عذريتي مقابل براءتي

البارت هديه بمناسبة 4 مليون

من لا يراني نوراً في عينيه
لا اراه تراباً تحت قدمي
قل ما شئت في مسبة عرضي
فالسكوت عن اللئيم جواب
لست عديمة الجواب
ولكن الأسد لا يرد على الكلاب
يارين / بعد ما رحنه على بيت حوراء وصارت عركه مال ام حياة وانتهت بدفعت دارين لأم حياة
وأكثر الأحيان الآنسان يصير ويا اشياء خارج عن سيطرته وكل انسان ما يگدر يخمن المقابيله شنو الي يمر ويا بموقف راح يكون بوقتها ام حياة گامت تعيط احنه ما فهمنه شبيها رجعنه للبيت بالليل اكو رقم يراسلني على الواتساب ويرسل رسائل واني ما اجاوبه الى ما صارت الساعه 2 رسلي رسالة يگلي جاوبي يارين أريد احچي وياچ أني بصراحه تفاجأت هذا منو وخمنت أنه يكون يا عمار او ماهر واني ما اگدر اجاوب لان بس غرفه وكلنه بيها لهذا طلعت بره للگراج وجاوبته بس الصوت غريب يعني لا صوت ماهر ولا صوت عمار
گتله / انت منو

گال / ما عرفتيني اني سيف أبن شيخ شاهين
گتله/ اي تفضل شتريد متصل بيه بهذا الليل
گال / يارين اني احبچ واريدچ
گتله / رحمه لأهلك هاي السوالف التعبانه خلي تولي اطلعلي بالنظيف شتريد

گال / والله وناقص غيره إلي يريد يدور وياچ شي مو زين اني اريدچ على سنة الله ورسوله وازوجچ هنا بغداد واخذلچ مشتمل بسمچ ضمان الچ واني اكثر الاوقات راح اكون بيها يمچ لأن شغلي كله بغداد

گتله / سيف اني بعدني مزوجه وزوجي عمار وحامل ما بقى شي راح أولد شلون ازوج واني مزوجه

گال / اني اخلصچ من عمار اذا ضمنت موافقتچ على زواجنه وطفلچ أقسم بالله أسجله بسمي واعامله مثل أبني

گتله/ اعذرني ما أگدر أقبل بعرضك انت مثل اخويه

گال / هذا رقمي وفكري وشوكت ما تقررين تقبلين بعرضي اتصلي بيه وأني راح أبقى أتواصل وياچ واطمئن عليچ وشتحتاجين أني حاضر

وغلق الخط ويايه دخلت واني متعجبه على سيف وعلى تصرفه
الى ثاني اجتي الشرطه على دارين إتصلت بسيف

گال / هسه مسافة الطريق دقايق يمچ
ومن أجى وحچى ويايه وگلي دخلي جوه
أنتبهت على أبو كرار گبل خزره وخزرني وتعجب شلون سيف يگلي هيچي

لهذا من ردت رقم فرقد انطاني الموبايل وهو مركز نظره بعيوني بحيث تعجبت شبي ابو كرار هو أصلًا ما إله شغل بيه من إتصلت دارين بفرقد صارت هوايه أمور ما كانت بالحسبان بيومها أنتقلت آني وامي وأطفالي لبيتنه الجديدواحنه عدنه أمل عتبته تكون خير علينه بعد ما انتقلنه

صار وكت المحكمه وعمار ما أجى للمحكمه لهذا قرر القاضي انه يتم استدعاء عمار واخذ عينه منه الى ان يتم ولادة الطفل ويطابقون بين عيناتهم وفي حال ما حضر عمار يتم نسب الطفل الى عمار وملزم يدفع نفقه للطفل وما اله عمار حق يصرف بأمواله المنقوله والغير منقوله الا يطلع حصه للطفل لهذا اني هذا الحال ضمنت حقوق الطفل من زاويه