عذريتي مقابل براءتي

البارت السادس

تأخرتوا علي طولتوا يمه

قلقتوني شنو الشغله المهمه

مو مشكله احجولي اش كال ما كال

اشم بثيابكم ريحة مذمه

صرت ماضي ونساني وما اهمه

انتهى كل شي ويريد أبري الذمه

اني تخوني ذاكرتي مرات

رحمه لوالديكم هو شسمه

دارين -بعد ليله متعبه من التفكير ولازم بعد كل ليل يجي الصباح حتى يجلي عتمة الليل

وهذا كانت روحي القاحله إلي تتخبط بعتمة الليل وطلع الصبح حتى يعلن برائتي

ويسرق أجمل أحلامي حتى يتركني بعتمه ما أطلع منها كل عمري

وقبل الساعه 8 جنت جاهزه ودعت ام زينه هاي المرأة إلي شما اكول

قليل بحقها وطلعت ويا الشرطيه طلعتني خارج البنايه وكانت واكفه سياره مال شرطه

صعدت بيها واني اذكر اول ما جابوني للمركز وخوفي ورعبي من هذا المكان

ودخلت مسجونه وذليله حتى التقيت بفرقد إلي طلعلي كلب بصف كلبي

واني اعترف الفضل كله لفرقد إلي سباني واعتدى عليه حتى كلبي تحجر

اول واحد كلبي تحجر عليه هي روحي وتحركت السياره ومشت حتى

غاب المركز عن نظري

وصلنا للمحكمه اول ما طبيت شفت فرقد والمحامي وصعدنا الطابق الثاني

لأن قاضي الجنايات فوك وفرقد يمشي ورايا حتى لا احد يطخني خايف

عليه خاف عليه من روحك بالأول انت بالنسبه إلي أكبر ذئب بشري

ما انتظرنا هوايه واجى دور القضيه مالتي ودخلنا اني والمحامي وفرقد

والقاضي اول ما شاف فرقد كام وسلم عليه عرفت أنه القضيه منتهيه

وحتى المحامي بس قدم ملف القضيه وكف على صفحه

أطلع القاضي على الملف وقع وشكر فرقدالقاضي وطلعنا

باركلي المحامي على البراءة الشرطيه هم بوكتها المحامي وفرقد

جانوا يسولفون اجتي هوسه على واحد قاتل 3 واهليتهم هجموا عليه من جابوا

وصارت هوسه وبالمحكمة كلها تركض وناس واكفه تتفرج وتدافع حتى

يشوفوه أتلفت ماكو أحد يمي لا فرقد ولا المحامي والناس هوسه

فرحت اجتي فرصتي حتى انهزم من فرقد

نزلت أركض من الدرج وصار بوجهي الباب الرئيسي مال المحكمه

طلعت أركض واكو صبات عبرتهن واركض بس أريد ابتعد

عن المحكمه صار كدامي الشارع العام وأني أركض طبكت يمي سياره سوده عاليه حديثه