عذريتي مقابل براءتي

البارت الثامن عشر

اني ابيض كلب ولساني لسان

وأذم كل من مشى وياي مكلوب 

حسبالي صدك صحباني أحباب

شمدريني دغش مليانه الكلوب

شكثر صاحوا هلا  بجيتك  يا بو فلان

وهسه بس أجي تتقفل البوب

كل ساعه جرح كل ساعه نيشان

جرح يجرح جرح بس اني ما أتوب

يارين - بعد ما انتقلت لبيت ام كرار مرت أيام على وجودي يمها وأخذتني لدكتوره هي وأبو

كرار من دخلنه على الدكتوره وشرحتلها الوضع

كالت الدكتوره - روحي نامي حبيبتي على السديه خلي أشوف العلاج الي أخذتي شنو إلي

سببه من أضرار

نمت على السديه واجتي خلت جل وهي تمشي الماوس على بطني وأم كرار يمها

كالت الدكتوره - والله هذا الطفل كدامي بصحه جيده بس الأضرار فيما بعد الولاده صير بالرحم

كالت ام كرار لدكتوره - يعني شلون بالرحم دكتوره

كالت - هذا العلاج اذا  ما نزل الطفل يسوي  نزيف بعد الولاده وما يتوقف لهذا تضطر الدكتوره

تستأصل الرحم

من كالت الدكتوره هذا الكلام أحس  روحي تنازع  لان حتى صحتي ما ربحتها شريد أخسر بعد

أكثر من الي خسرته

كتبت الدكتوره العلاج وطلعنه من يمها ورجعنه على البيت بس أبجي

وأبو كرار يكول   - بنتي كولي يالله هسه انتي بعدج بالبدايه ماكو واحد يعرف باجر شيصير

كالت ام كرار - بس أريد اعرف شنو من حظ عدجن انتي ودارين هي هم المسكينه خسرت

كليتها

كتلها - على أمي شلون  عدها   حتى احنه شو جبناها كله الدنيا تلطم بينه  شوكت الله يرحمنه

ما نعرف

وصلنه لبيت ام كرار شفت جهالي وشهد بنت معتز يلعبون وبنت ام كرار يمهم والله ينكسر

كلبي عليهم واكول يا ربي تخلي حظهم احسن من حظي لأن احيانآ الطفل  مو إلا أمه وأبو

يموتون  حتى نكول عليهم آيتام هذوله الجهال احنه موجودين بالدنيا وهم آيتام اخذتهم للغرفه

من دخلنه  وأسأل نفسي هذوله الجهال هم الهم مستقبل بعدني صافنه ندك الباب  ودخلت

ام كرار من شافتني كالت - يمعوده لا تفكرين ربج يحلها صدكي الله يرحم بعبده