់ស្រួលពេកទើបបងមិនចង់រំខាន »Jungkookនិយាយទាំងសើចលើកដៃអង្អែលកញ្ចឹង.កខ្លួនឯងតិចៗ។
« យ៉ាងមិចនឹង? ចេះមកធ្វើរឹកពារដូចស្វាទៅកើត »Taehyungជ្រួញជញ្ចើមសម្លឹងជុងហ្គុកទាំងឆ្ងល់ព្រោះជុងហ្គុកធ្វើរឹកពារចម្លែកៗ តាមពិតដោយសារតែខ្លួនធ្វើអោយថេយ៉ុងភ្ញាក់ទើបនាយមានអារម្មណ៍ថាខ្លាចថេយ៉ុងខឹងព្រោះនាយតូចដូចជាកាចតាំងពីព្រឹកទើបមិនចង់ធ្វើអ្វីអោយទាស់ចិត្តប្រពន្ធ។
« មិនខឹងបងទេឬ? »Jungkookសួរទៅកាន់ថេយ៉ុដែលកំពុងតែសម្លឹងមកគេទាំងមុខឡេឡឺ។
« ខឹង? ខឹងរឿងអ្វី? មានរឿងអ្វីដែលត្រូវខឹង? ឬក៏លោកនៅមិនស្រណុកនូវពេលដែលមិនបានធ្វើអោយខ្ញុំខឹង? អូខេខឹងក៏បាន »Taehyungថាហើយក៏ចុះពីលើគ្រែប្រុងចេញពីបន្ទប់ ខណៈនោះនាយក្រាស់ក៏រហ័សរត់មកស្ទាក់ផ្លូវ។
« អត់ទេៗ បងគ្រាន់តែខ្លាចអូនខឹងដែលបងធ្វើអោយអូនភ្ញាក់.! កុំខឹងបងអីណា៎ ប្តីស្រឡាញ់ប្រពន្ធណាស់ទើបប្តីមិនចង់អោយទាស់ចិត្តប្រពន្ធ »Jungkookរហ័សនិយាយញាប់មាត់មើលទៅហាក់ដូចជាខ្លាចថេយ៉ុងខឹងដល់ហើយ។
« ហឹម.! តោះចុះទៅខាងក្រោមវិញ »Taehyungញញឹមុខបន្តិចមុននឹងបើកទ្វាចេញទៅជាមួយជុងហ្គុក មិនដឹងថាក្នុងចិត្តលួចគិតអ្វីនោះទេទើបលួចញញឹមបែបនេះ។
មកដល់ខាងក្រោមក៏បានឃើញលោកKimកំពុងតែប្រឡែងលេងជាមួយនឹងថេវ៉ាន់សើចខខិកលាន់ឮពេញភូមិគ្រិះ រយៈពេលតែ1ថ្ងៃសោះតានិងចៅទាំងពីរត្រូវគ្នាដល់ម្លឹងទៅហើយ។
« លោកប៉ា.! ខ្ញុំគិតចង់ទៅវិញហើយ »Taehyungនិយាយប្រាប់លោកKimទាំងមុខស្ងួតព្រោះរាងខ្លាចចិត្តគាត់បន្តិចដែរប៉ុន្តែដោយសារមានការងារដែលត្រូវធ្វើទើបប្រញាប់ទៅវិញ។
« ចង់ទៅវិញហើយឬ? មិនគិតនៅលេងជាមួយប៉ាអោយបាន2_3ថ្ងៃទៀតទេឬ? »លោកKimសួរទាំងទម្លាក់ទឹកមុខចុះបន្តិចព្រោះគាត់ពិតជាចង់អោយថេយ៉ុងមកនៅទីនេះរហូតណាស់ប៉ុន្តែគាត់មិនអាចបង្ខំចិត្តថេយ៉ុងបាននោះទេ។
« គឺកូនត្រូវទៅធ្វើការ ទុកការងារចោលយូរពេកមិនល្អនោះទេលោកប៉ា »Taehyungនិយាយទាំងញញឹមអឹមអៀន រីឯជុងហ្គុកដែលកំពុងតែឈរខាងក្រោយនោះវិញនាយមិនបានមាត់.កអ្វីនោះទេ បានត្រឹមតែលួចខូចចិត្តតែម្នាក់ឯងប៉ុណ្ណោះ។
« កូនថេយ៍.! យល់ល្អកូនគួរតែឈប់ពីការងារនោះទៅមើលទៅកូនដូចជាហត់ខ្លាំងណាស់.! ក្រុមហ៊ុនប៉ាមានរាប់សឹងតែមិនអស់ទៅហើយ បើកូនចង់ធ្វើការក៏មកគ្រប់គ្រងក្រុមហ៊ុនដែលប៉ាទុកអោយកូនវិញទៅ មិនបាច់ធ្វើការងារទាំងនោះទេបាក់តែកម្លាំងហើយប្រាក់ចំណូលក៏បានតិចទៀត »លោកKimនិយាយត្រង់ៗប្រាប់កូនប្រុស ចំពោះថេយ៉ុងការងារជាតារ៉ារបស់គេលុយក៏ចូលមិនស្ទើរដែរវាច្រើនសម្រាប់គេប៉ុន្តែវាតិចសម្រាប់លោកKimព្រោះគាត់ជាអ្នករកស៊ី ប្រាក់ចំណូលមួយថ្ងៃៗចូលរាប់លានដុល្លាឯណ្ណោះ។
« ប៉ុន្តែលោកប៉ា.... »Taehyungនិយាយទាំងរារែកចិត្តព្រោះគេស្រឡាញ់ការងារដែលគេធ្វើសព្វថ្ងៃនេះណាស់ ទោះជាវារាងហត់បន្តិចប៉ុន្តែគេសប្បាយចិត្ត។
« បងថាលោកប៉ានិយាយត្រូវ.! អូនមិនបាច់ធ្វើការអ្វីកាន់តែល្អ នៅផ្ទះមើលថែរតែកូននិងខ្លួនឯងទៅ លោកប៉ានិងបងកាន់តែសប្បាយចិត្តណា៎ថេយ៍ »Jungkookនិយាយបន្តពីក្រោយព្រោះគេក៏គិតដូចជាលោកគីមដែរ គេមិនចង់អោយថេយ៉ុងបាក់កម្លាំងដោយសារតែការងារនោះទេ។
« ហឹម.! ទុកពេលអោយខ្ញុំគិតបន្តិចសិនបានទេ? »Taehyungដកដង្ហើមធំបន្តិចព្រោះមានអារម្មណ៍ថាតានតឹងក្នុងចិត្តខ្លាំងណាស់។( គេអោយនៅស្រួលសោះហើយមិចបានមិនចង់😞🔥 )
« ប៉ាមិនបង្ខំទេ.! ប៉ាគ្រាន់តែនិយាយប៉ុណ្ណោះ កូនយកវាទៅគិតដោយខ្លួនឯងទៅថារវាងគ្រប់គ្រងក្រុមហ៊ុនខ្លួនឯងនិងនៅក្រោមការត្រួតត្រារបស់គេមួយណាស្រួលជាង.! ប៉ាក៏មានផលិតកម្មចម្រៀងដែរបើថាកូនស្រឡាញ់ខាងនឹងប៉ាអោយកូនកាន់ភ្លាមតែម្តង.! សម្រេចចិត្តហើយពេលណា៎ប្រាប់ប៉ាអោយបានដឹងភ្លាមឮទេ? ប៉ាចាំស្តាប់ដំណឹងល្អពីមាត់របស់កូន »លោកKimថាហើយក៏ហុចថេវ៉ាន់អោយថេយ៉ុងវិញ បន្ទាប់មកជុងហ្គុកក៏បានបើកឡានជូនថេយ៉ុងត្រឡប់ទៅភូមិគ្រិះរបស់Do-hunវិញ។
« ហ៊ើយ.! ភ្លេចប្រាប់អាកូនកំហូចអោយឆឹង...ចាំមើលពេលគេងើបឡើងដឹងថាអូនចេញមកដោយមិនបានប្រាប់គេបែបនេះ គេច្បាស់ជាយំអុកឡុកពេញផ្ទះទៀតពុំខាន »Jungkookបើកឡានសុខៗស្រាប់តែនឹកឃើញដល់ហ្គូៗព្រោះនូវពេលដែលពួកគេចេញមកនោះហ្គូៗមិនទាន់ងើបនោះទេ។
« បើគេរករឿងលោកចាំលោកខលមកខ្ញុំចុះ.! ចាំខ្ញុំជាអ្នកនិយាយជាមួយគេ »Taehyungនិយាយទាំងសើចចុងមាត់បន្តិច ចេញមកមិនទាន់បានប៉ុន្មានផងគេក៏ស្រាប់តែមានអារម្មណ័ថានឹកហ្គូៗទៅហើយ។
អ្នកទាំងពីរនិយាយគ្នាលេងពីនេះពីនោះរហូតដល់ភូមិគ្រិះDo-hun មកដល់ខាងក្នុងភូមិគ្រិះមានសភាពស្ងាត់ច្រងុំមានតែអ្នកបំរើ2_3អ្នកប៉ុណ្ណោះមើលទៅប្រហែលជាDo-hunទៅធ្វើការបាត់ហើយ។
« អ្នកប្រុសតូច.! »អ្នកបំរើម្នាក់រត់មកទទួលថេយ៉ុងដែលកំពុងតែដើរចូលទៅខាងក្នុងជាមួយជុងហ្គុក។
« បងDo-hunទៅក្រុមហ៊ុនបាត់ហើយមែនទេ? »Taehyungសួរជាការគួរសមទាំងដែលនាយដឹងចម្លើយស្រាប់ទៅហើយថាDo-hunទៅណា។
« បាទមែនហើយអ្នកប្រុស.! ប្រហែលបន្តិចទៀតគាត់ត្រឡប់មកវិញហើយព្រោះគាត់មកទទួលទានអាហារថ្ងៃត្រង់នៅផ្ទះ.! ហើយថែមទាំងឮរអ៊ូប្រាប់ថានឹកអ្នកប្រុសតូចនិងថេវ៉ាន់ផងដែរ »អ្នកបម្រើនិយាយទាំងញញឹមបន្តិចមុននឹងត្រឡប់ទៅធ្វើការងាររបស់នាងក្នុងភូមិគ្រិះវិញ។
« ហើយលោកចូលមកតាមខ្ញុំធ្វើអ្វី? »Taehyungសួរទាំងជ្រួញជញ្ចើមបន្តិចឃើញដើរតាមស្មានតែនាយចង់ជូនគេចូលមកត្រឹមក្នុងផ្ទះទេតើ មានឯណាមកតាមដល់ក្នុងបន្ទប់ទៀត។
« បងមានរឿងចង់និយាយជាមួយអូនបន្តិច.! »Jungkookនិយាយទាំងមុខស្មើរ ធ្វើរឹកពារដូចជាចម្លែកៗយ៉ាងមិចមិនដឹង ខណៈនោះថេយ៉ុងក៏បានយកថេវ៉ាន់ទៅដាក់លើកូនគ្រែតូចរបស់គេព្រោះថេវ៉ាន់គេងលក់តាំងពីក្នុងឡានមកម្លេះមុននឹងដើរមកនិយាយជាមួយជុងហ្គុកវិញ។
« លោកមានការអ្វីមែនទេ? »Taehyungសួរទាំងបោះជំហ៊ានថយក្រោយបន្តិចម្តងៗព្រោះនាយក្រាស់ចេះតែដើរឆ្មុលចូលមកជិតគេមិនឈប់។
« ឈប់នៅត្រង់ហ្នឹងហើយ.! កុំចូលមកជិតខ្ញុំអោយសោះ »Taehyungនិយាយទាំងទឹកមុខរាងភ័យបន្តិចព្រោះជុងហ្គុកធ្វើរឹកពារដូចជាចង់រំលោភគេអញ្ចឹងប៉ុន្តែជុងហ្គុកមិនព្រមស្តាប់នោះទេ នៅតែបន្តដើរចូលមកជិតថេយ៉ុងរហូតដល់កាយតូចទាក់ជើងដួលទៅលើគ្រែ ខណៈនោះជុងហ្គុកក៏ស្ទុះទ្រោបពីលើកាយតូចមុននឹងចាប់ដៃទាំងពីររបស់ថេយ៉ុងសង្កត់ឡើងទៅខាងលើជាប់។
« លោកចង់ធ្វើអ្វីនឹង? លែងខ្ញុំភ្លាម »Taehyungពេបមាត់ស្រែកដាក់នាយក្រាស់ដែលកំពុងតែសង្កត់ពីលើគេ ចំណែកឯជុងហ្គុកសើចក្នុងចិត្តបន្តិចមុននឹងអោនបន្តិចម្តងៗទៅកាន់តែកៀកនឹងមុខតូចរបស់ប្រពន្ធ។
« កុំអោយសោះណា៎...អឹម.! »Taehyungបិទភ្នែកខ្ចឹបមាត់ជាប់ងាកមុខចេញពីជុងហ្គុកព្រោះមិនចង់អោយនាយក្រាស់ថើបគេនោះទេ ចុងក្រោយជុងហ្គុកនៅតែចាប់គេថើបបំបិទមាត់អោយទាល់តែបាន នូវពេលដែលមាត់ក្រាស់កំពុងតែគ្រប់គ្រងបបូរមាត់របស់ខ្លួនបែបនេះថេយ៉ុងបានត្រឹមតែបើកភ្នែកធំៗគាំងធ្វើអ្វីលែងចេញដោយបណ្តោយអោយជុងហ្គុកបឺតជញ្ជួកមាត់ខ្លួនរហូតដល់ស្លេក។
« ទៅនៅផ្ទះយើងវិញទៅប្រពន្ធសម្លាញ់ »Jungkookនិយាយបន្ទាប់ពីចាប់បឺតមាត់ថេយ៉ុងឆ្អែតឆ្អន់ប៉ុន្តែនាយមិនទាន់លែងថេយ៉ុងអោយទៅណានោះទេទាល់តែព្រមសិន។
« ប៉ុន្តែខ្ញុំ..អឹម »Taehyungរកប្រកែកទៅហើយប៉ុន្តែជុងហ្គុកក៏រហ័សចាប់គេបឺតមាត់ម្តងទៀតរហូតដល់គេថប់ដង្ហើមទើបជុងហ្គុកប្រលែងវិញ។
« ទាល់តែអូនយល់ព្រមទើបបងឈប់ធ្វើបែបនេះ »Jungkookនិយាយទាំងសើចសប្បាយអរមិនស្ទើរទេកាលដែលបានចាប់បឺតប្រពន្ធស្រួលៗបែបនេះ។
« លោកឆ្កួតហើយ...ហិកៗ...ចេញទៅ »Taehyungស្រាប់ទាំងពេបមាត់យំស្រែកដេញជុងហ្គុកចេញមួយរំពេចព្រោះតែខឹងនាយក្រាស់ចាប់គេបឺតមាត់សឹងតែដាច់ខ្យល់ម្តងៗ។
« អា៎? យំហើយមែនទេនៀក? ប្តីថើបតិចតួចសោះ »Jungkookសើចទាំងហួសចិត្តមុននឹងប្តូរពីចាប់ដៃថេយ៉ុងមកក្រសោបមុខតូចយកទៅថើបដោយសេចក្តីថ្នាក់ថ្នមវិញ។
« តិចតួចស្អីបឺតឡើងចង់ដាច់ដង្ហើម »Taehyung ស្រែកថាអោយជុងហ្គុកទាំងទឹកភ្នែកទឹកសំបោរ គ្រាន់តែថើបប៉ុណ្ណឹងសោះយំធ្វើដូចគេចាប់រំលោភ។
« ឯណាមិនឃើញដាច់ខ្យល់ផង.! នៅយំឡើងកាភើៗដូចក្រពើផើម »Jungkookបានធ្វើអោយគេយំបែបនេះបែរជាសើចទៅវិញហើយនៅឆ្លៀតនិយាយឌឺអោយនាយតូចនោះខឹងថែមទៀត ចរឹកថេយ៉ុងពេលនេះស្លូតដាក់មិនបានទេទាល់តែគំរាមបែបនេះទើបព្រមស្តាប់តាម។
« ហេតុអ្វីព្រហ្មលិខិតដាច់ចិត្តដាក់យើងយ៉ាងនេះ? ហ៊ើយ.! បើដឹងអញ្ចឹងមិនមកផ្ទះទេសុខចិត្តអត់បាយក្នុងក្រុមហ៊ុនក៏បាន »Do-hunត្រឡប់មកពីធ្វើការវិញឮអ្នកបម្រើប្រាប់ថាថេយ៉ុងមកវិញហើយទើបនាយប្រញាប់ឡើងទៅរក មានឯណាមកដល់ឃើញប្តីប្រពន្ធគេកំពុងតែថើបគ្នាទៅវិញ គ្មានគូរមធ្យមទេអាងុំហ្នឹងមកចំតែពេលគេស្វីតទៀត ឈឺចិត្តស្អិតទ្រូងណាស់ម៉ែអឺយ(;'༎ຶٹ༎ຶ')។
TO BE CONTINUED
✨Thank for Support✨
@Ju Xui-ជូស៊ី