عذريتي مقابل براءتي

البارت السابع عشر

صح أعتب جبتها شبيدي غير أعتب    

بالله بغيرتك عود انت هم تحب

تعرف الحب شنو اشرحلي  واني أكتب

اي تعب ؟لا وحقك انت التعب

تتحجج علي ما أتفهم شتريد

تزعل تختلف وبسالفه تجلب
 

       
                                     الحب تضحية وانت  شوكت ضحيت

يارين  - بعد الصياح والي صار بيني وبين عمار هجم عليه يخنكني  وامي كامت تعيط

وتدفع بي إلى ان عافني بس تركني حسيت الحياة رجعت الي لكون جان ضاغط على ركبتي

كال عمار -شوفي لج من باجر ترجعين ويايه لا أكسر راسج

كتله -لو تموت إلا ابهذلك واسجن زوجتك المعقده وكول كالت يارين

كام يضحك - وكال انتي منو كلج اصلآ اكو شكوه على فاتن  لا حبابه سديتها وراحت انتي

نايمه

كتله -والله إلا اشهرك لو تعوفني  كمت ادك على وجهي

كال انتي الي تنشهرين شنو الي يثبت هذا كلامج ماكو لا عقد ولا اي شي  خلي عقلج براسج

اني  ما ميت عليج بس محتاجج

وعافني وراح بعد ما خلاني رماد

دارين -ظليت أنتظر فرقد من أجى جان تعبان دخل بس يريد ينام

كلت خلي اكله قبل ما ينام

كتله -فرقد اني ضايجه وتعبانه من الحمل أريدك طلعني

كال حبيبي ما بيه حيل ميت من التعب لا تكولين اريد أطلع إلا يوم الجمعه والسبت بس هذني

يومين اني كاعد بيهم واطلعج

كتله لا انت كول جنت بيتك الثاني وجاي تعبان

كال هاي الف مره نهيتج وما انتهيتي شلون

عفته وكعدت مبوزه نام عفته ورا شويه رجعتله بس شنو شكو شي كدامي اضربه برجلي

رفع راسه

وكال هي انتي بشر حشر ما شوفيني نايم عمي أنام ساعه واكعد اطلعج

فرحت رحت طلعت الجنطه الي بيها الذهب والفلوس وبدلت  وكعدته

وجان وقت عصر هو هم بدل وطلعنا والطريق كله معبس وما حجه شي

ظل يفتر بينا بالسياره صار وقت المغرب نزلنا يم مول وطبينا

أخذني لمكان بي أكثر شي عوائل أتلفت يمنى ويسرى ماكو وحده تباوع وكل واحد عينه

بماعونه شلون يا ربي انتبهت اكو ولد يباوع عليه ويدور وجهه