عذريتي مقابل براءتي

البارت التاسع عشر

الليل هم وأجى

شدن حزام يجروحي 

والفركه يضم وقهر

والغربه تحرك روحي

والذكريات بخاطري 

مرن وزيد نوحي

لا بيه أرد لهلي

ولا بيه أعيش بروحي

هالعتمه كلش طولت

يا شمس بسج لوحي 

يارين - بعد ما دفعت الأيجار مال البيت رحت اني وأم كرار نظفنه البيت وهي خطيه والله

ماقصرت شكو شي عدها غراض مال بيت قديمه انطتها إلي وكامت تفزع الجوارين حتى

يساعدوني بالي يكدرون عليه والناس هم ما قصروا  كل واحد يساعد بشي كملته ورتبته

كتلها لأم كرار - عفيه ام كرار أريد أروح على امي حتى أجيبها يمي
ك
كالت - بس خلي ناخذ أبو كرار ويانه لأن وحدنه ما نكدر

وبالفعل ثاني يوم خطيه أبو كرار أخذ أجازه وأجى ويانه ورحنه شفنه هاي صاحبة الدار اول ما

شافتني غمتني وبصراحه اني هم جان بنفسي ردة فعل وأريد أسويها اني هم غميتها وطلعت

ألها لساني وهي من ردنه نطلع امي اجتي ضربتني على ظهري

وتكلي - يلا أخذيها وبعد عينج عليها  بمكان ما طلعين لسانج مثل الجلب

ردت أجاوبها بس ام كرار خزرتني وشكرت منها وصعدنه امي بالسياره وجبت الطريق كله

أدردم على هاي صاحبة الدار وأم كرار تضحك عليه وتكول مخبله

وصلنه للبيت وام كرار ساعدتني ونزلنه امي وخليناها على الكرسي المتحرك ودخلتها

للبيت وام كرار جابت جهالي من بيتهم

كتلها لأم كرار - عفيه بعد ما استقريت وكعدت أريد أروح أرفع قضيه ضد عمار حتى أثبت أنه

الطفل أبنه

كالت - ارتاحي شكم يوم واني وياج نروح للمحكمه

كتلها - عفيه أريد أتواصل ويا دارين

كالت - دخلي على صفحة البنيه على الفيس وأدخلي راسليها خاص وهسه اني أكول إلها

هاي صفحة أخت دارين حتى أجاوبج

ودخلت للفيس وعلى الخاص وراسلتها وبحدود ساعه ونص يلا اتصلت دارين ومكالمة فيديو

من فتحت خط

يارين    - عندي مفاجأه ألج ما تتوقعيها

دارين  - أدري كملتي البيت وانتقلتي  أله