عذريتي مقابل براءتي

البارت الرابع عشر

                    حسباله يجيني الخبر وانهار
              
                                                سبع سنين اظل عايش الصدمه
  

                    أمشي أعلى البحر اكضيهه صفنات

                                                         أحب شي اسمه الكمر وتحبني  نجمه

                        وأشخبط عالرمل وابنيله تمثال 

                                                        وظل ابجي وتجيني الروجه وتهدمه

دارين :بعد ما حجى بالموبايل الي فهمته أنه الموضوع يخص امه خله وبدل وطلع

بقيت ألوب من وجع جسمي كمت سبحت ورجعت انتبهت على الساعه حدود 11

بقيت أفكر هسه راح يم مرته واليوم أكيد يبات هناك هسه حجت ويا باسته حضنته

أفكار سوده مسيطره عليه والغيره تاكل بيه زين هو ليش أزوجني زين يا هي الأحسن

اني لو هي والله أحس تفكيري انشل وقررت بس يجي اتعارك ويا

العجيبه من عرفته مزوج من يروح أظل قلقه والغيره تاكل بيه ومن يرجع أكرهه

واريد بس اتعارك ويا  نمت نوم متقطع وكل ساع افز عبالي اجى بس ماكو ما موجود

نمت وجه الفجر وكعدت ب1 الظهر وهو ما موجود كمت أحس روحي ميته جوع

أكلت وسبحت وحضرت نفسي للعركه بس ماكو عبر العصر والمغرب وهو ماكو

ما دخل للشقه إلا ب 9 بالليل

اول ما طب اشتغل عندي الحس البوليسي

كتله -هاي شنو انت رحت مدني ورجعت بملابس الدوام وين بدلت

باوع عليه وكال - وعليكم السلام

كتله أكلك هاي السوالف عوفها سألت جاوب عليه

كال -الصبر يا ربي بابا شبيج خبله انتي كل ساع وطالعه بسالفه

كتله -وين بدلت

كال وين  غير بيت أهلي

كتله -بيت أهلك لو يم زوجتك

ما رد عليه وطب لغرفة النوم  يبدل اول ما نزع الزي الدوام

عطت هاي شنو

باوع عليه مستغرب وكال شكو

كتله هاي وين مغير ملابسك الداخليه

كال -والقرآن إذا انتي صاحيه أطلع اني الي مخبل لج بابا مو كتلج يم أهلي سبحت الصبح

وبدلت 

كتله وليش سبحت

تأفأف وكال اني متعود أسبح أكثر من مره وقبل ما أروح اسبح وملابسي مكويه