عذريتي مقابل براءتي

بارت الثاني والعشرون

دحجيلك حجايه تجرحني مره وروح

حتى أقفل عليها و تنحسب ضدك 

ليش وياي تضعف انت طبعك نار  

اذا شافوك نايم فنه اليكعدك  

وتبعد واعدتني وجنت عند وعدك   

بس تعرف شنو ؟بكل ثانيه أفتقدك

دارين - بعد الخوف الي سيطر عليه من أنه حركه للطفل ماكو انرعبت جان يدفر وأشعر بحركته

بس من دخلت بشهر الثامن كل حركه ماكو خفت سئلت منتهى

كالت - راجعي دكتورتج شوفي شنو السبب

وبالفعل انتظرت فرقد بفارغ الصبر من أجى كتله  تخبل شلون الطفل ما يتحرك وحتى ما بدل

ملابسه مال الدوام

كال - بسرعه جهزي نفسج ومن تنزلين من الدرج على كيفج

كملت تبديل و نزلت شافتني كامت تغلط وتدعي واني ما بيه حيل أجاوب رحت لسياره

صعدت ويا وطلع بينا على أقرب مستشفى أهلي وصلنه

وطبيت على دكتوره نسائيه

كالت روحي نامي على السديه حتى اخذلج سونار

سويت مثل ما كالت وقبل ما تاخذ سونار

كتلها -عفيه دكتوره زوجي يريد يطب ويشوف من تاخذين سونار

كالت - ولا يهمج هسه أدخله ويشوف السونار

دزت عليه الممرضه من دخل سوت السونار

كالت - انتوا مؤمنين بقضاء الله وقدره حامل بتوأم واحد ميت والثاني نبضه ضعيف راح

أنطيج علاجات وترتاحين بس هذا الشهر ومن تكملين الشهر نسويلج عمليه وتولدين

كتبت كومة علاجات وأبر وطلعنه جاب العلاج من الصيدليه ورجعنه

اول ما دخلنه شافتنه عمتي شلون أسوي روحها خايفه عليه وعلى الطفل والله المكر الي

عدهن يصفن كدام شكل وراه شكل

عفتهم وصعدت لغرفتي واني أفور

أجى فرقد شافني افتر بالغرفه ط

كال شبيج شنو عندج وجع

ما جاوبته

وهو جاب العلاج ومي من أنطاني علاج  دفعته ايده وهو تخبل

كام يصيح شبيج انتي كل ساعه مزاجج شكل اخذي العلاج الطفل راح يموت وانتي تتعيقلين

كتله - شفت  أمك شلون تتصرف ويايه وراك ترزل وكدامك سوي نفسها خايفه عليه