عذريتي مقابل براءتي

البارت التاسع

عاط بيه انتي شنو كالبه خلقتج زوجج جاي من شغله تعبان هاي فوك ما تريحيني

اطب واطلع وانت نفس الخلقه والجهره المكلوبه شوفي اكلج ترى بديت أمل

رفع راسه ليفوك

وكال ربي والله تعبت ارحمني محسود عليها وهي جنها اخويه ونايم بصفي حرام

خلف الله على الفراش الي يذكرني انت مرة

هنا جاوبته انت ما مجبور تكدر تعوفني

كال هاي صحيح ما مجبور بس عادي تكدرين تنطيني فلوسي ويطبج مرض شلي غرض بيج

ولو انتي الدين كل شي ما تعرفين بي الرسول محمد (ص) يكول أعطي الأجير حقه قبل

أن يجف عرقه صدق رسول الله (ص) وانتي حمدلله ماخذه الأجر كله في مئة ضعف

فالمفروض منج تقدمين احسن ما عندج

كتله بس اريد أسأل ليش دائمآ تحسسني أنه اني من ذني المو زينات الي تعرفهن

ضحك كلي انتي نسيتي نفسج منين جبتج لو شجنتي سوين

كتله لا شلون أنسى ومقدم فرقد موجود ويذكرني 0 بس تحلم أجاوب وياك لو أموت ما انسى شلون

حاولت تعتدي عليه بالسجن لو ضربك ومعايرك إليه لو حركك و لا صير براسي متدين

كال يجي يوم وتكليلي فرقد ما اكدر ابتعد عنك

هنا اني الي ضحكت كتله اي هاي بالحلم مالتك

يارين -رجعت للبيت واني حايره اكول لأمي لو لا على معتز دخلت للحديقه الي قبل المشتمل

صاحت ام علي عليه

كالت بنتي شلونج

كتله هلا خاله

كالت ولو اني مستحيه منج بس بيت أبو موسى اليوم اجى ابنهم وكال ام وأخت معتز

ما يبقن هنا اليوم يطلعن واني توسلت بي بالكوه يلا قبل تبقون 3 ايام دبروا ارواحكم بيها

وشوفولكم بيت

هنا جنت بهم صرت بهمين بيمن أفكر بمعتز لو ندبر بيت دخلت للمشتمل شفت أمي

اول مره أشفق عليها شسوت الله عاقبها من أبويه الي مات وعافها لو من خلفتها

الي محد صفى منها بس بنيه وحده وياها لو بيت الي حترك وراح نصفى بالشارع

شافتني فتحت ايدها تريدني أروح بحضنها اني اعرف من سوي هيجي تريد

ملجأ إلها تريد آمان رحت بحضنها

كالت شفتي نقيب عمار

كتلها اي شفته وكال راح أساعدكم وكتلها على كلام ام علي

كامت ادك وتلطم على شلون وين راح أروح

كتلها نأجر بيت بس بعيد عن هاي المنطقه وما جبت سيره على معتز