عذريتي مقابل براءتي

البارت عشرون

الشك عندج طبع والغيره حرفه

أظنها وياج ما ترسى على ضفه

وحقج انتي انتي وما تغيرين

الميت ميتي واعرفه استجواب من الصبح لليل

و التحقيق موزون ومقفه ألو وين انت ومتجه وين

ها مخنوك وتريد تتنفه  يعني لوحدك لو احد وياك  

ومنو لاكك صدفه

ملازم اول عماد - بعد ما  عمار بدأ يلمح بتهديد فرقد

كاله فرقد - ما فهمت شنو قصدك

كاله عمار - شوف هذا التصوير

شافه التصوير فرقد وكام يضحك كاله عجيبه اني مزوجها وبيتي وراح يجيني منها ولد

بس الدور عليك يا شريف لمن مزوج يارين وما تنطي اي حق إلها هاي شسميها

كال عمار -ماكو اي شي يثبت أنه اني مزوجها يعني هذا كلام ما ينخذ بي

كاله فرقد -لا عمار ينخذ بي لمن أروح للمستشفى وافتح موضوع إصابة يارين

على أيد زوجتك الأولى واسجنها ساعتها نشوف راح ينخذ بالحجي لو لا

كال عمار - مقدم فرقد نكدر نتفق

فرقد - على شنو نتفق نقيب عمار قبل شويه جنت تحجي بحيل صدر 

كال عمار - سيدي اني أمسح الفيديو الي يمي وانت أنسى قضية يارين

فرقد   - عفيه هذا احسن سياسه نمشي عليها طمطملي وأطمطملك  زين وإذا نفتح موضوع

دارين انت المسؤول كدامي وساعتها وحق جلال الله ما ارحمك

يارين ،- بعدما طلعت من يم مقدم فرقد ظلمت الدنيا بعيني وين أروح والمن اشتكي واني ما

عندي أحد  امشي ما اعرف المن اكول على عمار واخلص منه شفت الساعه بعدها ما واصله

10 أتصلت بماهر أكثر من مره دك يلا

جاوب -هلو حبيبتي يارين

جاوبته واني ابجي - ماهر اني محتاجتك وما اكدر أظل اذا ما أسمع صوتك لأن انت تحسسني

بلأمان

كال -يارين انتي وين يروحي اني هسه بالدوام والله بس يخلص دوامي اني يمج بالمول

كتله -أنتظرك

رجعت للبيت حتى أبدل ملابسي واروح للمول وقررت اكول لماهر على عمار حتى يخلصني   

منه حضرت نفسي ورحت على المول خلص نهاري بين الزبائن والترتيب أنتبهت على ولد

كل ساع يدخل يعامل ويطلع بدون ما يشتري وعينه عليه خلصت دوامي من طلعت

من الباب الرئيسي صار هذا الولد الي يعامل وما يشتري تقدم عليه