عذريتي مقابل براءتي

البارت الثاني عشر

لا تسمح لأحد ان يعاملك

بمشاعر مؤقته ترتبط بمزاجه

يقترب منك حين يحتاجك ويغيب

عنك حين تحتاج أليه والمشاعر الصادقه

ليس أثوابآ نرتديها ونلقيها كما نشاء

يارين - من ام ماهر جبرتني أطلع على عمار وهذا إلي ويا من طلعت شفت عمار هذا أعرفه بس
إلي ويا ما أعرفه او بالأحرى ما أذكر وين شايفته   أول ما شافني خنكني وهو

يكول - وين دارين

اني ظليت متفاجأه مر وقت طويل على أختفاء دارين واصلآ ماكو أحد يعرف هي وين هسه

هذا منو إلي جاي يسأل عليها

أريد أوخر أيده حتى بس أتنفس ما أكدر أدفع بيده وهو أيده حديد محكم قبضة أيده على ركبتي

وكفت سيارة أبو ماهر بذاك الوقت وهو شاف هذا يخنك بيه ونزل من سيارته يركض وأجى

يجر بي حتى يعوفني وعمار هم يجر بي وبالكوه يلا خلصوني منه

هناك وذكرت هذا الضابط إلي بالمركز ويا عمار واسمه فرقد بس إلي عجبني شنو علاقته

بدارين وليش جاي يسأل عليها بعد 3 سنوات من أختفائها

وهو من خلصوني منه ظل يصيح بعلو صوته دارين وين يلا كولي دارين وين هسه أحرك

البيت على راسكم طلعوا دارين

أما اني من تحررت ركبتي من قبضة أيده وتنفست هوه الله كمت أكح  والناس ألتمت علينه

وكلها تسأل شكو

وهو من العصبيه مالته ما يعرف شيحجي مره يسب ويغلط ومره يهدد وكوه أبو ماهر سكته

حتى يفهم منه بس بهذاك الوقت أجى ماهر  وشاف الهوسه ما خطر على باله أنه هذا فرقد

جاي يسأل على دارين ماهر هجم على عمار ويضرب بي بوكسات وهذاك يرد أله الأ ما الناس

أدخلت الناس بينهم وفرقتهم

وأبو ماهر يسأل بفرقد ويكله أبني بس كلنه شكو وليش هاجم على بيتنه

وفرقد يصيح - خلي تطلع دارين جيبوها

وأبو ماهر يكله - منو دارين احنه بس هاي يارين موجوده عدنه انت عليمن تحجي

وفرقد يصيح - لج دارين والله بس توكعين بيدي إلا موتج يصير على أيدي

صعدوا بسياراتهم وراحوا

دخلوا ماهر وأبوه وما أكول على الحفله إلي صارت بالبيت

وأبو ماهر يدعي على ماهر ويكله الله لا ينطيك فضحتنه بمصايبك وين ماكو وحده زباله

جيبها لك هسه باجر الله يعلم الناس شتكول والعالم سمعت اكو وحده مهزومه وهي الناس