عذريتي مقابل براءتي

البارت الخامس عشر والاخير

يا كسراً لم يجبر
يا فقداً لم يعوض
يا حزن قلبي
يا روحي الي راحت معك
يا فرحي الذي لم يكمل
يارين/ اي شي بالدنيا بي تعب بس المشكله هذا التعب شنو يجي وشنو نحصل منه وأكثر شي متعب بالحياة هو حظك لمن يكون الحظ ضدك ساعتها تركض ركض الوحوش غير رزقك ما تحوش أني أي شي صار ويايه يكون نتيجته تفكيري الخاطئ من طلعت للشقة وشفت دارين وبوست أبني حبيبي  بعدني حاضنته دگ الموبايل يم دارين
گالت / هاي رقم مسجله عليه فاتن صار 3 أيام تتصل وما اجاوبها

اخذته منها أول ما فتحت خط اجاني صوت وهي تبچي
وتگلي عمار مات

ظليت صافنه شنو عمار عفية بشر ما يقهرك بس الموت
سديت الخط وياها وآني اريد اجمع الحچي الي گالته فاتن ما دى اصدگ أنه مات ردت أتأكد وأشوف صح مات واذا مات
وأبني وآني متاكده هو يمه أروح عسى الگى أبني  واجيبه وأرجع

ظلت دارين تسال هاي منو ماجاوبتها بس أبالي شي واحد أنه أني عمار مات اخذت فلوس من دارين ونزلت من الشقه أركض وأخذت اول تكسي وعلى بيت عمار مباشرتآ وصلت لگيت الباب الرئيسي مفتوح وأكو هوايه ناس

دخلت شفت فاتن وساره لابسات أسود وموتات نفسهن بچي تقربت على فاتن
وگتلها/ الله عليچ فاتن أبني وين اخذه عمار وشسوه بي

گالت/ بعدين مو وكتها
لحيت وياها بس ما قبلت تحچي اي كلمه وألي عرفته من موتت عمار انه هو انضرب كورونا وتقريبًا صار زين ومن طالع بره خارج العراق يتعالج ناطي تلقيح مال كورونا وماخذه بره على حسابه بسعر خيالي بس الله اله حكمه بكل شي من يجي آجل بني آدم ما ينفع لا لقاح بسعرغالي ولا ينفع علاج خارج العراق

وعمار لكون چان طاغي وما يخاف ربه الله حب يقهره بالمرض والموت لهذا أتعافى من الكورونا من راجع صاير عنده وجع براسه بحيث من الم رأسه بده يضرب راسه بالحايط من الوجع واي مسكنات ما تفيد ويا بحيث من وجع راسه ياخذ شريط الحبوب مال المسكنات وما يهدئ ابد رايح ماخذ مفراس طالعه النتيجة عنده ورم بالدماغ

لهذا ناصحي انه ياخذ الجرعه الثانية مال اللقاح بسليمانيه ورايح ماخذ الجرعه الثانيه مال لقاح كورونا متأزمه حالته لهذا مقررين يسوون اله عمليه بالراس لان صاير عنده نزيف بالنخاع والدكاتره مقررين عسى التدخل الجراحي يوقف النزف

بس هذا ما فاد الله قهر عمار بالموت وصار 3 ايام من  مات بسليمانيه وهي من خابرت دى تگلي مات عمار وجابوا من سليمانية وبالفعل بعدها تحچي تعالت الأصوات توحد الله

جابوا عمار ودخلوا يمنه بصاله وهمه نزلوا التابوت ونزلت عليه ساره وهي تبوس بالتابوت وتبچي وتعيط واخواته هم وصح يگولون الموت اله رهبه والله ويا موتت عمار وا حسيت بأي رهبه بالعكس بدي احرگه وهو التابوت على الي سوا بيه

بس يگولون الي يعيش يشوف وصح يشوف بس اني ششوف أكثر من هيچي اني من دخلوا التابوت ما انتبهت على الزلم الي شايلين التابوت بس من ماهر گعد قريب على تابوت عمار ويبچي ويمه ساره وسهى آخت عمار أخذني العجب معقوله الله يرحم ايام العداوه وصح دوام الحال من المحال وماهر حضن بنت اخته ساره وبعدين طلعوا بجنازة عمار من البيت وهوايه من اصدقائه من ضباط واكفين بره