عذريتي مقابل براءتي

البارت الحادي عشر

خسران يا لعفت                                   ما تكلي مثلي بعد

ولا الكى مثلك بشر                               وكل شي بغيابك ذبل 

من عشرتك ما بقى                                  بس الدمع والجرح

ولياليك بعد  لا تجي                              وعيونك أضمك بين الدرب للصبح  

دارين ؛ظليت الليل كله أفكر شلون أسقط الطفل وهو نايم يمي اباوع عليه واكول لنفسي

شلون انتقم منك والله إلا احرك روحك مثل حركت روحي وغتصبتني وخليتني تحت رحمتك

تضرب وتغلط وتعير والله إلا اخليك تندم يوم الدنت نفسك عليه

نمت نوم متقطع أحلم بكوابيس ما اعرف شوكت ثكل نومي ما كعدت إلا الساعه ب9 ثاني يوم

ماكو رايح كعدت لعبان نفس قوي بحيث لازمه الحمام بس أتقيأ

تعبت ظليت أفكر شلون أمي جانت تكول من حبلت بدارين جنت شكو شي ثكيل اشيله ومن فوك

الدرج اكمز حتى يصير عدها نزيف وشلون ألمي الدافئ وبي حراره وتسبح بي

هم يسوي إسقاط

اني في وقتها نعمى على عيني جان همي احرك كلب فرقد وبالفعل اول شي سويته

رحت للمطبخ وكل شويه اشيل القنينه مال الغاز وارجعها بعدها رجعت للغرفه النوم

حتى بعيد عن الكاميرا الي بالصاله وكل ساع أصعد على السرير واكمز حتى تعبت

وما شفت دم نزل عليه بس اكو وجع بطني قوي يروح ويرجع وبقيت ارتاح وارجع

اعيد المحاولات إلى ساعه ب 2 الظهر صار وجع قوي بعد ما كدرت أتحمل الوجع

والدم غرك ملابسي  ظليت ألوب من الوجع وكأن عدالة الله بالمرصاد الوجع

صار قوي يكطع بيه والله بدون مبالغه كمت أتمرغل بالكاع

يارين :هذا اليوم جان تعارف بيت عمار ثاني يوم أبدي يمهم بالشغل رجعني بعد ما

انطاني مبلغ من الحساب وكلي اندليتي لو أظل فتره اوديج واجيبج

كتله والله سيدي بعدني ما أندليت إذا مصير زحمه عليك توديني وجيبني فتره

بس أندل الطريق اني اكوم أروح وارجع وحدي

كال بس لازم من الصبح يعني ب 6 أجي اخذج لأن اني عندي دوام

كتله تمام ب 6 اني جاهزه وصلني للبيت أول ما وصلت ونزلت شفت رؤى

تسولف ويا أمي هي شافتني وظلت تباوع على نقيب عمار وهو نزل سلم على أمي

وراح واني ما سلمت على رؤى عبرتها من دا أدخل جان

رؤى تكول  عيني بعدج ما طلكتي شبيج مفلفله على الرجال مثل ذيج اختج انداريت عليها