عذريتي مقابل براءتي

البارت الثاني

يجي وكت العتب وتعاتب وياك

وأخليهن أكبالك وحده وحده

اجرح بالعتب ما أجرح بسيف

لأن جرح العتب محد يضمده

مو كتلك ترى هالدنيا دولاب

اذا فترت عكس حيلك تهدمه

  باجر من تضوك الدمعه والأه  

تجي دور محب وتريد سده  

واكلك هذا حدك لا تصل للباب

واذكرك من جنت بابك سده 

يارين -  بعد ما رجعت للبيت ويا عمار واني حايره شلون راح اكول لأمي على هشام نزلت من

سيارة عمار شفت ماهر واكف بالباب مالتنه هو شاف عمار لو تخبل ظل يتبادل النظرات ويا

عماراني وصلت يمه اريد ادخل جوه

كال ماهر - ما شاء الله مضيعين وقت يلا تلحكين تلكين واحد يصرف عليج قبل ما اذبكم بالشارع

ما حجيت ويا شي عبرت من يمه دخلت واني اكول ماهر شكد فقد ثقته صار ما يهمه وين

جنت بكد ما يهمه ويامن جنت  دخلت لكيت أمي مفرفحه كد ما تبجي وتلطم دخل عمار وماهر

ورايه واني حايره شلون ابدي بالموضوع ظليت بس ابجي وهي تباوع عليه

وتسألني شبيج وين رحتي ما عرفتي شي على هشام ولج والله نهد حيلي وين راح هذا الطفل

خاف اجتي امه خطفته بس ليش جان اجتي كالت اريد ابني ليش تحرك كلبنه بي

والله من الصبح ادك عليها وما ترد عليه دزيتلها رساله بلكت شوفها وترد عليه وتكلي

هشام يمي والله إلا أروح للكاظم سلام الله عليه مشي

ظلينه اني وعمار واحد يباوع على الثاني ردت اكول ألها بس عمار سبقني

كال - خاله أن شاء الله يوصل خبر عنه خلال هل يومين ويرتاح كلبج 

وماهر واكف يباوع علينه طلع عمار بالكراج وصاح عليه طلعت ورا

كال عمار - لا تكولين إلها هسه من نريد نجيب الجثه نكول إلها

كتله - وشوكت  ينطون الجثه

بعده ما مجاوبني

كال - ماهر يا جثه

اريد اجاوبه كال عمار لماهر  - اخويه بلا زحمه انت شنو صلتك بيهم وتدخل شو تدخل كأنه

واحد من العائله

كاله ماهر - انت هم ما فهمتنه شنو صلتك بيهم من ماخذها وتفتر بيها ولهسه يلا اجيتوا