عذريتي مقابل براءتي

البارت التاسع

انا لا اخاف من خيانة أحد
أخاف ان تخونني صحتي
وهذه أصعب خيانه يتعرض لها الانسان
اللهم لا تحوجني لحبيب ولالقريب
ولا لصاحب ولا لغريب
يارين / بعد ما قفلت ويا سيف بس هو طلب يتواصل حتى عسى أغير رأي بس اني قررت بعد اي رجال بحياتي ما أريد أعيش وحدي  أحسن الله رزقني بولد أثنين وبنيه وبنت معتز وياهم شسوي بالرجال وأني هم إلي على گلبي
كافي عليه بعد ما الله رزقني بشغل واني گاعده بالبيت مطلعه عيشتي أحسن ما گاعده وبعد طلعت أمي من المستشفى شويه الحال صار احسن بس يبقى الي ما عنده حظ هذا وضعه يبقى معلعل وهذا وضعي اني معلعله بس تبقى إرادة الله فوق كل شيء من عرفت دارين بزواج فرقد وهي
أول الآمر تخبلت بس سبحان الأنسان من كثر غدر المقابيل بيك يغسل گلبك منه لهذا دارين نغسل گلبها من فرقد وحتى ما عادت شوفه كأنه ما موجود هذا كان أحسن إلها بعد شتريد شوف منه أكثر من هذا

اما أني أبو كرار اختفى ما عاد يراسل أو يتصل بس أني چنت أتواصل ويا بنته ليناس وبعد وفاة حوراء صرت أقرب إنسانه إلها يوميه تتصل بيه ونظل نحچي ونسولف وما ضم عليه اي شي

لهذا اني هم صرت أحبها وربي يشهد عليه مثل بنتي وأعرف اخبار أبوها منها لأن أبو كرار وگفاته ويانه ما تنسي وأتمنى من الله يحفظه ويحمي أنسان محترم

الى ما بيوم بالليل تخربطت أمي وما نعرف المن نلجئ اتصلنه على أبو كرار وهو كالعاده ما يقصر أجى ونقلنه أمي للمستشفى

بس الله كتبلها الراحه توفت وراحت يم رب كريم
كمل كل شي أبو كرار وطلعنه من طلعت من يم المغيسل تفاجأت بوجود فرقد وتمام وسيف لأن شلون وصلهم الخبر في وقتها من طلعت الجنازه من المغيسل گمت اعيط وابچي

أتقرب عليه ابو كرار
وگال / صوتچ منا اصدقائي
بس الآصل من تقرب وحچى
گال بصوت أشبه بالهمس/ غطي صدرچ لان طالع وسيف عينه عليچ

اني ما منتبهه بس من نبهني أبو كرار يلا أنتبهت وغطيت صدري بعدها ما جبنه الجنازه للبيت وبعدين طلعنه للنجف وهاي يمكن اصغر جنازة يطلعون بيها ناس لان بس اني ودارين وسيف وتمام وفرقد وأبو كرار وبعد الدفن بالبدايه صعدت بالسياره بس گلبي ما انطاني احس بيها صيح عليه تگلي لا تعوفيني تعالي وين رايحه ارجعي

نزلت ركض وگعدت قريب على گبرها وأخذت حفنة تراب وظليت أبوس بالتراب واگلها اعذريني يا غالية ما گدرت أبعد عنچ الموت تأخرت بنقلي الچ للمستشفى سامحيني الله عليچ خاف بيوم أذيتچ او ضوجتچ وادعيلي انت هسه قريبه على رب العالمين واني اليوم أصلي الچ صلاة الوحشه والله يجعل قبرچ روضه من رياض الجنه

سمعت صوت ورايه
يگلي / كافي يارين الله يرحمها ادعيلها يلا أمشي
ترى هيچي تتعذب والله تبقى نفسها معلقه بيكم

گتله / احسها وكأنه أسمع صوتها تگلي وين رايحه وعايفتني

گال/ خاله نامي مرتاحه والله بناتچ دارين ويارين أمانه برگبتي ليوم الدين وخصوصًا يارين اذا طلبت مي عيوني انطي الها وما أقصر وياها ان شاء الله