Episode 69 : លោកជាអ្នកណា?
ខណៈពេលដែលGuguគិតតែពីយំអោបគេបែបនេះ ថេយ៉ុងធ្វើអ្វីមិនចេញនោះទេបានត្រឹមធ្វើមុខឡេឡឺងាកសម្លឹងរកមើលឪពុកម្តាយរបស់ក្មេងប្រុសម្នាក់នោះប៉ុណ្ណោះ។
« ពូមិនមែនAppaរបស់ក្មួយទេកូនតូច.! ក្មួយច្រឡំមនុស្សហើយ »Taehyungលើកដៃអង្អែលក្បាល Guguតិចៗហើយក៏ញញឹមយ៉ាងស្រស់ដាក់កូនតូច នាយស្រាប់តែមានអារម្មណ៍ថាមាននិស្ស័យជាមួយ Guguទាំងដែលពួកគេមិនធ្លាប់ជួបគ្នាសោះ។
« ទេ.! Appaកុំទៅចោលកូនទៀតអី..Guguត្រូវការ Appa...ហិកៗ »Guguយំអោបជើងថេយ៉ុងជាប់នូវពេលដែលឃើញថេយ៉ុងក្រោកឈរឡើងប្រុងនឹងចាកចេញពីគេ។
« ស្តាប់ពូៗណា.! ពូមិនបាននៅកំដរក្មួយនោះទេព្រោះបន្តិចទៀតដល់ពេលដែលពូត្រូវឡើងឆាកហើយ បើសិនជាកូនតូចចង់ទៅមើលពូអាចទៅខាងមុខនោះបានណា »Taehyungថាហើយក៏បានដឹកដៃGuguទៅកន្លែងប្រកាស់រកសាច់ញាតរួចក៏ប្រញាប់ចាកចេញទៅទាំងមិនសូវចង់ព្រោះមិនដាច់ចិត្តទុកអោយក្មេងម្នាក់នេះយំម្នាក់ឯងសោះ។
« Appa.! »Guguពេបមាត់យំស្រែកហៅថេយ៉ុងប៉ុន្តែនាយតូចមិនបានចាប់អារម្មណ៍ឮសម្លេងរបស់គេនោះទេព្រោះមនុស្សអ៊ូអរខ្លាំង។
« មកពីណានឹងថេយ៉ុង? បងបានប្រាប់ហើយថាកុំអោយទៅឆ្ងាយៗ កំពុងមិនស្គាល់ផ្លូវផងបើវង្វេងបាត់គិតយ៉ាងមិច? »Do-hunនិយាយទាំងមុខក្រញូវដាក់ថេយ៉ុង អម្បាញ់មិញនាយភ័យសឹងតែដាច់ខ្យល់ស្លាប់ទៅហើយនូវពេលដែលមកដល់កន្លែងដែលគេអោយថេយ៉ុងរងចាំក៏បាត់ខ្លួនថេយ៉ុងនិងក្មួយឆឹង។
« មិនអីទេ.! ខ្ញុំមិនមែនក្មេងឯណា!...កុំធ្វើមុខអញ្ចឹងទៅមើល ធ្វើមុខបែបនេះទៅដូចជាយក្សអញ្ចឹងដឹងទេ? »Taehyungនិយាយទាំងសើចព្រោះDo-hun នេះពូកែបារម្ភខ្លាំងណាស់។
« អម្បាញ់មិញឯងទៅឯណា? មើលចុះមុខក្មួយបងឡើងខ្មៅអែរហើយ នាំក្មួយបងដើរហាលក្តៅមែនទេនៀក? »Do-hunដណ្តើមTaewanពីដៃរបស់Taehyungយកមកពរ មិនដឹកនាំដើរទៅណាទេថ្ងៃក្តៅស្ទើរឆេះបែបនេះ។
« គឺខ្ញុំកំពុងតែរងចាំបងសុខៗក៏ស្រាប់តែមានក្មេងម្នាក់ហៅខ្ញុំថាAppa.! ហើយថែមទាំងអោបជើងខ្ញុំជាប់ថែមទៀត ដោយមិនដាច់ចិត្តខ្ញុំក៏បានជូនគេទៅកន្លែងហៅឈ្មោះតែប៉ុណ្ណឹង »Taehyungរៀបរាប់ប្រាប់Do-hunទាំងញញឹមតិចៗ ប៉ុន្តែក្នុងចិត្តរបស់នាយកំពុងតែគិតអំពីមុខមាត់របស់ក្មេងប្រុសម្នាក់នោះ ក្មេងម្នាក់នោះមានមុខមាត់ប្រហាក់ប្រហែលនឹងបុរសដែលនៅក្នុងសុបិនរបស់គេ។
« ហឹម.! ប្រហែលជាគេវង្វេងឪពុកម្តាយហើយ តោះប្រញាប់ចូលទៅខាងក្នុងភ្លាមទៅកម្មវិធីចាប់ផ្តើមឥឡូវហើយ »Do-hunថាហើយក៏បានបណ្តើរថេយ៉ុងនិងថេវ៉ាន់ពរក្នុងដៃចូលទៅខាងក្នុងបាត់ទៅ។
ចំណែកឯជុងហ្គុកវិញគ្រាន់តែឮគេប្រកាស់ឈ្មោះកូនខ្លួនភ្លាមនាយសប្បាយចិត្តរកថាមិនត្រូវព្រោះនាយកំពុងតែភ័យរកGuguស្រាប់ បើបាត់Guguម្នាក់ទៀតនាយច្បាស់ជាស្លាប់ពុំខាន បន្ទាប់មកនាយក៏បានប្រញាប់ទៅកន្លែងប្រកាសឈ្មោះដើម្បីទៅយកកូនប្រុសវិញ។
« Gugu.! »Jungkookរត់ទៅលើកពរកូនប្រុសឡើងទាំងរំភើបស្ទើរតែស្រក់ទឹកភ្នែក ខណៈនោះ Guguក៏លើកដៃអោប.ករបស់ឪពុកវិញមុននឹងពេបមាត់យំប្រាប់ឪពុក។
« Appa...ហិកៗ..GuguបានជួបAppa.! »Gugu លើកដៃចង្អុលទៅផ្លូវដែលថេយ៉ុងបានដើរចេញទៅមុននេះទាំងទឹកភ្នែករហាម រីឯជុងហ្គុកមិនបានជឿរកូនរបស់គេនោះទេព្រោះគិតថាដោយសារ Guguគិតអំពីរឿងព្រឹកមិញច្រើនពេករហូតដល់ថ្នាក់ស្រមៃអ្នកផ្សេងឃើញថាជាថេយ៉ុង។
« កុំយំកូនសម្លាញ់.! កូនពិតជាបានឃើញAppaមែនឬ? »Jungkookសួរគ្រាន់តែចង់អោយGugu សប្បាយចិត្តប៉ុណ្ណោះ គេមិនជឿរនោះទេ។
« បាទ.! ហើយGuguថែមទាំងបានអោបAppa ថែមទៀត.! Appaប្រាប់ថាមានការប្រញាប់អោយ Guguទៅមើលនៅទីនោះ »Guguលើកដៃចង្អុលទៅកន្លែងប្រគុំតន្រ្តីទើបជុងហ្គុកងាកមើលទៅតាមកូនមុននឹងងាកមើលមុខរបស់JiminនឹងYoongi។
« ឯងជូនGuguទៅចុះ.! យើងនិងយ៉ុននាំJiyoon ទៅលេងទោងបន្តិចសិន »Jiminចង់អោយជុងហ្គុកបាននិយាយជាមួយកូនប្រុសតែពីរអ្នកទើបនាយសុខចិត្តនាំកូននិងប្តីទៅលេងកន្លែងផ្សេង។
« ហឹម.! បើរងចាំយើងយូរ ឯងអាចទៅផ្ទះមុនក៏បាន »Jungkookថាហើយក៏ពរកូនដើរសម្តៅទៅកន្លែងប្រគុំតន្រ្តីបាត់ នាយអោយJiminទៅមុនក៏ព្រោះតែនាយគង់តែទៅផ្ទះJiminវិញដដែលទេ ពួកគេធ្វើកម្មពិធីញ៊ាំអាហារជុំគ្នានៅយប់នេះ។
« ប៉ាៗយល់ចិត្តកូន.! ប៉ុន្តែកូនមិនគួរគិតអំពីAppa ច្រើនពេកទេ កូននៅតូចណាស់ រឿងAppaរបស់កូនទុកអោយមនុស្សចាស់ជាអ្នកចាត់ចែក.! កុំគិតច្រើនដល់ថ្នាក់មើលអ្នកដទៃថាជាAppaខ្លួនឯងអី វាមិនល្អឮទេ? »Jungkookនិយាយលួងលោមកូនបន្ទាប់ពីមកឈរខាងមុខឆាករួចរាល់ នាយមកឈរបានពីមុខគេតែម្តងព្រោះចង់បំពេញបំណងកូន។
« Guguមិនបានមើលច្រឡំទេ.! Appaច្បាស់ណាស់ប៉ាៗ..ហើយថែមទាំងមានអូនតូចមួយទៀត អូនតូចស្អាតដូចGuguអញ្ចឹង.! »Guguនិយាយប្រាប់ជុងហ្គុកទាំងពេបមាត់ប៉ុន្តែសំដីរបស់គេនៅតែប្រកាន់ថាម្នាក់នោះជាAppaរបស់គេដដែលទោះជាវៃដល់ស្លាប់ទៀតក៏គេមិនប្រែចម្លើយដែរ។
« អូនតូចម្នាក់ទៀត? មិនអាចទេកូន »Jungkookតវ៉ាមិនបានប៉ុន្មានផងការប្រគុំតន្រ្តីក៏ចាប់ផ្តើមឡើងប៉ុន្តែជុងហ្គុកមិនបានចាប់អារម្មណ៍មើលមុខអ្នកលើឆាកឡើយ នាយរវល់តែឈ្លោះគ្នាជាមួយកូន ខណៈនោះថេយ៉ុងក៏ចាប់ផ្តើមកេះហ្គីតារបស់គេមុននឹងបញ្ចេញសម្លេងស្រួចស្តើងរបស់គេឡើងមកធ្វើអោយអ្នកដែលមើលនៅខាងក្រោមនាំគ្នាស្រែកអ៊ូរពេញនឹង។
« ... »ដោយឮសម្លេងអ្នកនៅលើឆាកដូចជាប្រហែលៗនឹងសម្លេងរបស់ប្រពន្ធខ្លួន ជុងហ្គុកក៏រហ័សងាកមុខទៅមើលក៏បានឃើញថេយ៉ុងកំពុងតែអង្គុយច្រៀងលើកៅអីទាំងញញឹមឡើងស្រស់ ជុងហ្គុកសឹងតែមិនជឿរនឹងភ្នែកខ្លួនឯង នាយលើកដៃញីភ្នែកខ្លួនឯងពីរទៅបីដងប៉ុន្តែនៅតែឃើញជាថេយ៉ុងដដែល។
« ប៉ាៗ នោះហើយ.! នោះAppa.! Appa »Guguស្រែកចង្អុលទៅថេយ៉ុងប្រាប់ជុងហ្គុកទាំងអន្ទះសារ ខណៈពេលដែលជុងហ្គុកកំពុងតែភាំងសម្លឹងទៅភរិយាដោយមិននិយាយអ្វីទាំងអស់។
« ជាអូនមែនឬថេយ៍? »Jungkookស្រក់ទឹកភ្នែកសម្លឹងមើលភរិយាទាំងរំភើបចិត្តខ្លាំងមែនទែន បើអាចនាយនឹងរត់ទៅអោបថេយ៉ុងនៅលើឆាកតែម្តង ចំណែកថេយ៉ុងវិញកំពុងតែច្រៀងសុខៗនាយក៏បានងាកមកខាងជុងហ្គុកហើយក៏ស្រាប់តែសើចស្ញេញចេញមក ប៉ុន្តែតាមពិតមិនមែនគេសើចដាក់ជុងហ្គុកនោះទេគឺគេសើចដាក់Gugu គេសប្បាយចិត្តនូវពេលដែលឃើញក្មេងប្រុសដែលបានវង្វេងឪពុកម្តាយអម្បាញ់មិញបានជួបឪពុកម្តាយរបស់គេវិញប៉ុន្តែនាយមិនទាន់បានចាប់អារម្មណ៍មើលមុខរបស់ជុងហ្គុកច្បាស់នៅឡើយទេ។
« ដូចគីម ថេយ៉ុងដែលបានស្លាប់កាលពី2ឆ្នាំមុនម្លេះ? »អ្នកឈរក្បែរជុងហ្គុកស្រាប់តែពោលឡើងទាំងមិនបានចាប់អារម្មណ៍ឡើយថាជុងហ្គុកឈរក្បែរនេះអ្នកគ្រប់គ្នាសុទ្ធតែឆ្ងល់បែបនេះព្រោះជនជាតិកូរ៉េរូបណាដែលមិនស្គាល់កូនប្រុសត្រកូលគីមនោះ? គឺគ្មានទេ ការស្លាប់របស់ថេយ៉ុងផ្អើលស្ទើរមួយប្រទេសឯណ្ណោះ។
បន្ទាប់ពីការប្រគុំតន្រ្តីចប់ថេយ៉ុងក៏បានចុះទៅខាងក្រោមឆាកវិញ ចំណែកជុងហ្គុកក៏ប្រញាប់ពរកូនរត់ចូលទៅខាងក្រោយឆាកដែរប៉ុន្តែក៏ត្រូវបុគ្គលិកនៅទីនោះហាមមិនអោយចូល។
« សុំអង្វរ.! អោយខ្ញុំជួបថេយ៉ុងបន្តិចមក ខ្ញុំពិតជានឹកគេខ្លាំងណាស់ »Jungkookអង្វរបុគ្គលិកនៅទីនោះទាំងទឹកភ្នែកសស្រាក់ គេច្បាស់ហើយថាម្នាក់នោះជាថេយ៉ុងរបស់គេ គេមើលមិនច្រឡំឡើយ។
« មិនបានទេលោកJung.! »បុគ្គលិកនៅទីនោះស្គាល់ជុងហ្គុកច្បាស់ណាស់ប៉ុន្តែគេក៏មិនអាចល្មើសនឹងច្បាប់នៅទីនេះបានដែរ។
« ពូស្អាតហា៎...GuguសុំជួបAppaបានទេ? GuguបែកAppaយូរមកហើយ Guguចង់ជួបAppaអោយAppaមកជួបGuguបន្តិចមក ណាពូស្អាត »Guguចុះពីលើដៃជុងហ្គុកទៅទាញជើងខោរបុគ្គលិកសឹងតែរបូត។
« មិនបានគឺមិនបានហើយអាល្អិត »បុគ្គលិកម្នាក់នោះនៅតែប្រកាន់ពាក្យអត់មិនឈប់ហើយថែមទាំងយកជើងរុញGuguចេញរហូតដល់ដួលថែមទៀត ទង្វើរបែបនេះធ្វើអោយជុងហ្គុកជាឪពុកឆេះភ្លាមៗតែម្តង។
« ប្រហ៊ើនណាស់ហ៊ានរុញទាយាទKim.! ឃើញយើងអង្វរឯងដូចជាឡើងរឹកដល់ហើយ...ចង់ស្លាប់ទាំងវ័យក្មេងហើយតើមែនទេ? សួនកម្សន្តមួយនេះយើងចង់ទិញទាំងមូលទៀតក៏គ្មាននរណាហ៊ានជំទាស់ចិត្តយើងដែរ! កូនយើងមិនធ្លាប់ត្រូវយើងវាយសូម្បីតែមួយសរសៃសក់ចុះឯង? ឯងជាស្អីហ៊ានរុញកូនយើង? »Jungkookស្ទុះទៅក្របួច.កអាវបុគ្គលិកម្នាក់នោះទាំងភ្នែកឡើងក្រហមគួរអោយខ្លាច ឃើញគេអង្វរកុំគិតថាគេខ្លាចអោយសោះ។
« ខ្ញុំ...ខ្ញុំសុំទោសលោក »បុគ្គលិកម្នាក់នោះពោលឡើងទាំងញើសជោគថ្ងាស់ដែលជ្រុលជើងរុញGuguអោយដួល។
« មានរឿងអ្វីនឹង? ហេតុអ្វីក៏ឡូឡាយ៉ាងនេះ? »Do-hunចេញមកមើលទាំងជ្រួញជញ្ចើមព្រោះឮដូចជាមានមនុស្សឈ្លោះគ្នានៅខាងក្រៅ។
« កូនចៅរបស់ឯងប្រហ៊ើនមិនស្គាល់ខ្ពស់មិនស្គាល់ទាប.! យើងមិនចង់ស៊ាំញ៊ាំច្រើនឡើយយើងត្រូវការជួបថេយ៉ុងតែម្នាក់គត់ »Jungkookនិយាយមិនទាន់បានប៉ុន្មានផងថេយ៉ុងក៏ដើរមករកDo-hunល្មម នាយដើរមកខណៈពេលដែលដៃកំពុងតែពរTaewan។
« លោក? »Taehyungស្រាប់តែស្រឡាំងកាំងនូវពេលដែលឃើញបុរសដែលនៅក្នុងសុបិនរបស់គេរាល់យប់កំពុងតែឈរនៅចំពោះមុខគេ ហើយថែមទាំងមានGuguនៅជាមួយថែមទៀត។
« ថេយ៉ុង...ហ៊ឺរ បងនឹកអូនណាស់ »Jungkook យំស្ទុះទៅអោបថេយ៉ុងភ្លាមៗរកតែDo-hunចាប់មិនទាន់ នាយអោបថេយ៉ុងយ៉ាងណែនហើយថែមទាំងសង្ងំយំលើស្មាររបស់ថេយ៉ុងថែមទៀត។
« លោកជាអ្នកណា? »Taehyungសួរមួយម៉ាត់ឡើងមកធ្វើអោយជុងហ្គុកស្រឡាំងកាំងតបលែងចេញតទៅទៀត គេស្តាប់ច្រឡំឬ? ថេយ៉ុងមិនស្គាល់គេនឹងកូនទេឬ?
« គឺបងណាថេយ៍...កុំកុហកបងអីបងខ្លាចខ្លាំងណាស់...ថេយ៍គឺបងជុងហ្គុកហើយនេះគឺGuguកូនយើងនោះអី »Jungkookចាប់ស្មារថេយ៉ុងនិយាយប្រាប់ទាំងញ័រមាត់ទទ្រើតព្រោះភ័យ។
« ខ្ញុំមិនធ្លាប់ស្គាល់លោកទេ.! ខ្ញុំមានតែកូនម្នាក់ប៉ុណ្ណោះគឺTaewan.! »Taehyungលើកដៃរុញជុងហ្គុកអោយឆ្ងាយពីខ្លួនបន្តិច មិនដែលស្គាល់គ្នាផងសុខៗមកអោបគេទៅកើត។
« នេះអូន?...កុំលេងសើចបានទេ? ហើយក្មេងម្នាក់នេះជាកូនអ្នកណា? »Jungkookសួរថេយ៉ុងព្រោះឮគេប្រាប់ថាមានកូនតែម្នាក់ប៉ុណ្ណោះ។
« គេគឺជាកូនប្រុសរបស់ខ្ញុំ.! »Taehyungនិយាយ ឡើងរួចក៏អោបថេវ៉ាន់ឡើងជាប់ ខណៈនោះDo-hunក៏រហ័សចាប់ជុងហ្គុកចេញព្រោះគេមិនស្គាល់ជុងហ្គុកនោះទេ។
« កុំរញេរញៃជាមួយនឹងថេយ៉ុងអោយសោះ.! ឆាប់ចេញទៅ »Do-hunព្យាយាមចាប់ជុងហ្គុកចេញដែរប៉ុន្តែអ្នកម្ខាងមិនព្រមដាច់ខាត។
« នេះអូនមានកូនជាមួយវាឬថេយ៍?..ហេតុអ្វីក៏អូនធ្វើបែបនេះដាក់បង.! បងខំរងចាំអូនអស់រយៈពេល2ឆ្នាំជាមួយនឹងកូន ហេតុអ្វីអូនយកកូនជាមួយអ្នកផ្សេង.! »Jungkookស្រែកឡូឡាដូចជាជ្រូកពុលព្រោះខឹងដែលថេយ៉ុងយកកូនជាមួយអ្នកផ្សេង😐។
TO BE CONTINUED
✨Thank For Support✨
@Ju Xiu-ជូស៊ី