عذريتي مقابل براءتي

البارت السابع

لن يتحملك ألا من يحمل في روحه شيء من روحك
ولا يفتقدك ألا من وجد الدنيا في غيابك غربه
ليس الحب أن تأخذ قلب احدهم
لكن الحب ان تخلق مكانآ
لا يمكن لأحد اخذه
يارين - بعد ما نغلق الموبايل على صريخ فاتن ظليت حايره المن أسأل ظليت حايره أروح على بيت ألي الله ياخذه عمار الصبح من يكون ما موجود لو أخاف أروح ويزيد الطين بله بقيت ألوب أريد أعرف هاي المسكينه شسوه بيها هذا النذل وقررت على ثاني يوم أروح نبقى نقرر ثاني يوم شنسوي بس تدابير الله  وألي كاتبه الله لازم نشوفه ظل بالي يمها والله ما غابت عن بالي على ثاني يوم گعدت من الصبح رحت على بيت عمار چانت حدود الساعه
تسعه ظليت متردده أروح ادگ الباب لا بعدين حسمت أمري
دگيت الجرس اكثر من مره طلعتلي بنت عمار الچبيره وهي تقريبًا
چانت بصف الثاني ابتدائي من فتحت الباب
سلمت عليها وبوستها وسألتها على أمها
گالت- بعد ما بابا ضربها أخذها وداها لبيت جدو

انقهرت عليها وهي هناك ما عدها بس أمها ونسوان أخوتها وحتى لكونها معاقه ما يريدوها لهذا گاعده بيت عمار ويا بناتها وهسه بسببي المسكينه رجعها على أهلها حتى يذلها سألتها على بيت جدها وين هي طفله ما تعرف وين وبيا منطقه ساكنين بعدني احچي وياها
طلعت الططوه سارة شافتني
گالت - شنو حلمانه بينه وجايه شوفينه
وهي هم الحمل مبين عليها
گتلها - لا يمعوده حلمانه شنو بس آني گلت من الصبح أجي اشوف وجهچ وجمالچ الفتان حتى الله يفتحها بوجهي
ضحكت بستهزاء وگالت- تريدين شوفين فاتن شريكتچ بالجريمه حبيبتي رحلها عمار لبيت أهلها
گتلها- صدگي أنتي وعمار يجيكم يوم وهسه شوفين
گالت - هاي خلصت منج ومن فاتن بقن ذني هسه أجيب الولد وحتى ذني هم أخلص منهن
ودفعت بنت عمار
گتلها- ليش يا ظالمه ان شاء الله يطلعها بعافيتچ وعافية عمار هاي طفله شنو ذنبها
ما حجت شي بس دخلت وسدت الباب رجعت للبيت واني گلبي مشتعل نار على هاي الطفله  دارين گالتلي على وضع ام كرار رحت شفتها هاي الانسانة إلي والله حبي إلها بس الله يشهد عليه صح صارت بينه مشادات أكثر من مره بس هي اخت ونعم الأخت چانت النه أجى ابو البيت وراد التعويض مال البيت انطته دارين من فلوس مؤخرها مليونين والنه مهله لنهاية الشهر ولازم نطلع من البيت توسلت بي ما قبل
وگال/ والله الجوارين بعد ما يريدونكم

- لليل سمعنه اسوء خبر وهو موتت أم كرار لهذا ما صار عندي وقت أروح أشوف بيت  بعد الفاتحه ما خلصت وما بقى شي على راس الشهر طلعت أدور على بيت قبل ساعدتني ام كرار الله يرحمها ولگتلي هذا البيت هل مره منو يساعدني يعني ما بقى بس أعتمد على الله ونفسي لهذا ما أعرف وين أدور لهذا رحت على منطقه قريبه على المنطقه الساكنين بيها سألت على بيوت للإيجار دلوني آهل الرحم على مكتب دلالية وشرحتله الوضع مالتنه
گال / والله يا بنتي أكو بيوت بس أنتي على وضعچ لازم مشتمل صغير حتى يكون السعر مناسب
گتله- ياريت لان على گد حالي
گال / تعالي اشوفچ هذا المشتمل
صدگ طلعنه ورحنه على المشتمل چان تعبان كلش بس ما عندي حل لازم أقبل بي وما بقى وقت
گتله / هذا هو أريده
بس فاجئني من گال / أريد ما ل خمس أشهر ليگدام
ظليت اتوسل بي الى ما قبل أنه ياخذ شهر بشهره شكرته
وحجزت المشتمل