عذريتي مقابل براءتي

البارت السادس

اريد أعتب عليك بكلمة أعتاب

و اريدك تفهم عتاب اليحبك

روحي بنار ظلت والكلب ذاب

وانت بلا محنه وناسي حبك

اناطر بيك وحدي وعيني على الباب 

وادموعي الحزينه تحتاجي دربك

ليش تغيب وشنهو الأسباب 

ما معقوله هلكد قاسي كلبك

دارين - اجينه من الدكتور اني وحوراء من دخلنه ماكو احد تعجبنه رحنه لغرفة عمتي لكيناها

نايمه كالت حوراء خلي أروح اسأل قمر واني وراها سألتها

كالت قمر راحوا ويا منتهى لدكتوره لأن منتهى ذب من راسها

  بعد ما سمعت قمر كالت منتهى ذب من راسها تخبلت طلعت حوراء وشافتني وعرفت

إني سمعت كتلها والله اليوم إلا احرك الدنيا فوك راسه ورأس منتهى

إني أمشي وهي ورايه وتكلي ولج انتي شكد وكحه ولا صيرلج جاره راح تعمين على نفسج

عفتها وصعدت فوك بدلت  إلي ولأبني واني شايطه أحس شياطين الدنيا تركص كدامي وعندي

طاقه سلبيه وإذا ألزم منتهى اكطعها أما فرقد إذا ادفنه هو وحي ما أرتاح نزلت لكيت

حوراء بغرفة عمتي ومكعدتها ويسولفن دخلت عليهن مثل الإعصار الهايج

وكتلها لعمتي - هسه ارتاحيتن من حبلت منتهى أن شاء الله لا يوفقجن وتطلع حوبتي بيجن

وعمتي تسأل وتكول يا يا منين جبتي هذا الحجي ومنو كال منتهى حبله اصبري خل نفهم

وبعدين طلعي عضلاتج علينه وبعدين إذا حبلت شكو بيها غير هو رجلها

مو كالت هيجي كأنه ذبت البانزين على النار هسترتني اكو يمي طبله عليها غراض وأدوية

كلهن شمرتهن واني اعيط واكول لعمتي خابري لأبنج وكوليله دارين اليوم تحرك البيت على

راسك
وعمتي ظلت تغلط عليه على انتي ريحة التربيه ما شايفه وشلون تغلطين على ابني كدامي

واليوم يجي ويشوف صرفه للسانج هي بعدها تغلط واني بعدني بنوبة الخبال مالتي

دخلن الثنائي منتهى وحياة وفرقد ماخذ ابن سنان وسما يشتريلهم

سألت وين جنتن

كالت - حياة يم الدكتوره لأن منتهى تخربطت وديناها

سألت عمتي منتهى كالت لج منتهى انتي صدك حامل  

كالت منتهى - ما اعرف عمه سويت تحليل ويكولون بعده ما مبين