على غيرك جذب ما ترهم الروح
ومنو غيرك يسد حاجة نضرنه
بين الناس غيرك ماكو موضوع
وتطير الروح لو شخصك ذكرنه
نسولف بيك لآخر لحظه بالليل
وترد من الصبح تشغل فكرنه
يا روح الكلب يا عزة الروح
يا دمعاتنه وهمنه وسهرنهمنين نجيب مثلك حتى ننساك
ومنو غيرك يعوض لو خسرنه
دارين - بعد ما دخلت حياة وانطتني الموبايل من حجيت اني خليت الموبايل على أذني
والله جنت أظن أنه اتصال ما جنت اعرف أنه اتصال كاميرا ومن جاوبني وكلي فدوه لخالتج
أنتظر حبي بعدت الموبايل عن أذني واني متعجبه بس أجانب صوت هز أركان الغرفه
ويصبح هذا الموبايل منين ويا منو تحجين الله اليشهد لو عزرائيل جاي يقبض روحي ولا
فرقد إلي جر الموبايل من أيدي اول مفاجئه جان اتصال كاميرا
والمفاجأه الثانيه أنه إلي الاتصال ويا شخص محد جان متوقعه وهو طارق وجان بفانيله تعلاكه
وهو شاف فرقد وذاك تخبل وبسرعه غلق الخط
وجانت حصة الأسد إلي بسرعه اجى فرقد خنكني ويا الحايط
وهو يكول - لج كح..... رجعتي النشاطج القديم رجعتي لمكالمات الفيديو حنيتي للكو...
منين جبتي الموبايل
أريد احجي ما اكدر واني ارافس جوه ايده أريده بس يعوفني عاف ركبتي ولزم راسي
ويضرب بي بالحايط
ويلكي من هيجي تريدين موبايل وشقه حتى الكوا .....صير على راحتج والكوا ..... مالتج
ميدري
نزع حزام مال الدوام بده يضرب بيه وكعد ابني يصرخ ويبجي ويباوع عليه كمت ركضت
وحضنت ابني وهو كأنه كل شي ما يشوف كدامه لازمني من شعري ويسحل بيه بالغرفه
واني حضنه ابني بكل قوتي أريد أدخله بصدري
ترك شعري واجى جر ابني مني وطلع فتح باب الغرفه وصاح على قمر من اجتي
يكول ألها - أخذي هذا يمج
ورجع عليه ويكلي هذا الموبايل منين جبتي
كتله - والله حياة انطتنيا وكالت خالتي تكول هاي صديقتي انطيها رقم الدكتوره والله فرقد
أنت تقرأ
عذريتي مقابل براءتي
ChickLitتحكي فتاة تقع فريسة سهله بين يدي وحوش البشر فتساومم على أغلى شيء تملكه لتصبح سجينة مساومها فهل إلى الخلاص من سبيل ام ستكون تدفع ثمن اغلاط الماضي وتكون رهينة الحاضر