Episode 64 : ឈឺក្បាលចង់តែក្អួត.!
ព្រឹកថ្ងៃថ្មីឈានមកដល់Taehyungក៏បានក្រោកពីព្រឹកព្រលឹមដើម្បីមើលកូនព្រោះGuguយំតាំងពីម៉ោង5ព្រឹកមកម្លេះ មិនអោយពួកគេបានគេងលក់ស្រួលឡើយ។
« អា៎ៗ កូនសម្លាញ់កុំយំ »TaehyungបីGuguចុះពីខាងលើជណ្តើរ ខណៈពេលដែលខ្លួនកំពុងតែបោះជំហ៊ានចុះទៅខាងក្រោមដើម្បីញ៊ាំអាហារពេលព្រឹក។
« អាចៅយំទាំងព្រឹកតែម្តងហើយ.! »លោកKim និយាយឡើងបន្ទាប់ពីបានឃើញថេយ៉ុងចុះជណ្តើរបណ្តើរបីលួងលោមGuguបណ្តើរ មើលហើយពិតជាវេទនាភ្នែកមែនទែន។
« ទម្លាប់ទៅហើយលោកប៉ា.! ពូកែយំខ្លាំងណាស់ »Taehyungរអ៊ូទាំងពេបមាត់ដាក់ឪពុកនិងម្តាយ បើគេដឹងថាមានកូនវេទនាបែបនេះគេសុខចិត្តមិនយកតាំងពីដំបូងក៏ប្រសើរជាងអង្គុយលួងកូនមួយថ្ងៃទល់ល្ងាចអីបែបនេះដែរ។
« អោយGuguមកប៉ាហើយឯងទៅអង្គុយញ៊ាំអាហារជាមួយម៉ាក់ឯងទៅ...អូ.! មែនហើយចុះឯណាកូនជុង? »លោកKimទើបតែចាប់អារម្មណ៍ថាមិនឃើញជុងហ្គុកចុះមកជាមួយថេយ៉ុងទើបសួរតែម្តង។
« គឺគេមិនទាន់ភ្ញាក់នៅឡើយទេលោកប៉ា.! ឃើញគេងលក់ស្រួលកូនមិនចង់ដាស់ »Taehyungពោលទាំងញញឹមដាក់ឪពុកមុននឹងហុចGuguទៅអោយលោកKimដើម្បីអោយគាត់មើលកូនជំនួសគេ។
« អឹម.! ប្រហែលជាប្រតិបត្តិការណ៍យប់មិញហត់ពេកហើយ »លោកKimនិយាយចោលធ្វើហីៗតែក៏ធ្វើអោយថេយ៉ុងដែលបានស្តាប់ឮនោះខ្ចិបមាត់អៀនរហូតដល់ក្រហមមុខអស់។
« លោកប៉ា~ »Taehyungហៅគាត់បែបបង្អូសសម្លេងទាំងពេបមាត់ង៉ក់ងរដាក់ឪពុក។
« ពីរអ្នកឪពុកកូននេះមានរឿងអ្វីលាក់បាំងមែនទេ? »អ្នកស្រីKimដែលអង្គុយស្តាប់ជាយូរនោះក៏ស្រដីឡើងព្រោះគាត់ស្តាប់មិនយល់ថាពីរអ្នកឪពុកកូននេះចង់និយាយពីអ្វីឡើយ។
« គ្មានអ្វីទេ.! »លោកKimងាកមុខទៅឃើញថេយ៉ុងពេបមាត់ដាក់គាត់បែបអង្វរ.កទើបគាត់ខ្ចិលនិយាយហើយក៏បីGuguចេញទៅលេងនៅសួនខាងមុខផ្ទះបាត់ទៅ។
« ចំមែន.! »អ្នកស្រីKimក្រវីក្បាលបន្តិចមុននឹងចាប់ផ្តើមញ៊ាំអាហារពេលព្រឹកបន្តជាមួយនឹងថេយ៉ុង។
បន្ទាប់ពីញ៊ាំអាហារពេលព្រឹករួចរាល់ថេយ៉ុងក៏បានចេញទៅសួនដើម្បីទៅលេងជាមួយនឹងGuguនិងឪពុកដូចគ្នា មកដល់ក៏បានឃើញលោកKimកំពុងពរGuguដើរមើលផ្ការ។
« លោកប៉ា »Taehyungដើរមកឈរជិតឪពុកមុននឹងហៅគាត់តិចៗ ខណៈនោះលោកKimក៏ងាកមុខមករកកូនទាំងញញឹមពព្រាយ។
« មានការអ្វីមែនទេថេយ៉ុង? »លោកKimសួរទៅកាន់កូនប្រុសវិញព្រោះមើលទៅមុខរបស់គេដូចជាមានរឿងចង់និយាយជាមួយនឹងគាត់។
« រឿងឃាតករដែលបានបង្កនៅក្នុងកម្មពិធីកាលពីថ្ងៃមុន ចាប់បានឬនៅលោកប៉ា? »Taehyungសួរបែបនេះក៏ព្រោះតែពួកគេបានបញ្ជូនប៉ូលីសអោយតាមរកឃាតករដូចជាយូរដែរហើយ។
« ប៉ាភ្លេចប្រាប់ឯងអោយឆឹង.! គឺចាប់បានព្រឹកមិញនេះឯង.! រងចាំតែប៉ូលីសសួរចម្លើយតែប៉ុណ្ណោះ »លោកKimនិយាយប្រាប់ថេយ៉ុងខណៈពេលដែលដៃចាប់បោះGuguលេងតិចៗ។
« ហឹម...កូនពិតជាចង់ដឹងខ្លាំងណាស់ថានរណានៅពីក្រោយរឿងនេះ.! កុំប្រាប់អោយសោះថាជាមនុស្សដែលកូនសង្ស័យ »Taehyungនិយាយទាំងក្តាប់ដៃណែន អោយតែនឹកឃើញលើកណាក្តៅចិត្តលើកនោះ បើថ្ងៃនោះមិនមានអ្នកស្រីJeonជាអ្នករងទេអ្នកដែលត្រូវស្លាប់ច្បាស់ជាគេនិងកូនពុំខាន។
« កូនសង្ស័យនរណាមែនទេ? »លោកKimចាប់ផ្តើមចាប់អារម្មណ៍នឹងសម្តីរបស់ថេយ៉ុង គាត់ក៏ងាកមុខមកសម្លឹងមុខថេយ៉ុងមិនដាក់ភ្នែក។
« កូនមិនប្រាកដនោះទេ.! អញ្ចឹងកូនគិតទៅដាស់ជុងសិនហើយ »Taehyungគេចមិនចង់ឆ្លើយជាមួយឪពុករួចក៏ដើរចូលទៅខាងក្នុងវិញបាត់ទៅ។
ក្រាក~
Taehyungបើកទ្វាចូលក្នុងបន្ទប់ថ្នមៗព្រោះខ្លាចរំខានជុងហ្គុក មកដល់ក៏បានឃើញJungkookនៅគេងត្រមួកលើគ្រែដដែល មិនទាន់ងើបទៀត។
« ងើប.!លោកប្តី... »Taehyungលោតទៅជិះពីលើជុងហ្គុករួចក៏អោនទៅស្រែកចេចចាចដាក់ត្រចៀកជុងហ្គុកហើយនៅឆ្លៀតចាំត្រចៀករាងក្រាស់ទៀត។
« ហឹម »Jungkookបើកភ្នែកឡើងសម្លឹងមុខប្រពន្ធដែលកំពុងតែជិះពីលើខ្លួនទាំងមីងមាំង មិនដាស់ត្រឹមត្រូវទេលេងឡើងជិះពីលើស្រែកដាក់ដូចជាកូនក្មេងទៅកើត កូនមួយហើយនឹងប្រពន្ធអើយ។
« ងើបឡើងហាន់នី.! ថ្ងៃនេះហេតុអ្វីក៏គេងត្រមួកម្លេះហឹម? »Taehyungចាប់ហែកមុខជុងហ្គុកយកថើបខ្សឺតៗហាក់ដូចជាក្រឺតប្តីណាស់អញ្ចឹង។
« សឺត.! ប្រពន្ធអ្នកណាអីក៏គួរអោយស្រឡាញ់យ៉ាងនេះ »Jungkookស្ទុះក្រោកឡើងរួចផ្តួលកាយតូចអោយគេងក្រោមនាយវិញដោយជើងរបស់ថេយ៉ុងគងចង្កេះរបស់នាយទាំងសងខាង បន្ទាប់មកក៏អោនទៅថើបលើផ្ទៃមុខតូចខ្សឺតៗដោយក្តីស្រឡាញ់ពេញក្រអៅបេះដូង។
« បានហើយប្រញាប់ងើបភ្លាមទៅ.! មិនបានញ៊ាំអាហារពេលព្រឹកប្រយ័ត្នឈឺក្រពះ »Taehyung លើកដៃរុញមុខជុងហ្គុកចេញបន្ទាប់ពីត្រូវនាយម្ខាងចាប់គេថើបជាច្រើនខ្សឺត។
« ទទួលបញ្ជា »Jungkookសើចថើបមាត់រាងតូចមួយខ្សឺតទៀតមុននឹងប្រញាប់ក្រោកឡើងទៅសម្អាតខ្លួននឹងអាលបានញ៊ាំអាហារពេលព្រឹក បន្ទាប់ពីសម្អាតខ្លួនរួចរាល់នាយក៏បានចុះទៅខាងក្រោមជាមួយនឹងថេយ៉ុងតែម្តង។
« ចុះមកល្អហើយ.! ខាងប៉ូលីសបានផ្តល់ចម្លើយមកអោយពួកយើងហើយ »លោកKimពោលឡើងបន្ទាប់ពីបានឃើញជុងហ្គុកនិងថេយ៉ុងបណ្តើរគ្នាចុះមកខាងក្រោម រីឯGuguវិញកំពុងតែប្រលែងលេងជាមួយនឹងលោកយាយរបស់គេក្បែរនោះដូចគ្នា។
« មែនឬលោកប៉ា? »Taehyungគ្រាន់តែឮភ្លាមនាយក៏រហ័សរត់ទៅអង្គុយជិតឪពុកព្រោះចង់ដឹងរឿងខ្លាំងណាស់ ខណៈនោះជុងហ្គុកក៏ដើរទៅអង្គុយតាមក្រោយទាំងទឹកមុខមិនស្រស់ព្រោះអោយតែនិយាយពីរឿងថ្ងៃនោះគេតែងតែនឹកដល់ម្តាយរបស់គេ។
« គឺអាJungជាអ្នកធ្វើ.! ឥឡូវនេះប៉ាបានបញ្ជូនប៉ូលីសទៅចាប់វារួចហើយ »លោកKimនិយាយតែមាត់ប៉ុន្តែភ្នែករបស់គាត់គិតតែពីសម្លឹងទៅJungkook ដែលកំពុងតែអង្គុយស្ងៀមភ្លឹកៗ គាត់ដឹងថាជុងហ្គុកមានអារម្មណ៍មិនល្អនោះទេចំពោះរឿងនេះ។
« ដូចដែលកូនគិតមិនខុសមែន.! អោយដេកគុកវានៅស្ទើរផង...ហឹម »Taehyungដកដង្ហើមធំយ៉ាងវែងមុននឹងដើរទៅអង្អែលខ្នងស្វាមីតិចៗជាការលួង លោម ខណៈនោះជុងហ្គុកក៏ញញឹមដាក់ថេយ៉ុងតិចៗបញ្ជាក់ថាគេមិនអីទេ។
« កុំគិតច្រើនអីកូន.! អ្វីៗនឹងប្រសើរឡើងឆាប់ៗ »លោកKimព្យាយាមនិយាយលួងលោមកូនប្រសារបន្ថែមព្រោះមិនចង់អោយជុងហ្គុកគិតច្រើនឡើយ។
3សប្តាហ៍កន្លងផុតទៅ~
រយៈពេល3សប្តាហ៍កន្លងហួសទៅយ៉ាងឆាប់ រហ័ស ជុងហ្គុកក៏លែងសូវគិតច្រើនដូចមុនចំណែក Guguក៏លែងសូវរករឿងដូចគ្នា រីឯថេយ៉ុងវិញមួយរយៈនេះគេមានអាការៈប្លែកៗ ស្លេកមុខស្លេកមាត់ខុសពីធម្មតា ពេលខ្លះឈឺក្បាលហើយខ្លះទៀតក៏ក្អួតទាំងគ្មានមូលហេតុ។
« ហ៊ើយ!!! ឈឺក្បាលណាស់ »Taehyungស្រែករអ៊ូដើរតម្រង់ទៅគ្រែគេងវិញបន្ទាប់ពីក្អួតក្នុងបន្ទប់ទឹកផ្អែតផ្អន់ រយៈពេល2_3ថ្ងៃនេះគេឈឺសឹងតែងើបពីគ្រែមិនរួចទៅហើយ។
« អូនយ៉ាងមិចហើយ? មើលចុះស្លេកស្លាំងខ្លាំងណាស់ »Jungkookរត់ទៅជួយកាន់ដៃប្រពន្ធខណៈពេលដែលខ្លួននាយផ្ទាល់កំពុងតែបីGuguដូចគ្នា ពេលនេះGuguកំពុងតែលង់លក់ក្នុងរង្វង់ដៃរបស់នាយទៅហើយ មួយរយៈក្រោយនេះនាយចេះមើលGuguហើយ នាយចេះលួងលោមអោយGugu គេងដោយមិនបាច់ចាំថេយ៍ជាអ្នកធ្វើ។
« ឈឺក្បាលចង់តែក្អួត.! »Taehyungឆ្លើយប្រាប់ជុងហ្គុកវិញទាំងបើកភ្នែកសឹងតែមិនរួច មុននឹងដាក់ខ្លួនគេងលើពូកវិញទាំងអស់កម្លាំងព្រោះគេក្អួតរាល់ព្រឹកឡើងអស់ពីពោះទៅហើយ។
« តោះទៅពេទ្យជាមួយបង.! »Jungkookមិនគិតច្រើនក៏បបួលប្រពន្ធអោយទៅពេទ្យជាមួយនាយទាំងឆ្លេឆ្លាព្រោះបារម្ភពីថេយ៉ុងខ្លាំង។
« មិនអីទេ.! ពេលរសៀលចាំអូនទៅជាមួយមីនក៏បានព្រោះថ្ងៃនេះដល់ថ្ងៃគេណាត់ដូចគ្នា »Taeh- yungនិយាយទាំងភ័យព្រោះអាការៈនេះវាដូចជាពេលដែលគេមានGuguដំបូងណាស់ តែថាថ្ងៃនោះគេចាក់ទឹកក្រៅពាងទេតើ ម្តេចនឹងមានបានទៅ?
TO BE CONTINUED
✨Thank for Support✨
@Ju Xiu-ជូស៊ី