Notice : Love isn't allowed

Finale : Let me love you [Unicode]

' Sehunစကားနားမထောင်တာနဲ့ အဖေ့ဆီဖုန်းဆက်ဟုတ်ပြီလား သား '

'ဟုတ်ကဲ့ အဖေ '

Sehunကလည်းတနှစ်နေလို့မှအိမ်တခေါက်ပြန်
မလာပေမဲ့သားအရင်းထက် LuhanကိုသိသိသာသာကြီးအရေးပေးသွားသောSehun ၏မွေးသဖခင်ဖြစ်သည်။ အဖေ အဖေဖြင့်ပါးစပ်ကမချအောင် ခေါ်နေသူလည်းရှိမှတော့ Oh Sehunကဘယ်မျက်နှာနဲ့နေရမည်လဲ။?? မျက်နှာချိုသွေးကာထိုသားအဖစိတ်တိုင်းကျနေဖို့သာပဲရှိသည်။

အဖေအားကိုးဖြင့် ဆိုးလ်ကိုပြန်သည့်လမ်းတလျှောက်လုံး Sehunကိုခိုင်းစားသည်။
အရင်ကလည်းမခိုင်းတာမဟုတ်ပေမဲ့ ခုကျ ရက်ရက်စက်စက်ကိုခိုင်းဖို့အကွက်တွေ့နေတာဖြစ်ပါသည်။

ဘူတာမှထွက်သည်နှင့်အိမ်မပြန်ဖြစ်တော့ပဲ စာပေတိုက်သို့တန်းသွားလိုက်သည်။ Bossဆီ ရောက်ပါကြောင်းသံတော်ဦးတင်ရမည်။ အခန့်မသင့်လျှင် ရှည်လျားထွေပြားသောမကျေနပ်ချက်များကိုနားထောင်ရဦးမည်။Baekhyunဆီမှာလည်း အိမ်သော့ကဝင်ယူရဦးမည်ဖြစ်သောကြောင့်စာပေတိုက်ကမသွားမဖြစ်။

နှစ်ယောက်သားယှဉ်လျက်နှင့်စာပေတိုက်ထဲဝင်လာခဲ့ချိန်မှာ ဝန်ထမ်းတော်တော်များများ ၏ အကြည့်သည်သူတို့နှစ်ယောက်ထံရောက်လာသည်။

အရင်ကလည်း အကြည့်ခံနေကြမို့ အထွေအထူးတော့မခံစားရ။ Parkစာပေတိုက်မှာ သူတို့နှစ်ယောက်ကstarပဲလေ။

"Oh Sehun ssi နဲ့ Luhan ssi ဘာလာလုပ်တာ
လဲဗျ"

ရုံးခန်းထဲမှာမရှိပဲ အောက်ဆုံးထပ်ကော်ဖီဆိုင်တွင်ထိုင်နေသော Boss Parkက သူတို့နှစ်ယောက်ကိုမြင်သည်နှင့်ထိုသို့နှုတ်ခွန်းဆက်သသည်။

ဘေးနားမှာအမြဲရှိနေကြ Baekhyunကတော့ ပြုံးလျက်သာLuhanကိုလက်ပြပြီးအနားလာဖို့ခေါ်လေသည်။

ထိုစားပွဲဝိုင်းဆီ နှစ်ယောက်သားလျှောက်သွားလိုက်ပြီးထိုင်ဖို့ပြင်ရုံရှိသေး Boss Parkပြောလိုက်သည့်စကားမှာ

"ဘာလာလုပ်တာလဲလို့ ?? မင်းတို့ကို ငါက ခွင့်တသက်လုံးပေးလိုက်ပြီလေ"

"ဘာရယ်??"

"အလကား အဲ့လူကြီးလျှောက်ပြောနေတာ
Luhan ရော့ အိမ်သော့"