عذريتي مقابل براءتي

البارت التاسع عشر

روحي عقلت واختلف قانونها

العشرة الا تعب بلاها ودونها

وياك كلش صار باهت لونها

ما تقدر غيرك يقدرونها

منك آنه شحصلت غير المرار

ودمعة عيوني وسواد جفونها

وحرك أعصاب وسهر شاتذكر اف

طلعتها وياي من ماعونها

دارين - بعد ما بلغني أنه يوم الخميس يأخذني أعيش بيت أهله وهذا شي راعبني لأن اني

ما أتحمل اشوفه هو وزوجته قررت أخذ منه موقف وأرفض وما أسمحله مو اني يحترك دمي

وهو متونس مزوج أثنين وبالفعل اجى من دوامه

شافني كاعده عبر من يمي ولا كأنه شافني رحت ورا للغرفه

كتله شوف فرقد اني ما أروح لأهلك واعيش وياهم لو تذبحني

كال - اني ما أخذ رأيج تعيشين يم أهلي وانتي الممنونه فهمتي من تولدين الله وياج

تقربت عليه حاوطت ركبته قربت وجهي عليه ردت أبوسه خله ايده كدام وجهي

وكال -لا تخلين ايدج عليه واستحي شويه شبيج متكدرين إلا بحضن رجال يلا ترتاحين

كتله شوف اي مو انت شوف العالم كلها حيوانات بس تفكر بهذا الشي مثلك

اجى يريد يضربني بس بعد ايده عني

وكال -آخر كلام عندي حضري نفسج يوم الخميس

يارين - تفاجأت من وجود عمار تقدم علينا سلم

وكال - شعدكم هنا وشجمعكم

كاله ماهر اني أجيت اوصل يارين لبيتهم

كاله ويارين شجابه للمول وهي فكر بنت فكر

كاله ماهر -لا مو اني توسطة إلها وشغلته هنا لأن صاحب المول صاحبي

عمار باوع عليه بنظره حاده وكال ها يعني صرتوا معرفه

جرني عمار من أيدي قوي وكاله بلغ صاحبك هاي الساقطه بعد متجي

ويسحل بيه لسيارته أجر أيدي منه بس هو أقوى مني وصلني لسياره شفت بناته مكعدهن

بالكراسي الخلفيه صعدني ومن صعد ضربني وكرصني قوي من زندي

وبدا بالغلط والله سمعت منه حجي ابد ما سامعه مثله بحياتي رجعني للبيت نزلت وهو شخط

سيارته وراح

طبيت للبيت صدك صعبت عليه نفسي خلصت من علاء الله سلط عليه عمار نجنيت شلون أبرر

موقفي لماهر الي بديت احبه خصوصآ اني ابد ما حبيت قبل ابد