عذريتي مقابل براءتي

بارت الثاني والعشرون

كال - أهو يا طلابة الكشره ما أخلص ابد مللتيني أمك كالت أختك حجت مرتك سوت شوفي لج

اذا الطفل صار بي شي انتي المسؤوله كدامي شمر عليه العلاج ونزل

أخذت العلاج وبدلت وعدلت نفسي ونزلت ورا لكيتهم التقوى والإيمان ينكط منهم لأن الكل

يصلي والله يعجبون حتى الحجر تصرفاتهم الحجر يصفن منها ويعرفون الله بنفس الوقت

عفتهم وطلعت للكراج ظليت رافعه راسي واشوف القمر جان كامل انفتحت الباب ودخل طارق

شفته ردت بسرعه ادخل للمطبخ بس هو أسرع مني جر أيدي وجرني للحديقه من جهة

بيت سنان 

كال - انتي ليش تنهزمين مني والله راح أموت بس اشوفج احبج اريد احجي وياج شلون انتظرج

ب 12 بالليل  هنا

لازم أيدي خله ايده على خصري وجرني عليه وهو يتلمس

ادفع بي وكتله انت مخبل شنو وخر والله هسه أعيط وألم الناس عليك

خله رأس بركبتي وهو يكول محد يصدكج وأولهم فرقد

بعدني ادفع بي صارت كدامنه منتهى وهو شافها بكل عافني وراح دخل جوه للبيت

ظلت تباوع عليه منتهى وتهز بيدها

ردت احجي وياها وأبرز موقفي عافتني وطبت لبيتها  واني هم دخلت للبيت وأفكر شنو الفكره

الي اخذتها منتهى عني

يارين - كعدت ثاني يوم على تبليغ ضبط وإحضار للمركز شنو القضيه ما فهمت المن أسأل

واحنه حمد لله ما عدنه أحد حتى اذا يصير علينه شي محد يطلع ورانه لو عدنه أحد جان عمار

ما سوه بيه هيجي وامي تولول فوك راسي على راح ضيعين بسبب عنادج ومنو الج والنه بس 

انتي وتتوسل بيه أتنازل عن الدعوه ضد عمار

كتلها - والله لو يموت لو آخر يوم بحياتي ما اعوفه هو عايش حياته ومرتاح واني خدامه أله

ولمرته إلا يطلكني

كالت - ولج يا غبره شلون توكفين بوجهه عمار وانتي فلس أحمر ما عندج هاي آخر فلوس

انطاهن عمار النه خلصن وهو ضابط وين نروح اكعدي واسكتي الرجال يريدج وانتي ملتهيه تحبين

وتتمعشكين برأس الرجال

كتلها - بعد لو أموت ما أبقى ويا عمار اريد اطلك منه اريد أعيش حياتي بعيد عنه من حقي

أكون أسره شنو أظل طول عمري عمار خايف يكول يارين زوجتي

عفتها ورحت غسلت وتريكت وطبيت لغرفتي بدلت وأخذت التبليغ وطلعت وعفت أمي تحجي