عذريتي مقابل براءتي

مقتطفات عن حياتهم

بقلم الكاتبة الزهيريه الزهيريه

نفذت وعدي وياكم

قد تعيد الأيام نفسها
ولكنها لا تعيد ما اخذته منا

دارين / طبعًا حياتي واني بعيده عن فرقد اكذب اذا اگول مرتاحة يا راحة تجيني واني بعيده عن ابني وحب وحياتي فرقد شگد شفت اذيه ومذله على يده بس حبه ما ينتزع من گلبي ابد وهو بعد ما هداني المحبس وطلب مني الموافقة ولان آني اعرف فرقد عز المعرفة الحياة ويا مستحيلة  عندي موضوع ارجع ويه فرقد كلش بعيد عن تفكيري

لهذا من رجعت لبيت آم بشير وبلغت يارين بكلام فرقد
يارين / والله دارين اني بعد ما أدخل أبد إنتي تردين ترجعين اله رجعي ما تردين حاولي تأسسين حياتچ وما اگلچ أنسي لان مستحيل تنسي لان ابنچ عنده ودائمًا تلتقون لهذا نسيانه صعب بس تناسي أفضل الچ بصراحة الحياة ويا مستحيلة

بصراحة يارين اختصرت عليه هواي من التفكير لهذا قررت انه ما أفكر بفرقد نهائيًا والتفت النفسي ولمستقبلي وحياتي الماضية ويه فرقد اشمرها وره ظهري واني بعد ما نجحت بثالث متوسط  قررت اقدم على السادس إعدادي خارجي وأدرس أفضل الي وبروقي هو بعد يم أبو واني اعرف فرقد بروقي يصعد وينزل عنده ويه النفس وبعدها گام فرقد هو يجيب بروقي اليه بين يوم ويوم وحتى يتوسل نرجع

بعدها تقريبًا ظلينه شهرين وگامت تردد على آم بشير بنت أخوها ودائمًا يجي وياها زوجها واثنينهم يطلعون أعمارهم بالأربعين او أكثر الله اليعلم وكل ما تجي تسممنه بالحچي على شنو انتن هنا قابل احنه فاتحين بيت عمتي تكيه احنه نريد بس وحده تخدمها مو جايات انتن اثنينكم ووياكم طفل يزعج عمتي عيني ما يصير هيچي وعلى هذا المنوال سمم بدنه وتروح

بعدها صارت ظاهرة ثانية وهي زوجها يجي وحده ويگعد بالصالة ويبقى عينه علينه اني ويارين بالطابه والطالعه بحيث صرنه نخاف منه وشكينا لبنت آم بشير وهي أصلًا مسافره خارج العراق بالبداية گالت هسه اني اگطع رجله من البيت شو بعدها صارت بنت اخوها لام بشير تگول عيني معليچن بسهام بنت عمتي هي مسافرة اني هنا بمكانها وانتن اثنين احنه نريد بس وحده يعني الثانيه التگعد والطفل هذا الي وياچن يدفعون إيجار بدل گعدتهم عدنه ورجعت يارين خابرت سهام بنت الحجيه ام بشير وگالت الها كلام بنت خالها
گالت سهام /عيني شتگول صفيه بنت خالي آني موافقه عليه لآن هي بمكاني

لهذا چان لابد نشوف النه مكان نستأجره وبالفعل دورنه مشتمل صغير ولگينه وهو على گد حالنه وصارت يارين تروح لبيت ام بشير الصبح وترجع المغرب واني ادرس خصوصي بالبيت ويايه ابن يارين وبيوم گاعده الظهر وندگت الباب طلعت لگيته تمام سلم عليه وكالعاده عيونه ونبرت صوته فاضحته
تمام/ دارين نگطع گلبي لما عرفت العنوان والله حيلي نهد گلت خلاص بعد ما أكحل عيوني بشوفة وجه دارين