عذريتي مقابل براءتي

البارت الثالث عشر

يارين - من ما ظل وقت رجعت للبيت وقررت ثاني يوم هم أروح على بيت فرقد ظليت كاعده

بالغرفه كلت اذا أطلع هسه تكول من سويت الغده طلعت أحسن شي أبقى أنتظر من أسمع

صوت ماهر أطلع بقيت نايمه بمكاني ومن التعب والسهر مال الليل غفيت ما حسيت إلا لمن

ندك الباب كمت فتحت الباب وجان ماهر

كال - شبيج حابسه روحج بالغرفه ليش مطلعتي وعازله روحج يلا بسرعه أطلعي

عافني وراح طلعت غسلت وجهي رحت للصاله كلهم كاعدين

كال ماهر - يلا روحي سوي أكل وأكلي

كالت أمه - وهي منو لازم الأكل عليها بس هي دور حجج اليوم من الصبح سوت عركه

وراحت دخلت لغرفتها وهاي هسه شفناها

محد علق ولا أحد حجى دخلت للمطبخ سويت أكل من كعدت آكل أجى ماهر حسيت اكو شي

عنده يريد يكوله بس ما يعرف شلون يبدي بالموضوع يفتر على راسي يروح للثلاجه ويرجع

لباب المطبخ يوكف يمه وهكذا واني أراقبه أريد اعرف شبي خلصت أكل

وهو كال - بلا زحمه عليج سويلي جاي وياج وجيبي ألي

رجع راح للصاله كملت الجاي ورحت أنطيته أله

كال ماهر - اكلكم منو ماخذ فلوس من محفظتي فلوسي ناقصه

كالت أمه - اي هاي موده جديده شتترجى من واحد يجيب وحده من الشارع

كال ماهر - انتي بس تردين حجه حتى تحجين عليها

رجعت جاوبته أمه - والله حظ حتى ما يقبل واحد يحجي عليها العفيفه الشريفه هو انت منو

داخل غرفتك بس هي

وهو هم باوع عليه بشك أحس كأنه يكولي أنتي ماخذتهن نظراته كلها شك ارتبكت واحس

الجاي راح يوكع من أيدي بس أظاهرت بالقوه

وقررت أخذ رأيه اذا يخليني أروح لبيت فرقد اذا كال اي احجيله بصراحه أنه أني أخذت الفلوس

ورحت لبيت عمار وإذا كال لا أسكت وأكمل وحدي بدون ما يدري ظليت شلون التطلك أريد بس

أحجي ويا لليل ورا العشى يلا

كتله - ماهر أريد احجي وياك

كال - تعالي للحديقه وحتى نحجي

طلع ورحت ورا للحديقه

كال - شوفي يارين مره ثانيه بعد لا دخلين لغرفتي من اني موجود ومن اني ما موجود

كتله - تأمر بس عندي وياك موضوع مهم واريد احجي وياك بي وهو اختي دارين

كال - شبيها مو كتلج اني بطريقتي راح أسوي بحث عنها