عذريتي مقابل براءتي

البارت الرابع

من ثكلان مو جد مي بس كسلان
وتعبان مو من حمل الكوت تعبان

بعيوني لمعة دمع مين ما التفت الكى العمر ذبلان
والحيرة ما تنوصف ولا جرحي طاب لا ميت وخلصان

وعزاز يا ما مشوا واحد مشى بضحكته واحد مشى زعلان
كون الوفا ينباع بالسوك وكون الشلونك مو حجي حلوك
دارين -من بعد ما حسيت بشي بس أحس جسمي مخدر وبين وقت ووقت أحس ناس يمي

ويحجون بس صوتهم بعيد حتى ما افهم كلامهم وأحس بوحده توكلني تشربني

بس أحس جسمي مثل اللعبه يحركوني مثل ما يريدون

فرقد - عماد روح شوف ام أحمد وصيحلياها

ام أحمد -نعم سيدي

فرقد -شلونها السجينه إلي جبناها البارحة

ردت سيدي نايمه بس ام زينه معتنيه بيها زين تريد أشوفها تفضل سيدي

رحنا للحجز فتحنا ودخلنا شفتها نايمه

سألت ام نعيم - ليش سويتي بيها هيجي تدرين اكدر هسه اسوي عليج قضية شروع بالقتل

ام نعيم - والله سطرت راسنا على شنو متحمليها

رديت عليها شوفي إذا يتكرر هذا السويتي مره ثانيه والله اذبج بتهمه متطلعين منها

وعفتها ومشيت وصلت يم الباب وجان تكول بصوت عالي

ام نعيم -والله إذا مريحه مقدم فرقد ياخذها يمه

رجعت عليها ورفعت اصبعي بوجهه وكتلها باعي لا تستفزيني حتى لا شوفين وجهي الثاني

وعفتها ومشيت

دارين -شويه وعيت كمت اكدر اسيطر على نفسي ورجعت على حقيقة واقعي المرير

واني وين وفكر باهلي شصار بيهم واختي شلون صارت المن أسأل وهذا الضابط

أخاف منه بس الصدمه من عرفت اني صارلي ثلاثة ايام بالسجن

ام زينه ها شلون صرتي يمعوده خوفتينا

كتلها أحس عبالك جنت ميته واحتيت محد سأل عليه من أهلي

كالت لا والله محد سأل بس مقدم فرقد

جاوبتها أكرهه

كالت عادي تكرهي بس هو نيته مو صافيه الله يعلم شنو ورا

ام نعيم -كعدتي يلا كومي غسلي هدومي ونظفي وياهن وبس اشوفج تبجين أو تعيطين أرجع

بالنعال افتهمتي

باوعت على ام زينه كتلها يعني شنو

كالت ام زينه هي هنا كلها تمشي بحجي ام نعيم وشتكول نسوي

كتلها ليش

كالت شرانيه محد يكدر عليها شتكول سوي حتى لا تأذيج