عذريتي مقابل براءتي

البارت الثامن

                           لا تأتي تثبت حبك بمسح كرامتي تحت قدميك

                           تريد ان تحب           الحب

                             أخذ           و      عطاء

                             تضحيه        و     وفاء
    
                               سمع         و   طاعه

                               نقد         و   كلام

                               نقاش       و    حوار

دارين :من اجى الإتصال عافني  وراح شاف موبايله وجاوب  وهو  يباوع عليه مستغرب

كال -انت متاكد جابوا عدنا للمركز هسه جايكم وسد الموبايل .كالي كومي حضري هدومي

مال الدوام حضرتهن لبسهن وراح وعافني جسمي كله يوجعني من الضرب مالته ظليت أفكر

شلون ياربي راح أظل تحت رحمته لازم انهزم منه بس شلون انهزم منه وهو يقفل عليه

الباب ماكو غير بالليل من ينام أخذ المفتاح

فرقد -شسمك وليش قتلت موسى
اسمي معتز وهذا الولد الي قتلته يصير اخو صديقة أختي اني قبل فتره أختي

نتهمت بقضية قتل وأخته الي هي صديقة أختي صورة أختي من اجتي الشرطه أخذتها

ونشرته في وقتها بيتنه دكوا دكه عشائرية وانهزمنا اني وابويه واخوتي ابويه ما

طول وانطاك عمره بقينا مهزومين إلى أن أختي برئته المحكمه ورجعنا لبيتنا بس

هو كل ما يشوفنا اني او واحد من اخوتي يبسمرنا بالحجي على أختكم انهزمت 

ويا واحد ، واليوم من شافني يكلي شلون باقين بالمنطقة واختك انهزمت تعاركنا

والعالم كلها تشهد شلون يفشر على عرضي ويعيرني من دا اضربه  جنت اريد

اضربه على ظهره  بس الضربه جتي على رأسه وكتلته

فرقد -انت اعترفت وعليك شهود تبقى بس تنرفع محكمة عماد خلي الولد ياخذو للحجز

عماد -سيدي هاي ام هذا الولد واكفه يم نقيب عمار

فرقد - روح جيبها

عماد -تفضلي خاله مقدم فرقد يريد حضرتج

نقيب عمار -مثل ما وعدتج

اقترب على عماد -ها شو قلق ترى دا  احجي وياها طبيعي ما كو داعي للقلق

ام معتز -فدوه اروحلك سيدي ابني والله ظلم نفسه شراح يصير بي كالوا القضيه يمك

فرقد -خاله صحيح القضيه يمي بس هو أعترف واكو شهود عليه تبقى يم القاضي

نسمع صوت صراخ