عذريتي مقابل براءتي

البارت الرابع

ويكول - مشتغله كوا.... ولج انتي شنو من بشر شلون اصرف وياج كافي بزعت

وبعد طن الغلط والفشار الي سمعته واني ساكته وصلنه للمستشفى كوه نزلت من السياره

جابولي كرسي متحرك ودخلوني فحصت الدكتوره  

وكالت - لازم تاخذ سونار ملون حتى نشوف شبيها خاصرتها حولوني على السونار واخذولي

السونار دكتور شاب شلون حلو وفرقد واكف على راسي وهو وحوراء

وهذا يمشي على خاصرتي واني ابجي من الوجع

وأبو السونار يكول انتي مضروبه على خاصرتج

وفرقد يكله يمعود خلصت انت تسأل انت  هسه دكتور لو أبو سونار 

والولد فشل خطيه وجان يكول اخويه غير اشخص الحاله

كاله - اخويه تشخص شنو هو انت دكتور انت إذا اكو شي تكوله والدكتور يشخص النه

والولد أبو السونار سكت وأجتي حوراء كومتني  وأبو السونار يكتب التقرير

سأله فرقد كاله ، بعد أخوك شبيها

كاله -بعد أخوك الدكتور هو الي يشخص مو اني  ،اني أبو السونار

كامت تضحك حوراء لأن رجع نفس الحجي على فرقد

رجعنه يم الدكتوره  كالت انتي مضروبه على خاصرتج لو عندج وجع وانتي متحملته وصار فتره

طويله

كتلها - لا اليوم انضربت على خاصرتي

كالت - حبيبتي الكليه عندج صاير بيها ورم وراح انطيج علاج وأبر وإذا ما صرتي زينه احتمال

نستأصلها 

ظليت اباوع على فرقد الي  ملامحه متفاجأه من الصدمه ضربتني ابره وطلعنه سكن

الآلم ورجعت للبيت راد هو يصعدني للغرفه ما قبلت اجتي حوراء وصلتني دخلت للغرفه

واجتي كل الذكريات الحلوه والمره ويا فرقد

يارين - بعد ما عمار كام ياخذ حقه بالقوه واني بالنهار ويا فاتن وأمي ورجعت ادور على الحب

الي ضاع مني من راح ماهر وحياتي صارت عباره عن كابوس لأن كله يم دكاتره أراجع بأمي

وعمار بدأ يتذمر من الصرف على اني ما مجبور اتحمل امج واصرف عليها ولازم تشوفين

صرفه لامج

كتله - واني هم ما اتحمل فاتن وأمك وبناتك انت بس أمي ومتقبل اني شلون اتحمل اربعه

لو انت حلال عليك واني حرام عليه

كال - أي بس مو اصرف عليها وانتي شوفين شكد اصرف أدري لشوكت أظل اصرف

كتله - والله يا استاذ عمار ما مجبور طلكني وفر فلوسك  وأنت إذا تصرف اعتبرهن من

المقدم والمؤخر