عذريتي مقابل براءتي

البارت الثاني عشر

                       كالولي روح بعيد وانسى التريده 

                      كلت  البعد شيفيد موروحي بيده

                       كالولي عوفه أسبوع خل نستفزه
                    
                        كلت الدقيقه هواي يا ناس أعزه
                      
                        كالولي عوفه شبيك ما شايف انته
  
                        كلت العشيره تروح فدوه ضحكته 
 

يارين: بعد ما اعتذر مني عمار ورحت ويا لبيته طلب مني أعتذر من فاتن أول ما دخلت

شافتني ام عمار وحضنتني وكالت يا بذاته تعوفيني وترحين انتي صرتي بنتي يلا روحي

واعتذري من فاتن وطولي خلك

وبالفعل أخذني عمار ورحنا لغرفة فاتن أول ما شافتني كامت صيح وعمار يحاول يهديها

بس ماكو فايده مستمره بصراخ أخير شي

كاللها عمار كافي تعبت منج خبلتيني ارحميني ولج والله أتمنى اموت وأخلص منج

وعافنا وطلع

استلمتني الي على كل من وراج وانتي شمسويتله وشكو بينكم ما جاوبتها رحت ساعدتها

حتى اوديها للحمام شبعت منها تكفخ و  غلط إلى ان كملتها ورجعتها لغرفتها رحت ساعدت

ام عمار بالبيت والبنات واحنا نسوي غده

كالت ام عمار :اكلج انتي طلكتي 

كتلها لا والله خاله بعدني اني رافعه قضيه طلاك  بغداد عليه  وهو رافعها عليه بأربيل

ضحكت وكالت خوش حتى تطلكون مرتين

كتلها والله خاله محد كسر ظهري بس جهالي وحتى ما أكدر أروح لاربيل أمي وين اعوفها

وفلوس ما عندي ومنو يروح ويايه

كالت اكلج اريد انصحج بشي

كتلها ياريت اذا شي يفيدني انصحيني

كالت انتي بعدج صغيره وحلوه من تطلكين العالم ما راح تعوفج وراح صيرين فريسه للما يخافون
من الله وراح  يطمع بيج كل رجال يشوفج

ليش ما تحاولين تغرين عمار وتخلي يزوجج

كتلها خاله تحجين صدك شلون أسوي ويا هيجي وهو ساعدني اعذريني ما اكدر

كملنا الغده حدود الظهر واني بعدني بالمطبخ

وأسمع عياط ام عمار رحت اركض والله ما اعرف شلون وصلت يمها لكيتها ادك وتلطم على

وجهه وطلعت تركض من غرفتها وراها بنات عمار وخطيه تريد تطلع للشارع بدون عبايه

وشحاطه واكفه بنص الكراج وتعيط والناس تجمعت علينا واني أسألها  شبيج خاله