عذريتي مقابل براءتي

البارت الثالث

رديت عليها /كل شي ما سويت رحت بس ما لكيت أحد لا شفت ياسر ولا غيره
كالت يا لعد ليش دز الرسالة خاف دا يشاقى وياج وحب يهبطج هسه شويه ويدك عليج
كتلها أتمنى دا يشاقى ويايا بس أني خايفه
جاوبتني وعليمن خايفه يمعوده هبطتني وبعدين اكلج ما يكدر يفضحج لإن هو هم يتورط
وياج ويعرف هاي صير بيها عشاير وفصول وشلون عدكم عشيره تتفلس على الباجله ما يعرف ما عدكم احد يلا هم زين ما يعرف وها لازم يزوجج بعد ما فضحج وماكو واحد يقبل يزوج
وحده مفضوحه لا تفكرين ماكو شي وعافتني وطلعت بس إني ما اعرف ليش ما مرتاحة وهذا جان
الهدوء إلي يسبق العاصفه بس أني بالنسبه إلي ما جان عاصفه جان إعصار خلف ورا كل دمار
ورماد بداخلي
جان يوم عصيب توتر على حاله نفسيه زفت حايط يصدني وحايط يردني حتى من الغرفه ما طلعت حتى لا يشوفون عيوني إلي مورمه من البجي للعصر اجتني الصدمه إلي ما جنت
متوقعتها ومصيبة حياتي
ندكت باب غرفتي ودخلت ميار ورؤى
رؤى /هاي اجتي صديقتج ميار كتلها خطيه دارين مريضه بس اصرت إلا اشوفج يلا اني
اعوفجن براحتجن
وطلعت رؤى
ميار :-عرفتي شصار
جاوبتها/لا شكو شصار
ميار :-يمعوده لكوا ياسر مقتول ومشمور بالشط
جاوبتها جذب شلون مات ومنو قتله
ردت ما اعرف بس من رحتي على موعد ياسر شفتي
كتلها لا ماشفته ولا شفت أحد ليش دز رساله ما اعرف

جاوبتني ميار اكلج انتي باجر اداومين
كتلها لا ما بيه حيل وظلت يمي شويه وبعدها راحت ميار
ورجع التفكير ياكل بروحي ساعه ألوم روحي على علاقتي ويا ياسر وساعه ابجي عليه لأنه مات وما اعرف شعوري متناقض كل شويه برأي وما اعرف شلون مر الليل وثاني يوم ما رحت للمدرسة خابرت على يارين من موبايل امي وطلبت منها تجي إلنا للبيت
كالت العصر يجي علاء وأكله واذا قبل أجي
ظليت على نار للعصر اجتي يارين شافتني مو على بعضي استغربت وسوي إشارات بوجهه
بمعنى شبيج اشرتلها وصعدت فوك وهي صعدت ورايا أول ما دخلت وشافتني ابجي تخبلت
يارين؛-شبيج حبيبتي دارين ليش تبجين
كتلها مصيبه يارين وكعت على راسي وحجيتلها كل القصة
ظلت دك وتلطم ودك على وجهها ولج شون بيج دارين ومنو دز الرسالة إذا هو ميت ومكالمات
الفيديو بعدها بموبايله لو ماكو مكالمات فيديو وأنتي شلون تأمنين برؤى هسه ورطتج وطلعت
منها بعدنا نحجي صاحت عليها عمه رويده حتى يرحون وهذا جان اخر مرة اشوف بيها
حبيبة كلبي وعمري يارين جانت نعم الأخت ونعم الأم
لو كنا نعرف شراح يصير باجر جان حذرنا ألف مره وما وكعنا بالمحظور والله إلي صار ويايا
تمنيت لو حاركه روحي يم الشط وما صار إلي صار

فرقد جنت كاعد بمكتبي والملل عندي فول دخل ملازم أول عماد
ملازم عماد :-سيدي التحقيقات الأولية وخبير الأدلة الجنائية يكول متعرض للخنك يعني جريمة قتل ولكينا يمه هدومه محروكه وموبايل بي رقم سري وأخذوا الجثه للطب العدلي والموبايل
أخذوا خبراء الإلكترونيات يفكون الرمز ويجيبوه حتى نتعرف على هوية القتيل