Episode 75 : ស្វាគមន៍លោកតា
Jungkookធ្វើមុខស្អុយហើយក៏បានដើរទៅលើកពរTaewanឡើងព្រោះTaewanក៏បានភ្ញាក់ដោយសារសម្លេងGuguយំដែរប៉ុន្តែគេមិនបានយំតាមបងដូចមុននេះនោះទេ។
« កូននរណាហេតុអ្វីក៏គួរអោយស្រឡាញ់យ៉ាងនេះ.! មើលចុះឆ្លាតខ្លាំងណាស់ »Jungkookពរថេវ៉ាន់ដើរកាត់មុខថេយ៉ុងនិងGuguយ៉ាងរំភើយ មិនសូម្បីតែមើលមុខរបស់អ្នកទាំងពីរ ខណៈនោះថេយ៉ុងក៏បានពរGuguចុះទៅខាងក្រោមដូចគ្នា។
« ប៉ាៗ »Guguពេបមាត់ចង់យំបន្តិចចំណែកដៃក៏ខ្ញាំ.កអាវរបស់ថេយ៉ុងឡើងជាប់បន្ទាប់ពីចុះមកដល់ខាងក្រោមក៏បានឃើញជុងហ្គុកកំពុងតែប្រឡែងលេងជាមួយថេវ៉ាន់ដោយមិនខ្វល់ពីគេ។
« ចង់អោយកូនយំណាស់មែនទេ? »Taehyungដើរមកក្តិចដើមដៃរបស់ជុងហ្គុកបន្តិចព្រោះឃើញមុខរបស់Guguប្រុងនឹងយំដោយសារតែច្រណែនថេវ៉ាន់ហើយបូករួមទាំងជុងហ្គុកធ្វើចរឹកដូចជាឌឺកូនថែមទៀត ថេយ៉ុងក៏ដើរមកនិយាយតែម្តង។
« យំ? ហេតុអ្វីក៏យំ? បងមិនបានធ្វើអ្វីគេផង »Jungkookញាក់ស្មារធ្វើដូចជាមិនដឹងរឿងទាំងដែលនាយមានចេតនាឌឺកូនសោះ។
« ប៉ាៗ »Guguលើកដៃទាំងពីរឡើងឈោងខ្លួនទៅរកជុងហ្គុកក្នុងបំណងចង់អោយជុងហ្គុកពរគេវិញប៉ុន្តែខណៈនោះជុងហ្គុកក៏ប្រកែក។
« អត់ទេ.! ប៉ាៗជាប់ពរប្អូនហើយ »Jungkookថាហើយក៏បានពរថេវ៉ាន់ចេញទៅខាងក្រៅដើម្បីទៅលេងនៅឯសួនក្រោយផ្ទះរបស់Do-hunបាត់។
« វ៉ា...ហិកៗ »Guguគ្រាន់តែឃើញជុងហ្គុកប្រងើយនឹងគេភ្លាម គេក៏បានខ្ទប់មុខនឹងកញ្ចឹង.ករបស់Appaហើយយំយកៗតែម្តង។
« ចំមែន.! »Taehyungក្រវីក្បាលទាំងហួសចិត្តនឹងពីរអ្នកឪពុកកូននេះខ្លាំងមែនទែន ចេះតែរករឿងគ្នាមិនឈប់កោតតែនៅជាមួយគ្នាកើត។
បន្ទាប់មកថេយ៉ុងក៏បានដឹកដៃGuguចេញទៅខាងក្រៅដូចគ្នាព្រោះទារទៅដែរហើយចង់ដើរខ្លួនឯងទើបថេយ៉ុងមិនប្រកែកហើយជូនទៅតាមបំណង មកដល់ក៏បានឃើញជុងហ្គុកកំពុងតែអង្គុយមើលមេអំបៅជាមួយនឹងថេវ៉ាន់។
« ទៅលេងជាមួយប៉ាៗទៅកូន »Taehyungប្រលែងដៃGuguអោយរត់ទៅរកជុងហ្គុកដោយគេនៅឈរចាំមើលមិនឆ្ងាយពីពួកគេប៉ុន្មាននោះទេ។
« ប៉ាៗ »Guguរត់មកអោប.ករបស់ជុងហ្គុកដែលកំពុងតែអង្គុយលើស្មៅនោះពីក្រោយរួចក៏ហៅប៉ាៗតិចទាំងរលីងរលោង ខណៈនោះជុងហ្គុកក៏បានលើកពរហ្គូៗអោយអង្គុយលើភ្លៅគេម្ខាងនឹងមានថេវ៉ាន់នៅអង្គុយម្ខាងទៀតស្រាប់។
« ហេតុអ្វីក៏កូនយំ? »Jungkookធ្វើជាសួរទាំងដែលដឹងចម្លើយស្រាប់ទៅហើយថាព្រោះតែគេ។
« ប៉ាៗឈប់ស្រឡាញ់ហ្គូៗហើយ ប៉ាៗស្រឡាញ់ថេវ៉ាន់ជាង...ហិកៗ...ប៉ាៗឈប់ខ្វល់ពីកូនទៀតហើយ »Guguដែលយំទើបតែបាត់ក៏ស្រាប់តែពេបមាត់ស្រែកយំម្តងទៀត ខណៈនោះជុងហ្គុកក៏សើចរួចលើកដៃម្ខាងមកអង្អែលក្បាលកូនកំហូច។
« នរណាថា? »Jungkookលើកដៃជូតទឹកភ្នែកអោយកូនតិចៗ ចំណែកថេយ៉ុងដែលកំពុងតែឈរមើលពីចម្ងាយនោះវិញបានត្រឹមលេចស្នាមញញឹមចេញមកលើផ្ទៃមុខនូវពេលដែលឃើញពីរអ្នកឪពុកកូនត្រូវគ្នាវិញ។
« កូនឃើញ.! កូនស្អប់ថេវ៉ាន់ហើយ...ផាច់ »Guguថាហើយក៏ឈ្លៀតឈោងទៅវៃភ្លៅប្អូនមួយដៃថែមទៀតរកតែជុងហ្គុកចាប់មិនទាន់ មិនចាំយូរថេវ៉ាន់ក៏បានស្រែកយំភ្លាមៗតែម្តង។
« ហា៎...ហិកៗ »Taewanស្រែកយំយកៗ ខណៈនោះថេយ៉ុងក៏បានស្ទុះទៅយកថេវ៉ាន់ពីដៃរបស់ជុងហ្គុកយកមកអោបលួងលោម ហើយថែមទាំងសម្លក់មុខជុងហ្គុកទៀត អង្គុយជិតប៉ុណ្ណឹងហើយនៅអោយកូនវាយគ្នាបានទៀត។
« អា៎ៗ.! កូនសម្លាញ់.! អស់អីហើយណា »Taehyungអោបកូនក្នុងរង្វង់ដៃនិយាយលួងលោមអោយថេវ៉ាន់ឈប់យំប៉ុន្តែថេវ៉ាន់មិនព្រមបាត់ងាយៗនោះទេព្រោះGuguវាយឡើងក្រហមទៅហើយ រីឯGuguវិញមិនហ៊ានមាត់មិនហ៊ាន.កទៀតនោះទេបានត្រឹមសង្ងំលើភ្លៅរបស់ជុងហ្គុកទាំងខាំមាត់។
« ធ្វើបងគេមិនត្រូវវាយប្អូននោះទេហ្គូៗ.! បើកូនមិនស្រឡាញ់ប្អូនផងតើអោយអ្នកណាទៅស្រឡាញ់ប្អូនជំនួសកូននោះ? កូនត្រូវតែចេះស្រឡាញ់ប្អូនយល់ទេ? បើមិនអញ្ចឹងទេសូម្បីតែលោកតាក៏ឈប់ស្រឡាញ់កូនដែរ »Jungkookនិយាយណែនាំហ្គូៗទាំងលើកដៃអង្អែលក្បាលកូនតិចៗព្រោះកូននៅតូចគេមិនយកទោសពៃរ៍អ្វីណាស់ណានោះទេ។
« បាទ.! »Guguឆ្លើយទាំងពេបមាត់រលីងរលោងព្រោះដឹងកំហុស ខណៈនោះថេយ៉ុងក៏បានដើរមកអង្គុយជិតជុងហ្គុកវិញបន្ទាប់ពីកូនឈប់យំ។
« បើដឹងកំហុសហើយឆាប់សុំទោសប្អូនហើយអោបប្អូនមួយផង.! ហើយសន្យានឹងប៉ាៗថាឈប់វាយប្អូនតទៅទៀត »Jungkookលើកដៃកូនឡើងអោយហ្គូៗសន្យា បន្ទាប់មកហ្គូៗក៏យល់ព្រមរួចលើកដៃទៅថ្ពួកជាមួយនឹងកូនដៃរបស់ឪពុកមុននឹងងើបចេញពីភ្លៅរបស់ជុងហ្គុកមកឈរពីមុខថេយ៉ុងនិងថេវ៉ាន់ដែលកំពុងតែអង្គុយក្បែរនោះ។
« ហ្គូៗសុំទោសថេវ៉ាន់.! ហ្គូៗឈប់វៃថេវ៉ាន់ទៀតហើយ »Guguថាហើយក៏ចូលទៅអោបប្អូនដែលកំពុងតែអង្គុយលើភ្លៅរបស់ថេយ៉ុង ក្រោយឃើញបែបនេះថេយ៉ុងក៏ស្រាប់តែលេចស្នាមញញឹមចេញមកម្តងទៀតព្រោះឃើញកូនចេះពេក ហើយក៏ឃើញថាជុងហ្គុកអប់រំកូនបានល្អផងដែរ។
« កូនកំហូចលើកក្រោយមិនត្រូវធ្វើអញ្ចឹងទៀតនោះទេ.! បើមានលើកក្រោយAppaនឹងវាយកូនហើយ »Taehyungលើកដៃអោបក្រសោបកូនទាំងពីរអ្នកដោយសេចក្តីស្រឡាញ់ពេញក្រអៅបេះដូង។
« ហឹម.! ក្តីសុខខ្លាំងណាស់ »Jungkookចូលទៅអោបពួកគេថែមមួយតង់ទៀតរួចក៏ពោលឡើងដោយស្នាមញញឹម វេលានេះនាយពិតជាមានក្តីសុខខ្លាំងណាស់ដែលបាននៅក្បែរប្រពន្ធនិងកូនទាំងពីររបស់ខ្លួន បានត្រឹមនៅក្បែរពួកគេជារៀងរហូតដល់ដង្ហើមចុងក្រោយ នាយស្លាប់បិទភ្នែកជិតហើយ។
« ថេយ៍.! អូនគិតចង់ទៅលេងលោកប៉ាអ្នកម៉ាក់ដែរទេ? ពួកគាត់ពិតជាចង់ជួបអូនខ្លាំងណាស់ »Jungkookនិយាយឡើងបន្ទាប់ពីពួកគេអង្គុយលេងជុំគ្នាបានមួយសន្ទុះធំ ខណៈនោះថេយ៉ុងក៏ស្ងាត់បន្តិចមុននឹងឆ្លើយ។
« ហឹម! ក៏បានទៅពេលនេះតែម្តងទៅ »Taehyungឆ្លើយទាំងមិនស្ទាក់ស្ទើរព្រោះនាយក៏ចង់ជួបពួកគាត់ខ្លាំងណាស់ដែរ ប៉ុន្តែគ្រាន់តែទៅលេងប៉ុណ្ណោះគេមិនទាន់ព្រមត្រឡប់ទៅវិញនោះទេ។
បន្ទាប់មកអ្នកទាំងបួនក៏បានចេញដំណើរទៅភូមិគ្រិះគីមជាមួយគ្នាភ្លាមៗតែម្តងព្រោះជុងហ្គុករងចាំឱកាសដែលថេយ៉ុងព្រមទៅលេងយូរមកហើយ។
« អ្នកណាមកអញ្ចេះ? ប្រហែលជាជុងនិងចៅកំហូចត្រឡប់មកវិញហើយ »លោកKimថាហើយក៏បានដើរទៅបើកទ្វាដោយខ្លួនឯងព្រោះមិនចង់ប្រើអ្នកបម្រើរញេរញៃច្រើន ខណៈនោះគាត់ក៏ត្រូវស្រឡាំងកាំងភ្លាមៗនូវពេលដែលបានឃើញមុខកូនប្រុសដែលបានបាត់ទៅអស់រយៈពេល2ឆ្នាំកំពុងតែឈរនៅចំពោះមុខរបស់នាយ។
« ថេយ៍.! ប៉ានឹកឯង.! »លោកKimថាហើយក៏ស្ទុះទៅអោបថេយ៉ុងភ្លាមៗតែម្តង រីឯអ្នកស្រីKimវិញគ្រាន់តែឮលោកគីមស្រែកថាថេយ៉ុងភ្លាមគាត់ក៏រហ័សរត់ចេញមករកដែរ។
« កូន...កូនក៏ដូចគ្នា »Taehyungឆ្លើយទាំងរដាប់រដុបព្រោះគេមិនបានចាំប៉ាម៉ាក់របស់គេនោះទេទើបនាយចេះតែនិយាយៗទៅ។
« ប៉ាដឹងរឿងគ្រប់យ៉ាងអស់ហើយ.! តាមសម្រួលចុះណាកូនប្រុស ចាំបានប៉ុណ្ណារប៉ុណ្ណឹងទៅកុំខ្វល់ច្រើនអី »លោកKimញញឹមស្ទើររីកមាត់ហើយក៏លើកដៃទៅអង្អែលសក់របស់ថេយ៉ុងថ្នមៗ ខណៈនោះអ្នកស្រីKimក៏បានចូលទៅអោបថេយ៉ុងម្តងដោយក្តីនឹករលឹកមិនចាញ់លោកKimឡើយ។
« លោកតាលោកយាយមិនអោបហ្គូៗដែរទេឬ? ហ្គូៗក៏ទើបតែមកពីឆ្ងាយដូចគ្នា »GuguឃើញលោកតាលោកយាយអោបតែAppa គេក៏កើតទុក្ខមិនសុខចិត្តឡើងមកដែលជាហេតុធ្វើអោយអ្នកគ្រប់គ្នានាំគ្នាសើច។
« ហីយ៉ា.! នេះជាថេវ៉ាន់ចៅពៅមែនទេនៀក? គួរអោយស្រឡាញ់ខ្លាំងណាស់ ម៉ោះប៉ាសុំពរគេបន្តិច »លោកKimចូលទៅយកថេវ៉ាន់ពីដៃរបស់ជុងហ្គុកទាំងទឹកមុខញញឹមញញែមប៉ុន្តែមិនយូរប៉ុន្មានផងទឹកមុខនោះក៏ត្រូវរលាយទៅវិញបន្ទាប់ពីគាត់ចាប់ផ្តើមមានអារម្មណ៍ថាមានទឹកអ្វីមិនដឹងហូរមកជោកអាវរបស់គាត់ ហើយនោះគឺជាទឹកនោមរបស់ថេវ៉ាន់។
« ព្រះអឺយ »Taehyungលើកដៃខ្ទប់មាត់ទាំងស្រឡាំងកាំងព្រោះគេភ្លេចអោយឆឹងថាមិនទាន់ស្លៀកខោរទឹកនោមអោយថេវ៉ាន់នៅឡើយ មកជួបលោកតាលើកដំបូងផងក៏នោមដាក់លោកតាជាការស្វាគមន៍បាត់ទៅហើយ។ಠ_ಠ ( ប្រពៃណាស់ចៅពៅ! ដឹងតែអត់បានទ្រព្យហើយចាំមើល😂 )
TO BE CONTINUED
✨Thank for Support✨
@Ju Xiu-ជូស៊ី